Skip to main content
79

Dette jobopslag er udløbet

Najugaqarfik Elisibannguami Isumaginninnermut Ilaqutariinnut Naligiissitaanermut Inatsisinillu Atuutitsinermut Naalakkersuisoqarfik-up ataaniittoq, isumaginninnermut peqqinnissamullu ikiortimik ilinniarsimasumik pissarsiorpoq

Najugaqarfik Elisibannguaq tassaavoq inersimasunut eqqarsartaatsimikkut innarluutilinnut najugaqaqatigiiffik katillugit 21-nik najugaqarfigineqarsinnaasoq. Najugaqartut 34-t 70-illu akornanni ukioqartuupput.
Immikkoortortat Elisibannguaq ilanngullugu sisamaapput, ilai ukuusut: Najugaqarfik Elisibannguaq 12-nik najugaqarfigineqarsinnaasoq. Ukaliusaq sisamanik najugaqarfigineqarsinnaasoq. Sikkerneq tallimanik najugaqarfigineqarsinnaasoq. Sannavik Inneruulat ulluunerani innarluutilinnut sammisassaqartitsivittut ornittagaq.

Qinnuteqartussamut piumasaqaataapput:

  • Piareersimaffigissagit sulisooreersut peqatigalugit ulluinnarni perorsaanermut sungiusaanermullu tunngasut suliarissallugit.
  • Aalajaatsuusutit piffssamillu eqquisuusutit.
  • Kalaallisut qallunaatullu oqaatsinik atuilluarsinnaasuussasutit.
  • Soqutigisaqarfigissagit misilittagaqarfigalugulu eqqarsartaatsimikkut kinguarsimasunik sullitaqarnissat.
  • Pinerlussimasuussanngitsutit.
  • Piareersimaffigissagit najugaqartumik illoqarfimmut allamut angallassisinnaanissat.

Sulineq sapaatip akunneranut 40 tiiminik sivisussuseqarpoq, kiisalu nikerartumik sapaatillu akunnerisa naanerini nalliuttunilu sulisarnissaq naatsorsuutigineqassaaq.

Akissarsiat atorfinititsinermilu atugassarititaasut:
Akissarsiat atorfinititsinermilu atugassarititaasut atorfinitsitaanerup nalaani Naalakkersuisut atorfinittussallu kattuffiata akornanni isumaqatigiissutit atuuttut naapertorlugit ingerlanneqassapput.

Inissamik innersuussisoqarsinnaavoq malittarisassat qaqugukkulluunniit ineqarnermut atuutsinneqartut naapertorlugit akilersorneqartussamik, tassunga ilaalluni qularnaveeqqusiineq.

Ulloq atorfiniffissaq qinnuteqarfissamullu killissarititaq: Atorfiniffissaq: 01.02.2018 imaluunniit isumaqatigiissuteqarnikkut, qinnuteqarfissaq kingulleq: 24.01.2018.

Annertunerusumik paasisaqarusukkuit pisortamut Ane Baarsgaard Jensen-imut saaffiginnissinnaavutit tlf.: 81 33 43 / 52 02 62 kiisalu mail ataani allassimasumut allannikkut paasiniaasoqarsinnaalluni.

Qinnuteqaat ilinniarsimanermullu allagartaq siornatigullu suliffigisimasamit oqaaseqaatinik ilalerlugu ataani allaqqasumut nassiunneqassapput.
 

Najugaqarfik Elisibannguaq
Postboks 89
3912 Maniitsoq


Tlf.: 81 33 43
Fax: 81 39 27
E-mail: elis@nanoq.gl

Søg stillingen online