Skip to main content
112

Dette jobopslag er udløbet

KALAALLIT NUNAANNI PERORSAANERMIK ILINNIARTITAANERNUT PIKKORISSARTITSINERMI ATAQATIGIISSAARISOQ


Unamminiagassanut nutaanut sapiissuseqarpit killingusaarlu nutaaq piareersimaffigaajuk, taava PI/SPS-imi Perorsaanermik Ilinniarfimmi Ilulissaniittumi ilinniartitsisutut atorfik soqutiginartoq inuttassarsiorneqarpoq.

PI/SPS Kalaallit Nunaanni perorsaanermik seminariatuaavoq, nunarsuarmi kangerluit iigartartullit annersaat kusanarnerpaallu, nunarsuup kingornutaatut erligisassatut UNESCO-mit ilanngunneqarsimasup, qanittuani inissisimaffeqartoq.

Seminaria 300 missaanik ilinniartoqarpoq ilinniartitaanernut assigiinngitsunut tallimanut agguataarsimasut: isumaginninnermi ikiortitut ilinniarneq, socialassistentitut ilinniarneq, perorsaasutut sammivilimmik bacheloritut ilinniarneq, najugaq qimannagu perorsaasunngorniarneq kiisalu ulluunerani meeqqanik sullissinermi ikiortinngorniarneq. 40-nik sulisoqarpugut taakkunannga 20 missaat ilinniartitsisuullutik.

PI/SPS-ip suliassaqarfii pingaarutillit makkuupput:

  • Perorsaasunngornianik, socialassistentinngornianik isumaginninnermilu ikiortinngornianik ilinniartitsineq
  • Perorsaanermik suliassaqarfik tamakkerlugu pikkorissarnernik ilinniagaqaqqinnernillu isumaginninneq
  • Najukkami pisariaqartitsineq malillugu ulluunerani neqeroorutini ikiortitut ilinniartitaaneq isumagissallugu
  • Perorsaanermik suliassaqarfimmi – suliatigut ilinniartitaanernullu tunngasutigut - ineriartortitsineq isumassarsiornerlu 


PI/SPS-imi aamma illutaata nutaap Ilulissaniittup atoqqaarfissioreerpoq, ilinniartunik amerlanerusunik tigusinissamut isumaginninnermilu suliassaqarfiup iluani ilinniartitaanernik nutaanik pilersaarusiornissamut periarfissiisoq. Ilinniarfimmi pikkorissartitsinerit amerlanerusut ingerlanneqartarnissaat aammattaaq kissaatigaarput PI/SPS-imilu suleqatigiinnut ilaalissaatit Seminariap Kalaallit Nunaanni isumaginninnermi suliassaqarfiup iluani allanngueqataanissamut anguniagaanut atasumik pikkorissartitsinerit ingerlanneqartarnerisa ineriartortitseqataaffiginissaannut periarfissaqassallutit.

PI/SPS-ip ataani pikkorissartitsinerit ingerlanneqartut imarisaannik ineriartortitsisinnaasumik pikkorissartitsinermut ataqatigiissaarisumik pissarsiorpugut. Pikkorissartitsinerit nuna tamakkerlugu neqeroorutigineqartarput perorsaanermilu suliassaqarfiup iluani pikkorissartitsinernik neqerooruteqartarnikkut siuuttunngornissaq anguniagaalluni.

Pikkorissartitsinermut immikkoortortaqarfik nukittorsarniarlugu pikkorissartitsinernut ataqatigiissaarisumik pissarsiorpugut, ataqatigiissaarisup pikkorissartitsinermi aqutsisoq pikkorissartitsinermullu allattoqarfik suleqatigalugu ineriartortitsineq pikkorissarnernillu neqerooruteqartarneq nukittorsarneqassaaq. Suliassaqarfimmut ilinniartitsisutsinnullu qanimut attaveqarnerit/attaveqalernissat naatsorsuutigineqarpoq, taamaattumik suliffimmi misiliisunut siunnersortitut pikkorissartitsinissamut neqeroorutit kiisalu perorsaasunngorniat suliffimmi misiliineranni ataqatigiissaarisutut ataqatigiissaarineq ilinnut suliassaqarfinngorsinnaalluni.

Perorsaanermik suliassaqarfimmik ilisimasaqarlutik qinnuteqartut salliutinniarpagut.

Pikkorissartitsinernut ataqatigiissaarisup suliassarai:

  • Pikkorissartitsinernik nutaanik neqeroorutit ineriartortitsineq, matumani imaanut, ingerlanneqarnerannut sinaakkutit ilinniartitseriaatsinillu isumaliutit ilanngullugit.
  • Pikkorissartitsisut suliatigut siunnersioqatigisassallugit
  • Pikkorissaasassalluni imaluunniit ilinniartitaanerni pisariaqartitsineq naapertorlugu sivikinnerusumik ilinniartitsisuusassalluni.
  • PI/SPS-imi pikkorissarnermut immikkoortortaqarfiup tunngaviusumillu ilinniartitaanerit suleqatigiinnerannik nukittorsaassalluni.
  • Pikkorissartitsinerit ataqatigiissassallugit, pilersaarusiussallugit nalilersortassallugillu.
  • Pikkorissartitsinerit ingerlanneqarnissaannut aningaasassarsiortassalluni
  • Ujartuilluni sulisassalluni pikkorissartitsinernillu ujartorneqartunik suliaqartassalluni.
  • Pikkorissartitsinermut allattoqarfik, oqalutsi pikkorissartitsinermullu aqutsisoq siunnerfilimmik oqaloqatigisassallugit.
  • Allaffissornikkut suliassat isumagisassallugit 

Pikkorissartitsinermut ataqatigiissaarisoq eqaatsoq ineriartortitsinissamut isumaliuteqarsinnaasoq perorsaanermilu suliassaqarfiup iluani kajumissuseqarnerata saniatigut suleqatitut pitsaasoq suleqatikkuminartorlu pissarsiarerusupparput, avatangiisiminut suliassaminullu ajunngitsumik isummertaaseqartoq.

Qinnuteqartuni ilinniakkamik atuilluarsinnaaneq piginnaasallu makku pingaartinneqarput

  • Perorsaasutut ilinniagaqarputit attuumassutilimmik ilinniagaqaqqissimasoq immaqa masteritut imaluunniit kandidatitut.
  • Inuussutissarsiutini ulluunerani aamma ulloq unnuarlu paaqqinnittarfiit suliassaqarfiini misilittagaqarputit perorsaasutut atorfinni suliassat ilisimasaqarfigalugit imaluunniit perorsaanermut attuumassutilimmik uppernarsaatitalimmik misilittagaqarlutit aamma isumaginninnermi / inuiaqatigiilerinermi suliassaqarfiup iluani.
  • Pikkorissartitsinernik ingerlatsinermik misilittagaqarputit.
  • Suliassarpaaluit namminersorlutit suleqateqarlutillu aaqqissuullugit ataqatigiissarlugit ataatsikkut naammassineqarnissaannut ingerlassinnaavatit.
  • Kalaallit Nunaannit misilittagaqarlutillu ilisimasaqarputit kulturillu allat aallaavigalugit sulinissat ammaffigalugu.
  • Pikkorissartitsinernut ataqatigiissaarisutut kalaallit oqaasiinik piginnaaneqarneq iluaqutaassaaq.

Akissarsianut atorfinitsitaanermilu atugassarititaasut:
Akissarsiat atorfinitsitaanermilu atugassarititaasut, matumani ilaallutik atorfininnermi soraarnermilu angalasinnaanermut kiisalu pisattat nassiunneqarnerat Namminersorlutik Oqartussat aamma kattuffiup isumaqatiginninniarsinnaatitaasup akornanni isumaqatigiissutit atuuttut tunngavigalugit pissapput. 

Inissiamik innersuussisoqarsinnaavoq, malittarisassat qaqugukkulluunniit atuuttut naapertorlugit akilersorneqartussaq.

Paasissutissat sukumiinerusut Rektorimit Nuka Klemann, oqarasuaat +299 38 35 50-ikkut, mobil +299 55 64 64-ikkut mail: nuka@pi.sps.gl-ikkut imaluunniit Ilinniarnermi pikkorissartitsinernilu aqutsisoq Anders Bech Thøgersen oqarasuaat +299 38 35 80-ikkut mail: anth@pi.sps.gl-ikkut pissarsiarineqarsinnaapput.

Seminaria pillugu www.pi.sps.gl-imi aamma Ilulissat pillugu www.qaasuitsup.gl-imi atuarsinnaavutit.

Atorfik piaarnerpaamik imaluunniit isumaqatigiissuteqarnikkut inuttalerneqarnissaa kissaatigineqarpoq. 
Qinnuteqarfissaq killilerneqarpoq pingasunngorneq 27. september 2017, nal. 8:00 (kalaallit nalunaaqutaa malillugu).

Qinnuteqaat mailikkut uunga nassiunneqarsinnaavoq: allaffik@pi.sps.gl tamatumalu kingornatigut allakkatigut qinnuteqaatip allaqqaarneranik innersuussinertalik ilanngussartalillu nassiunneqassalluni. Qinnuteqartut oqaloqatigineqartussatut toqqarneqarneranni innersuussinerit ilaatinneqassapput. Pinerluuteqarsimannginnermut uppernarsaat nutaaq piumasarineqarpoq.

Qinnuteqaat uunga Namminersorlutik Oqartussanut, Rektori Nuka Kleemann, Perorsaanermik Ilinniarfik/Socialpædagogisk Seminarium, Postboks 519, 3952 Ilulissat, nassiunneqassaaq.

Søg stillingen online