Skip to main content
96

Kommuninut, Nunaqarfinnut, Isorliunerusunut, Attaveqaqatigiinnermut Ineqarnermullu Naalakkersuisoqarfimmi inatsisilerituutut atorfik inuttassarsiugaq

Ukiuni tulliuttuni mittarfiit nutaamik nutaaliaasumillu ilusilerneqarnissaat aalajangiunneqarmat, mittarfiit/silaannakkut angallanneq annertuumik allannguiffigineqartussaapput. Kommuninut, Nunaqarfinnut, Isorliunerusunut, Attaveqaqatigiinnermut Ineqarnermullu Naalakkersuisoqarfik silaannakkut angallannermut, kiisalu Mittarfeqarfiit suleqatigalugit mittarfiit pioreersut ingerlanneqarnerinut akisussaasuuvoq, kiisalu Kalaallit Airports A/S-i Nuummi, Ilulissani Qaqortumilu mittarfiit nutaat sanaartorneqarnissaannik suliakkerneqarluni.
 
Attaveqaqatigiinnermut Immikkoortortaqarfik nukittorsaaffigineqartussaavoq, taamaattumillu A/C fuldmægtigimik allamik imaluunniit siunnersortimik, silaannakkut angallannermut immikkut ilisimasalimmik pissarsiortoqarpoq.
 
Atorfik pillugu nassuiaat
Attaveqaqatigiinnermut Immikkoortortaqarfik Kommuninut, Nunaqarfinnut, Isorliunerusunut, Attaveqaqatigiinnermut Ineqarnermullu Naalakkersuisoqarfiup oqartussaaffiisa ataanniippoq, tassaallunilu naalakkersuisoqarfimmi immikkoortut sisamaasut ilaat.
 
Attaveqaqatigiinnermut Immikkoortortaqarfiup imarsiornermi, silaannakkut angallannermi, mittarfeqarnermi, umiarsualiveqarnermi, nalunaarasuartaateqarnermi aammalu nunakkut imaatigullu assartuussinermi suliassanik pilersaarusiortarneq, ataqatigiissaarisarneq aaqqiisarnerlu isumagisarai.
 
Immikkoortortaqarfiuvugut mikisunnguaq, suliassanik assigiinngitsorpassuarnik isumagisaqartoq aammalu nunarujussuarmik, siammasissorujussuarnik najugaqarfeqartumik sullissisuusoq. Aaqqiissutissat suleqataaffigisavut innuttaasut tamarmik ulluinnarni inuunerinut isumaqartorujussuupput aammalu nunatsinni ineriartortitsiviusinnaasunik piviusunngortitsisarnermut pingaaruteqarluinnarlutik. Attaveqaqatigiinnermut Immikkoortortaqarfik inunnit tamanit tusagassiorfinnillu soqutigineqarluarpoq.
 
Inatsisilerituumik immikkoortortaqarfimmi sulisut sinneri immikkoortortaqarfimmilu pisortaq suleqatigalugit politikkikkut takorluukkat pingaarnerit aalajangersimasumik angusaqarfiunissaannik qulakkeerisinnaasumik pissarsiorpugut.
 
Atorfimmi suliat pingaarnerit tassaassapput aammalu ilaatigut tassaallutik:

  • Avataaniit suleqatinut isumaqatigiissutinik aqutsineq
  • Danmarkimi silaannakkut angallannermut oqartussaasunik, Mittarfeqarfinnik il.il. suleqateqarneq
  • Politikkikkut akissuteqartarneq
  • Timmisartuussinernut qinnuteqaatinut angallannermut politikkikkut akuersissuteqartarneq
  • Silaannakkut angallannernik misissueqqissaarnerit
  • Ataqatigiissaarinermi suliassat
  • Sulianit suliniutinillu ingerlaavartumik nalunaarusiortarneq

Qinnuteqartumut tunngasut:
Sulisussamik tunniusimasumik imatut piginnaanilimmik pissarsiorpugut:

  • cand. jur.-itut, cand.merc.jur.-itut assigisaatulluunniit ilinniarsimasoq
  • neqerooruteqartitsisarnernik isumaqatigiissutinillu aqutsinermik misilittagalik
  • sanaartornermi sulianik misilittagalik
  • suleqatikkuminartoq oqaasiliornermillu piginnaanilik
  • ulluinnarni ulapaarfiusuni, assigiinngitsorpassuarnik suliassaqarfiusumi sulinissamut kajumissusilik piumassusilillu
  • kalaallisut oqaatsinik ilisimasaqarneq iluaqutaassaaq
  • tuluttut oqaatsinik ilisimasaqarluartoq
  • IT-mut nalinginnaasumik ilisimasalik

 Sulineq avatangiisini pissanganartuni suliatigullu unammillernartuni ingerlanneqarpoq, taamaattumillu suliat nunamut tamarmiusumut pingaaruteqarnerannik ilisimasaqarnissaq qitiutinneqarpoq.
 
Attaveqaqatigiinnermut Immikkoortortaqarfik suliffeqarfiuvoq periarfissaqartitsilluartoq, suleqatigiinnikkut ataatsimoorfiulluartoq ulluinnarnilu ulapaarfiusoq.
 
Inatsisilerituutut isumaqatigiissutinik aqutsinerup qulakkeernissaa pingaarnertut suliarissavat, tamatumalu saniatigut apeqqutit inatsisilerinermut tunngasut pillugit suleqatitit suleqatigissavatit. Eqqissisimasumik pingaarutilinnut tappillutit suliannik paasisimaarinnissinnaassuseqaruit pitsaalluinnartunik aallaavissaqarputit.
 
Tusarfiginissat qilanaaraarput, aammalu naalakkersuisuni sulineq pillugu, Attaveqaqatigiinnermut Immikkoortortaqarfiup suliai pillugit aammalu suliffipput pitsaasoq pillugu paasisaqarusukkuit akissuteqarnissamut piareersimavugut.
 
Namminersorlutik Oqartussani sulinermut tunngatillugu una isumassarsiorfigisinnaavat paasisaqarfiginnaallugulu: www.naalakkersuisut.gl.
 
Akissarsiat atorfininnermilu atugassarititaasut
Atorfik immikkut ittumik siunnersortitut inissiffigineqarsinnaasunngorlugu inuttassarsiorneqarpoq. Namminersorlutik Oqartussat kattuffiullu isumaqatiginninniarsinnaatitaasup ilaasortaaffigisap akornanni isumaqatigiissutit atuuttut naapertorlugit atorfinitsitsisoqassaaq.
 
Akissarsiat atorfininnermilu atugassarititaasut, tassunga ilanngullugit atorfinitsi- taanermi soraarnermilu angalanissamut akiliunneqarnissamut pisattallu nassiun- neqarnerannut Kalaallit Nunaanni Namminersorlutik Oqartussat kattuffiullu isuma- qatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
 
Sapaatip akunneranut piffissaq suliffiusoq nal. ak. 40-t.
 
Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq.   Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.
 
Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik.
 
Soqutiginnippit?
Apeqqutissaqaruit immikkoortortaqarfimmi pisortaq Tina Amondsen attaveqarfigisinnaavat: tiam@nanoq.gl
 
Kommuninut, Nunaqarfinnut, Isorliunerusunut, Attaveqaqatigiinnermut Ineqarnermullu Naalakkersuisoqarfik
Postbox 909
3900 Nuuk

 
Ulloq atorfiniffissaq: 1. februar 2018 imaluunniit isumaqatigiissuteqarnikkut.
 
Ulloq qinnuteqarnissamut killissarititaq: Tallimanngorneq 26. januar 2018 nal. 12.00.

Send ansøgning