Skip to main content
107

Dette jobopslag er udløbet

Isumaginninnermut Aqutsisoqarfiup aningaasaqarnermut immikkoortortaa erninermut atatillugu, 1. februarimiit isumaqatigiissuteqarnikkulluunniit, 31. juli 2018-ip tungaanut sulisussamik pissarsiorpoq

Aqutsisoqarfiup nutaap pilersinneqarnerani avatangiisini sulisut pikkorissut piumassuseqartullu pisariaqartippai, suliffeqarfiup iluani ineriartornermut nutaanillu eqqarsarnermut sulisut tamarmik peqataanissaminnut periarfissaqarput. Pitsaaqutaassaaq suleqateqarusussuseqartuuguit, qiimasuuguit suleqatinnullu soquginnittuullutillu pitsaasumik kiinnersinnaaguit.

Aningaasaqarnermut immikkoortortaqarfik Isumaginninnermut Aqutsisoqarfiup iluani tamanik suleqateqarneq ingerlanneqassaaq, susoqarfiusunullu amerlasuunut Isumaginninnermut Aqutsisoqarfimmi aallartinneqartunut akuliussimasussaalluni. Taamaattumik aqutsisoqarfiup iluani unammillernartunut akimullu suleqatigiinnerup iluani pingaarutilittut inissisimassallutit.

Suliassat ilaatigut makkuussapput:

  • Sulisussarsiornermut saqqummiunneqartussanik suliaqarneq, atorfinittussanik innersuussinerit il.il.
  • Angalanernut, hotelinut allanillu inniminniinerit, DK-mit angalasut ilanngullugit.
  • Angalanermut atatillugu ullormusianik nakkutigisaqarneq
  • Qaammatikkaartumik, ukiumoortumillu naatsorsuutinik naligiissitsinerit
  • Paaqqinnittarfinnut akissussaaffigisanut naatsorsuuserineq pillugu siunnersuineq
  • Akissarsiassanik suliaqarneq
  • Ulloq unnuarlu paaqqinniffinni ataasiakkaani naatsorsuuserinermik ingerlatsineq kiisalu ineriartortitsinermik suliaqartunut angalasartoqatigiinnut ilanngunneq
  • ERP Systemip nutaap atulernissaanut immikkoortortanut aqutsisoqarfiup ataaniittunut ilinniartitsisussanut ilanngunneq.
  • Nakkutilliisooqatagiinnut aningaasaqarnermik nakkutilliilluni peqataaneq

Naatsorsuutigaarput makku eqqortissinnaagitit:

  • Aningaasaqarnermut/naatsorsuuserinermut tunngasunut attuumassuteqartumik tunuliaqutaqarneq
  • IRIS, XAL kiisalu EXCEL pillugit ilisimasaqarneq
  • Naalakkersuisoqarfiup suliassaasa naammassiniarneranni nammineerluni akisussaassuseqarusunneq
  • Suliat akimorlugit avatangiiseqartumi sulerusussuseqarneq, ataasiakkaat aaqqiissutinut tamanut sammititaasunut tapertaasarlutik
  • Nuannaartuuneq, piumassuseqarneq quiasaarsinnaanerlu
  • Kalaallisut oqalussinnaaneq

Akissarsiat atorfininnermilu atugassarititaasut
Akissarsiat atorfininnermilu atugassarititaasut, taassuma ataani atorfininnermi soraarnermullu angalanermut isumaqatiissutit Kalaallit Nunaanni Namminersorlutik Oqartussat illillu isumaqatigiinniartarnikkut tunuliaqutigisavit isumaqatigiissutaat atuuttut naapertorlugit pissaaq.

Sapaatip akunneranut 40 tiiminik sulineq.

Ineqarneq
Atorfimmut atatillugu inissaqartitsisoqanngilaq. Qinnuteqartoq atorfimminut atatillugu Namminersorlutik Oqartussat ataanni ineqartinneqareersimaguni inini tigummiinnarsinnaavaa. Atorfimmut atatillugu ineqartinneqarneq, atorfimmit soraarnermi atorunnaassaaq ineqartinneqarneralu atorunnaassalluni.

Annertunerusumik paasisaqarusukkuit aningaasaqarnermut immikkoortortami aqutsisoq Lene Rohmann Hansen, oqarasuaat (+299) 34 66 55 – mut  imaluunniit e-mail lrh@nanoq.gl –mut attaviginissanut tikilluaqqusaavutit.

Isumaginninnermut Aqutsisoqarfik Nammminersorlutik Oqartussat ataanni Isumaginninnermut,Ilaqutariinnermut,Naligiissitaanermut Inatsisinillu Atortitsinermut Naalakkersuisoqarfiup ataani inissisimavoq. Kalaallit Nunaat Namminersorlutik Oqartussallu pillugut annertunerusumik paasisaqarusukkuit nittartakkami http://naalakkersuisut.gl/Atorfiit iserfigalugu alakkarsinnaavatit.

Qinnuteqarfissaq
Kingusinnerpaamik qinnuteqarfissaq 29. januar 2018

Qinnuteqartunik oqaloqateqarnissaq sapaatip akunnera 5-mi naatsorsuutigineqarpoq

Ulloq atorfiniffissaq: 1.feb. 2018 isumaqatigiissuteqarnikkulluunnit.

Søg stillingen online