Skip to main content
85

Dette jobopslag er udløbet

Meeqqanut suli atualinngitsunut siunnersorti

Ilinniartitaanermut Aqutsisoqarfik 
Ilinniartitaanermut Aqutsisoqarfik atualinngitsunut tunngatillugu inerisaanermik suliaqartussamik siunnersortissarsiorpoq 1. August 2018 atorfinittussamik.
 
Suliassat
Perorsaanikkut inerisaalluni siunnersortip sulisut allat peqatigalugit qularnaassavaa, Meeqqanut suli atualinngitsunut ulluunerani neqeroorutit pillugit Inatsisartut inatsisaata nr. 16, 13. december 2012-imeersup aamma Naalakkersuisut meeqqanut suli atualinngitsunut tunngatillugu anguniagaasa allat piviusunngortinnissaat, makkua qitiutillugit:
            

  • Meeqqerivimmiit atuarfimmut ikaarsaariarnerup inerisaaviginissaa
  • Sulisunik inerisaanermut peqataaneq, meeqqerivinni sulisut pikkorissarnerisigut coachernerisigullu, paasissutissanik katersineq suliarinninnerlu ilanngullugit
  • Inerikkiartornermut ilikkariartortarnermullu tunngaviit periutsillu atorneqartut (Tunngaviit) ilisimaneqarnerisa siammaannissaannut peqataaneq aamma taakkununnga naleqqiullugu pikkorissaatissanik nalileeriaatsinillu suliaqarneq.
  • Meeqqanik suli atualinngitsunik 3-nik 5-nillu ukiulinnik naliliinissamut misissuinissamullu sakkussat, suliat assigiinngitsut akimorlugit inerisarnerinut peqataaneq.                  
  • Inerisaalluni suliat tamanut saqqummiunnissaanut peqataaneq.
  • Sulianut allanut peqataaneq, tamatumunnga ilanngullugu suliap iluani avataanilu suleqatigiinnut inerisaanermut attuumassuteqartunut peqataaneq. 

Ilinniagaqarneq piginnaasallu

  • Naapertuuttumik perorsaanikkut ilinniagaqarputit, aamma master imaluunniit kandidatitut qaffasissuteqartumik, tassunga aamma ilanngullugu ilitsersuilluni coacherineq
  • Kalaallisut, qallunaatut tuluttullu allassinnaallutillu oqalussinnaassaatit.
  • Allakkatigut, oqaasiinnakkut oqaasiliorluarsinnaassutsikkullu attaveqarnissamut piginnaasaqarluassaatit.
  • Misissueqqissaarneq pisinnaasaqarfigilluassavat.
  • Perorsaanikkut inerisaaneq piginnaaneqarfigilluassavat coacherinermillu misilittagaqarlutit.
  • Nammineerlutit sulisinnaassuseqassaatit ilutigisaanillu suleqatigiinnut peqataasinnaassuseqarluarlutit.

Annertuumik angalasarnissaq naatsorsuutigisariaqarpoq.
Meeqqanik pinerliisimannginnermut uppernarsaat piumasaqaataavoq.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
 
Ineqarneq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.
Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il. il. apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik.
 
Qinnuteqaat
Qinnuteqaat CV-mik soraarummeernermullu uppernarsaatinik ilaqartinneqartoq link ilanngunneqartoq atorlugu, kingusinnerpaamik 11. juni 2018-imi nassiunneqassaaq.
Atorfik pillugu apeqqutissaqarnermi immikkoortortaqarfimmi pisortaq saaffigineqarsinnaavoq. 
Ellen J Karlsen
eljk@nanoq.gl
+299 34 62 12

 

 

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput. 

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat. 

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk