Skip to main content
112

Dette jobopslag er udløbet

Kommuninut, Nunaqarfinnut, Isorliunerusunut, Attaveqaqatigiinnermut Ineqarnermullu Naalakkersuisoqarfimmut inatsisilerituumik

Ineqarnermi kiisalu sanaartornermut immikkoortumi tunngavissanik nutaanik ineriartortitseqataarusuppit aammalu aalajangersaaqataarusuppit?

Kommuninut, Nunaqarfinnut, Isorliunerusunut, Attaveqaqatigiinnermut Ineqarnermullu Naalakkersuisoqarfimmi Ineqarnermut Sanaartornermullu Immikkoortortaqarfimmi inatsisilerituumik misilittagalimmik, ajornanngippat ineqarnermik, kisiannili aamma sanaartornermi immikkoortumut soqutigisaqartumik ilisimasaqartumillu pissarsiorpugut.

1. november 2017-imi imaluunniit isumaqatigiissuteqarnikkut piaartumik atorfinitsitsisoqassaaq.

Atorfik pillugu
Ineqarnermut Sanaartornermullu Immikkoortortaqarfik naalakkersuisoqarfimmi immikkoortortat sisamaasut ilagaat, tassanilu ineqarnermi, illuuteqarnermi, sanaartornermi nunami namminermi susassaqarfinni attaveqaqatigiinnermilu Naalakkersuisoqarfiup suliassai isumagineqarput. Maannarpiaq Naalakkersuisoqarfimmi sulisut 30-t missaaniipput.

Immikkoortortaqarfimmi allaffiit marluupput, Ineqarnermut Illuuteqarnermullu Immikkoortortaqarfik kiisalu Sanaartornermi Oqartussaasut, taakkunanilu immikkut maannarpiaq immikkoortortaqarfinnut pisortat saniatigut atorfiit akuerisat sisamaapput.

Ineqarnermut Illuuteqarnermullu Immikkoortortaqarfimmi Namminersorlutik Oqartussat illuutaannik ingerlatsineq isumagineqarpoq, inissianillu attartortitsisarneq pillugu inatsisip saniatigut ilaatigut illuutinik pisiniartarneq tunisisarnerlu, kiisalu Namminersorlutik Oqartussani sillimmasiissutit tamarmiusut isumagineqarlutik. Tamatuma saniatigut allaffiup Namminersorlutik Oqartussat inissiaataannut attartortittakkanut pilersaarusiorneq, kiisalu attartortunut paasissutissiissutinik tamanik suliaqarneq isumagisarai.

Illuuteqarnermut Oqartussaasut Namminersorlutik Oqartussat inissialiortiternerini sanatitsisutut aqutsineq, kiisalu qitiusumik suliassat aammalu sanaartukkanik atortunillu allanik sananermut, sannaanut ilusilersuinermullu aalajangersakkat isumagisaraat. Kiisalu Illuuteqarnermut Oqartussaasut sanaartornermi nutaaliorneq, ineriartortitsineq pitsanngorsaanerlu eqqarsaatigalugit suliassanik pingaarnernik arlalinnik isumagisaqarput.

Atorfik immikkoortortap allaffiisa marluusut akornanni avitaavoq, aammalu qaninnerpaatut Ineqarnermut Illuuteqarnermullu Immikkoortortaqarfimmi allaffimmi pisortaq qullersarissavat.

Suliassatit
Ineqarnermut Sanaartornermullu Immikkoortortaqarfimmi nutaanik inatsisiliorluni suliniuteqarnermi siuttuuneq, taamatullu inatsisinik ataatsimoortunik, immikkoortortaqarfimmit aqunneqartunik ingerlaavartumik nutarterisarneq allanngutsaaliuinerlu pingaarnertut suliarissavatit. Tamatuma saniatigut pisortani oqartussaasunut, taamatullu inuinnarnut suliffeqarfinnullu inatsisinik nassuiaanissamut atatillugu apeqqutini tamanut ilitsersuilluni ikiuunnissaq suliassaavoq. Suliassat allat ilaatigut tassaapput:

  • Inatsisissanik nutaanik suliaqarnermi naalakkersuisoqarfiit akimorlugit suleqatigiissitanut suleqataaneq
  • Aqutsisunut sullissineq, tassunga ilanngullugu Naalakkersuisunut Inatsisartunullu nassuiaasiorneq
  • Sanaartornermi ineqarnermilu politikkikkut tunngavissanik ineriartortitsinermi atuutsitsilertarnermilu suleqataaneq
  • Paasissutissiissutinik ilitsersuutinillu suliaqarneq
  • Inuinnarnit taamatullu pisortanit saaffiginnissutinut akissuteqartarneq, taakkununnga tusarniaanerit ilaatinneqarput
  • Neqerooruteqartitsisarnernut Maalaaruteqartarfiup Allattoqarfiani suliassanik isumagisaqarneq
  • Naalakkersuisoqarfiup tamarmiusup suliassaqarfiisa iluanni suliassaalersut assigiinngitsut

Immikkoortortaqarfimmi sulisut allat qanillugit suleqatigilissavatit, aammalu ineqarnermi sanaartornermilu suliassat assigiinngitsorpassuit suliarilissavatit.

Naatsorsuutigaarput:
Ilinniartitaanikkut cand.jur.-itut, cand.merc.jur.-itut assigisaanilluunniit tunuliaqutaqassasutit, ajornanngippallu ineqarnermut, sanaartornermut suliassanullu inatsisilerinermik misilittagaqassasutit.

Tamatuma saniatigut pingaartipparput,

  • pisortat ingerlatsiviini suliassani sullissinermik misilittagaqassasutit namminersorlutillu sulisinnaassasutit
  • allakkatigut oqaluinnarnikkullu oqaasiliornissamut piginnaaneqarluassasutit
  • aaqqissuussaanermi politikkikkut aqunneqartumi sulinissamut naleqqussarsinnaassasutit
  • inussiarnersuussasutit suleqatikkuminartuussasutillu, aammalu torersumik suliassanullu aaqqiissutissanik siunnerfeqarlutit sulisinnaassasutit
  • inuiaqatigiinnut kalaallinut ilisimasaqarluassasutit

IT-mut sakkunik assigiinngitsunik, tassungalu ilanngullugu ilaatigut atortut elektroniskiusut atorlugit pappilissanillu suliaqarnissamut ilisimasaqarluarnissat iluaqutaassaaq (ilinniartitsisoqarsinnaavoq).

Neqeroorutigaavut:

  • Suliffeqarfik nutaaliornermik nutaamillu eqqarsarnermik aallussiviusoq
  • Naalakkersuisoqarfimmi suliffeqarfik, politikkikkut aalajangiisarnerit qanillugit suliaqarfiusoq
  • Sullivimmi avatangiisit pingaartorsiorfiunngitsut ammasullu, naalakkiisarnermut aqqutsit qanillugit ingerlatsiviusut, kiisalu suleqatit tunniusimasut
  • Inuttut suliatigut unammilligassat pissanganartut, kiisalu ilinniaqqinnissamut periarfissaqarfiusut

Pissusilersornerit pingaartorsiorfiunngillat aammalu ulluinnaat ulapaarfiusut qiimasumik, kisiannili aamma sulinerup ilaqutariittullu inuunerup ataqatigiissinnissaannik ataqqinniffiusumik ingerlanneqartarput.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Piffissaq suliffiusoq sapaatit akunnerannut nalunaaquttap akunnerinik 40-nik sivisussuseqarpoq.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il. apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik.

Paasissutissat amerlanerusut
Atorfik pillugu annerusumik paasisaqarusukkuit allaffimmi pisortaq Susie Kristiansen oqarasuaat 34 54 46-mut imaluunniit immikkoortumi ingeniøri Janus Køster 34 54 54-imut sianerfigisinnaavat, imaluunniit mail-imik nassiussisinnaallutit, uunga: box909@nanoq.gl.

18. september 2017 qinnuteqarnissamut killigitinneqarpoq.
Qinnuteqaatit kingusinnerpaamik 18. september 2017-imi tigusimassavarput.
Atorfinitsitsinissamut atatillugu oqaloqatiginninnerit sap. ak. 38-39-mi ingerlanneqarnissaat naatsorsuutigineqarpoq.

Søg stillingen online