Skip to main content
104

Dette jobopslag er udløbet

Kujalleq Kommuniani najugaq qimannangu perorsaanermik ilinniarfik ilinniartitsisussarsiorpoq

Seminaria 250 missaani Kalaallit Nunaat tamakkerlugu isumaginninnermi ikiortinngorniartunik, socialassistentinngorniartunik bacheloritut perorsaasunngorniarlutik ilinniartunillu ilinniartoqarpoq. Seminaria aammattaaq utaqqiisaasumik najugaq qimannagu perorsaasunngorniarneq Nuummi, Qaqortumi, Sisimiunilu ingerlataqarpoq, aammattaarlu pikkorissarnermut immikkoortortaqarluni Kalaallit Nunaat tamakkerlugu pikkorissaanernut neqerooruteqartartoq. www.pi.sps.glquppersagaanut alakkaruk
 
Qaqortumi najugaq qimannagu perorsaanermik ilinniarfik ilinniartitsisussarsiorpoq
 
Atorfik ukiunik 3½-inik sivisussuseqartinneqarallarpoq, sivittorneqarsinnaaneranik periarfissaqarluni. Suliassatit makkuupput: najugaq qimannagu perorsaanermik ilinniarnerfimmi ukiuni pingasuni ilinniartitsinerup piareersarnera – ingerlanneralu. Aammattaaq ilinniarnerup ingerlanerani ingerlaavartumik inaarutaasumillu naliliineq. Kujalleq Kommunia suleqatigalugu aug./sept. 2018-imit aallartittussamik ilinniartunik nutaanik Qaqortumi aallartitsinissaq naatsorsuutigineqarpoq.
 
Ilinniarneq  pingaarneq tassaavoq piffissami nikerartumi piffissaq naallugu ilinniarneq ullullu ilaannatigut ilinniarneq, ilinniartoq piffissami aalajangersimasumi ilinniarfimmiittassaaq piffissalu ilaanni suliffimmiittassalluni.
 
Ilinniartitsisumik pissarsiorpugut ilinniartitsinerup iluani ilinniagassani ataaseq arlalinniluunniit ilinniartitsisuusinnaasumik ukunani:

  • Psykologi
  • Nassaassarsiorsinnaaneq – nipilersorneq/isiginnaartitsineq(drama)/sanalunneq kulturimullu tunngasunik susassaqartitsineq

Najugaq qimannagu ilinniarnermi kalaallisut ilinniartitsisoqartarpoq
 
PI/SPS naatsorsuutigaa:

  • Meeqqanik inussuttunillu suliassaqarfimmi sulinermik nuannarinnittoq
  • Perorsaanermik suliassaqarfimmi pimoorussilluni sulerusuttoq
  • Perorsaasutut suliassaqarfimmi misilittagaqarluartoq
  • Suliassaqarfimmi aalajangersimasumi ilinniartitsinermik nuannarisalik
  • Ilinniartunik inersimasunik misilittagaqartunillu ilinniartitsilluarsinnaasoq ilinniartullu oqartussaaqataanerannik inuunermik ilinniarnermillu ingerlatsisinnaanerannik inissaqartitsisoq
  • Qaqortumiikkaluarluni ilinniarfiup suliffeqarfiullu ilaattut naligiittullu anersaaqarluni ingerlarusussuseqassasoq 
  • Ilinniartut ilikkagaqarnissaat qitiutinneqassaoq
  • Ilinniartitaanerup qaffassaaqataaffiginissamut isummiussisimassasoq
  • qiimasaarsinnaassuseqassasoq isumagissaarsinnaassuseqarlunilu!

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik.

Paasissutissat sukumiinerusut atorfimmut tunngasut pillugit saaffigineqarsinnaavoq: Rektori Nuka Kleemann oqarasuaat 34 35 50 e-mail: nuka@pi.sps.gl imal. tullersorti Marianne Nissen, e-mail: marianne@pi.sps.gl
Aamma atuarsinnaavat www.pi.sps.gl
 
Atorfik kingusinnerpaamik 1. august 2018 isumaqatigiinnikkulluunniit inuttalerumaneqarpoq, qinnuteqarfissarlu kingulleq ulloq 7. juni 2018.
 
Qinnuteqaat ilinniarsimanermut inuussutissarsiutitigut misilittagaqarnermut uppernarsaatit pillugit ilanngussassat tamaasa ilanngullugit uunga nassiunneqarsinnaapput: pi.sps@attat.gl. Qinnuteqartunik oqaloqatigisassanik  toqqaanermi toqqakkat atorfiginikuusaannut tusarniaasoqassaaq atorfininnermilu pillagaasimanerup/-nnginnerup allagartaanik piniartoqassalluni.
 
Qinnuteqaat nammineq atsiugaq ingerlatinneqassaaq:
 
Perorsaanermik Ilinniarfik/Socialpædagogisk Seminarium
Postboks 519
3952 Ilulissat

 

 

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput. 

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat. 

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk