Skip to main content
80

Dette jobopslag er udløbet

Kalaallit Nunaanni Uumasut Nakorsaqarfik Inuussutissalerinermullu Oqartussaaffik Uumasut nakorsaattut atorfinittussamik pissarsiorput

Uumasut nakorsaattut piginnaasatit tamakkiisumik atortarusuppigit, suliassanillu assigiinngitsunik anguniagaqarfiusumik nammineerlutillu sulisarusuppit - taamaappat Kujataanni pinngortitami kusanarluinnartumi atorfimmik pissanganartumik neqeroorfigisinnaavatsigit.

Atorfik pillugu:
Kalaallit Nunaanni Uumasut Nakorsaqarfik Inuussutissalerinermullu Oqartussaaffik (UNIO) Kalaallit Nunaat tamakkerlugu uumasunut nakorsaqarnermut inuussutissalerinermullu tunngasut tamaasa akisussaaffigai. Uumasunut nakorsaattut tamakkuninnga suliaqartartut ilagilissavatit ulluinnarni suliassavit saniatigut UNIO-p allatut ingerlanneqarsinnaaneranut siunissarlu ungasinnerusoq eqqarsaatigalugu ineriartortinneqarnissaanut peqataassaatit.

Uumasut Nakorsaqarfia Inuussutissalerinermullu Oqartussaaffimmi immikkoortortaqarfimmi pisortamut Nuummi inissisimasumi ulluinnarni attaveqartassaatit.

UNIO massakkut uumasut nakorsaannik 3-nik aalajangersimasunik, uumasut nakorsaannik marlunnik piffissap ilaani sulisartunik bioteknologimilu ingeniørimik ataatsimik sulisoqarpoq. Tamatuma saniatigut uumasut nakorsaqarfik inuussutissalerinermullu oqartussani inatsisitigut suliassat suliarisarnissaanut inatsisilerituumik ataatsimik sulisoqarpoq. Sulisut piffissami qanittumi amerlineqarsinnaaneri immikkoortortaqarfimmit sulissutigineqarpoq.

Aaqqissugaaneq eqqarsaatigalugu Kalaallit Nunaanni sumiiffinni assigiinngitsuni pingasuni agguarneqarluta inissisimavugut. Uumasut nakorsaat ataaseq Ilulissani atorfeqarpoq qimmit qimuttuunerusunullu tunngasunik oqartussaaffimmilu  suliassaanik allanik suliaqartarluni. Atorfigiligassat Qaqortumi inissisimavoq tassanilu uumasuuteqarnermut tunngatillugu siunnersuisarneq pingaarnertut suliassarissallugu, inuussutissaleriffinnik nakkutilliiartortassaatit siunnersuisarlutillu, toqoraavinni nakkutilliisassaatit oqartussaaffimmilu suliassaanik allanik suliaqartarlutit.  Suliffiup saniatigut uumasut nakorsaattut namminersortutut sulisinnaanissaq periarfissaavoq.  UNIO-mi sulisut allat Nuummi inissisimapput naalakkersuisumik innuttaasunillu sullissineq, nakkutilliiartortarnerit aammalu oqartussatut suliassanik allanik pingaarnertut suliaqartarlutik soorlu killeqarfinni nakkutilliinerit.

Kujataanni Uumasut nakorsaattut atorfinittusatut ulluinnarni suliassavit pilersaarusiorsinnaanissaanut ingerlassinnaanissaanullu piginnaasaqassaatit.  UNIO suliffeqarfiuvoq mikisoq eqeersimaarfiusorlu suliassallu soorunalumi sulisut akornanni suleqatigiissutigalugit naammassineqartariaqartartut ingerlaavartumik takkussuuttarput. Tamakkulu periarfissarititaasut naalakkersuinikkullu pingaarnersiuisimanerit aallaavigalugit suliarineqartarput.

Akisussaaffiit:

  • Toqoraavinni nakkutilliineq, tassunga ilanngullugu toqoraavinni nakkutilliinernit aaqqiinernik pitsaassusaannik misissuisoqartarneq.
  • Savaateqarnermik inuussutissarsiutilinnik siunnersuineq kiffartuussinerlu. Tassunga ilanngullugit oqarasuaatikkut oqaloqatiginnittarnerit,  nakorsaatinik tunniussisarneq toqqortaatinillu aqutsineq aammalu suliarisimasat allaaserineqarnerisa allagaasivimmut toqqorterisarneq.
  • Nunalerineq pillugu Siunnersuisoqatigiinni ilaasortaaneq aammalu Nunalerinermi Nakkutilliisuutitani ilaasortaaneq.
  • Inuussutissalerinermut tunngatillugu nakkutilliiartortarneq siunnersuisarneq suliassanillu isumaginnittarneq.
  • Uumasut illersorneqarnissaat aammalu uumasut nappaataanut inunnut tunillaassorsinnaasunut tunngatillugu nakkutilliiartortarnerit siunnersuisarnerillu.
  • Innutaasunik sullissineq tassunga ilanngullugit uumasunik, inuussutissanik uumasunillu tammajuitsussanik nunatsinnut eqqussisarnermut nunatsinnillu annissisarnermullu tunngatillugu siunnersuisarneq.
  • Suleqatinik ilinniartitsineq.
  • Kalaallit Nunaanni uumasunut nakorsaqarnermut tunngatillugu suliassat eqqarsaatigalugit tamakku inatsisiliuunneqarlutillu maleruagassiuunneqarnissaanut suleqataaneq.

Ilinnut tunngasut:
Uumasut nakorsaatut (Cand.med.vet) ilinniagaqarsimassaatit.

Suliffik nuannaralugu suliffigisinnaassagukku makku pingaaruteqarput:

  • Tamakkiisumik isiginnissinnaassuseqarnissat, aaqqissuusamik sulisinnaassuseqarnissat suliassannillu pilersaarusiorluarsinnaassuseqarnissat.
  • Suleqatinik, innuttaasunik oqartussanillu allanik suleqateqarluarsinnaassuseqarnissat.
  • Najukkami inuussutissarsiutitik aqqutigalugu soqutigisaqartut inuttut attavigilluarsinnaanissaasa pingaaruteqassusaa paasillugulu pingaartissavat.
  • Nammineerluni sulisinnaassuseqarnermik nuannarisaqassaatit pisuni ilungersunartorsiorfiusuni eqqarsarluarsinnaassuseqassallutillu.
  • Oqartussat aqutsiveqarfiani ajornanngippallu inuussutissalerinermik suliaqarnermik misilittagaqassaatit.
  • Kalaallit Nunaanni Uumasunut Nakorsaqarfik Inuussutissalerinermullu Oqartussaqarfimmi ineriartortitseqqinnermi toqqaanartumik isumassarsiortartullu peqataatinneqassaatit.
  • Allattariarsornikkut oqaatsitigullu paasiuminarsaallaqqissuussaatit.
  • Arlalinnik oqaaseqartuusaatit. Allaffimmi ulluinnarni sulinermi danskisut oqaluttoqartarpoq annikitsumillu tuluit oqaasii atorneqartarlutik.  Kalaallisut oqalussinnaallutillu allassinnaaguit iluaqutaalluassaaq.

Neriuppugut nuannaartuussasutit immikkoortortaqarfimmilu immitsinnut ungasilluta suliffigisatsinni taamaattorli immitsinnut pisariaqartitsiffiusumi suliassallu naammassineqarnissaat anguniarlugu suleqatigiiffiusartumi persuarsiorfiunngitsumik nuannersumillu oqaluffiusartumi sulisinnaassuseqassasutit.

Kalaallit Nunaanni pinngortitarsuaq alutornarluinnartuuvoq silamilu nammineerluni sammisassarsiornissamut periarfissaqarluarluni. Kalaallit Nunaata avataaniit qinnuteqartunut tunngatillugu sungiusimasamit allaasumit kulturikkut piumasaqaateqarfiusumi sulinissamut piginnaaneqarneq, piumassuseqarneq kajumissuseqarnerlu pingaaruteqarpoq.

Qaqortoq 3400-nik innuttaqartoq Kalaallit Nunaanni illoqarfiit annersaasa tallimaraat Kommune Kujallermilu illoqarfiit annersaralugu.

Aningaasarsiaqartitaanermi atorfeqartitaanermilu atugassarititaasut
Akissarsiat atorfinitsitaanermullu tunngasut, taakkununnga ilaallutik atorfinikkiartorluni soraarnermilu angalanissanut pequtinillu nuussinermut tunngasut atorfininnerup nalaani Namminersornerullutik Oqartussat kattuffiullu ilaasortaaffigisap isumaqatiginninniarsinnaatitaasup akornanni isumaqatigiissutit malillugit aalajangerneqassapput.

Qinnuteqartunut tjenestemanditut atorfeqareersunut tjenestemanditut atorfinitsitsisoqarsinnaassaaq. Kalaallit Nunaanni Namminersornerullutik Oqartussani kommuninilu tjenestemandit pillugit Inatsisartut inatsisaat nr. 21, 18. december 2003-meersooq naapertorlugu tjenestemanditut atorfinitsitsisoqassaaq.

Piffissaq suliffiusussaq sapaatip akunneranut nalunaaquttap akunnerinik 40-nik sivisussuseqarpoq. 

Ineqarneq
Maleruagassat qaqugukkulluunniit atuuttut malillugu sulisunut inissiamut pequtilersorneqanngitsumut atorfimmut innersuussisoqarsinnaavoq.  Inissiamut innersuunneqartumut maleruagassat qaqugukkulluunniit atuuttut malillugit ineqarnermut akilimmik qularnaveeqqutinillu akiliisoqassaaq.  Inigisap qanoq pisoqaatiginera, piginnittoqarnikkut pissutsit il. apeqqutaatillugit ineqarnermut akiliut aamma inissiap pitsaassusia assigiinngisitaarsinnaavoq. Sulisunut inissiaq atorfeqarnerup taamaatinnerani qimanneqassaaq. Ataavartumik sulisunut inissiamut utaqqisoqarsinnaavoq, taamaattumik utaqqiisaasumik illusimatitsisoqarsinnaalluni, tassunga ilanngullugu aamma ataatsimut ineqarfinni mikinerusuni imaluunniit hotelini inissiani.

Paasissutissat allat
Atorfik pillugu sukumiinerusumik paasisaqarusukkuit uumasunut pisortaagallartoq Stella Ege Kristensen oqarasuaat +299 345390 / +299 551997 imaluunniit allagaqarlutit uunga uumasut@nanoq.glattaviginissaanut tikilluaqqusaavutit. Eqqaamajuk Nunatta Danmarkillu akornanni akunnernik sisamanik nikingassuteqarmat.

Kalaallit Nunaat Namminersorlutillu Oqartussat annerusumik paasisassarsiorfiginiarukkit uani takukkit  www.sullissivik.gl aamma www.naalakkersuisut.gl.

Kalaallit Nunaanni kalaallit oqaasii pingaarnersaapput. Kissaatigineqarpat piffissap suliffiusussatut aalajangigaareersup isumaqatigiissutaasimasup iluani kalaallisut ilinniartitsinissaq neqeroorutigineqarsinnaavoq.

Qinnuteqaat
Qinnuteqaat naalakkersuisoqarfiup tigoreersimassavaa kingusinnerpaamik ulloq 15. september 2017.

Atorfinitsitsinissamut oqaloqatiginnissat attaveqaatit atorlugit sapaatit akunneranni 38-mi 2017-imi pissapput.

Piaartumik atorfinittoqassaaq.

Qinnuteqaammut ilinniakkanut uppernarsaatit attuumassuteqartut nuutinneri ilanngullugit kiisalu siusinnerusukkut suliffigisimasanit oqaaseqaatit qinnutigineqassapput  ataani ataani iserfigisassakkut nassiunneqassapput.

Kalaallit Nunaanni Namminersorlutik Oqartussat pillugit nalinginnaasumik paasissutissat
Kalaallit Nunaanni Namminersorneq ulloq 21. juni 2009-mi atuutilerpoq. Namminersorlutik Oqartussat tassaapput Qitiusumik Allattoqarfik (QA), 650-it missaanik sulisulik naalakkersuisoqarfinnut qulingiluanut aqutsisoqarfinnullu arlalinnut agguataarsimasoq. Katilluta inuit 2500-t sinnerlugit Namminersorlutik Oqartussanut atassuteqarpugut.

Qitiusumik Allattoqarfimmi suliassarput pingaarnerpaaq tassaavoq, Naalakkersuisut (Naalakkersuisoqarfiit) aalajangernissaannut tutsuiginartumik tunngavissinnissaat aalajangikkallu piviusunngortinnissaat. Suliniuteqarfinnut tunngasutigut pingaartigaarlugu salliutitaq tassa, pisortat sullissineranni innuttaasunik qanimut suleqateqarnissap sanarfinerani, innuttatsinnut 56.000-iusunut tamanut annguttussamik siuttuunissarput.

Søg stillingen online