Skip to main content
113

Dette jobopslag er udløbet

Kalaallit Nunaanni Namminersorlutik Oqartussat - Akileraartarnermut Aqutsisoqarfik Kontorfuldmægtig-mik/skattekonsulent-mik sulisussarsiorpoq

Akileraartarnermut Aqutsisoqarfimmi kontorfuldmægtigimik/skattekonsulent-imik   ulloq 1. marts 2018-imiit imaluunniit isumaqatigiissuteqarnikkut inuttassarsiuussivoq.

Aaqqissuussaanikkut atorfiit sulisitsisunik misissuisartut immikkoortortaqarfiani inissisimavoq, Akileraartarnermullu Aqutsisoqarfiup Nuummi immikkoortortaqarfiani inissisimalluni.

 

Suliassat:
Pingaarnertut suliassaallutik sineriaq tamakkerlugu sulisitsisunik misissuisarluni. Taamaattumillu nammineerluni suliassanik suliarinnissinnaanissamut piginnaasaqarnissaq naatsorsuutigineqarluni, aammalu ajornanngippat  inatsisinut attuumassutilinnut ilisimasaqarnissaq, naatsorsuusiornermullu paasinnissinnaaneq, kiisalu pitsaasumik oqaasiliorsinnaanermut piginnaasaqarnissaq.

 

Taamatuttaaq suliassanut tamanut peqataasassaatit, Akileraartarnermut Aqutsisoqarfimmi immikkoortortaqarfiit allat suleqatigalugit, pingaarnertut akileraaruserisut akiliisitsiniartartullu.

 

Nutaanik ilinniagaqassallutit soqutigisarissavat, suliassanillu nutaanik suliaqassallutit akunnattoorfigissanagu. Naatsorsuutigineqartariaqarpoq angalasarnissaq.  Atorfinititsinermut atatillugu suliassanut qulaani taaneqartunut ilinniartinneqassaatit.

 

Sulisitsisunik misissuisartut immikkoortortaqarfiani isumagineqartarput sulisitsisut naatsorsuusiaannik Akileraartarnermullu Aqutsisoqarfimmut nalunaarutaasartunik kukkunersiuinerit.

 

Sulisitsisunik misissuisartut immikkoortortaqarfiani massakkorpiaq 6-inik sulisoqarpoq. Sulisullu agguataaqallutik Nuummi Maniitsumilu.

 

Allaffimmi pisortaq qaninnertut aqutsisorissavat.

 

Piginnaasat:

  • Naatsorsuutigineqarpoq allaffimmiutut assigisaanilluunniit ilinniagaqarsimanissat, assingusumillu misilittagaqareersimanissaq, kiisalu qarasaasiamik atuisinnaanissat, avatanngiisinnut ammasuullutit, namminersorlutillu sulisinnaanissat, peqataalluartuunissat, aalajaallutillu akisussaaffeqarluartumik sulisinnaanissat.
  • Kalaallisut/qallunaatut/tuluttullu piginnaasaqartuunissaq iluaqutaassaaq.
  • Kalaallit kultur-iannik inuiaqatigiinnullu pissutsinik ilisimasaqarnissaq piumasarineqarpoq.
  • Atorfimmut ilisimasaqareerneq, inatsisitigut naatsorsuuserinermut paasinnilluarsinnaaneq.

Aningaasarsiat atorfinitsinnermullu atugassarititaasut:
Akissarsianut atorfinititsinermilu atugassarititaasut, atorfinitsitsinerup nalaani atorfinitsitaasussap kattuffiata isumaqatigiinniarsinnaatitaasup Kalaallit Nunaannilu Namminersornerullutik Oqartussat akornanni isumaqatigiissutit atuuttut naapertorlugit ingerlanneqartassapput.

 

Inissaq:
Atorfimmut atatillugu inissamik innersuussisoqarsinnaanngilaq.

 

Atorfik pillugu saaffiginniffissaq:
Atorfik pillugu apeqquteqartoqarsinnaavoq uunga allaffimmi pisortaq Charlotte R. Lyberth oqarasuaat toqqaannartoq +299 34 65 14/ mail: cly@nanoq.gl

 

Qinnuteqaat:
Qinnuteqaat ilinniarsimanermut paasissutissat, siusinnerusukkut suliffigisimasat soraarummeer-simanermullu uppernarsaatit nuutinneri ilanngullugit nassiunneqassapput:

Namminersorlutik Oqartussat

Akileraartarnermut Aqutsisoqarfik

Postbox 1605, 3900 Nuuk

Imaluunniit nittartagaq www.naalakkersuisut.gl aqqutigalugu

 

Piffissaq qinnuteqarfissarititaasoq kingulleq:
Qinnuteqaatit Akileraartarnermut Aqutsisoqarfiup kingusinnerpaamik tigoreersimassavaa 15. Februar 2018.

Søg stillingen online