Skip to main content
93

Dette jobopslag er udløbet

Isumaginninnermut Aqutsisoqarfimmi pilersaarusiornermut ineriartortitsinermullu immikkoortortaqarfimmut immikkoortortamut pisortaq pimoorussisoq ujartorneqarpoq

Immikkoortortaqarfimmi pilersaarusiat ineriartornerlu pingaartillugit salliutinneqarput, immikkoortortaqarfimmi tassani pisortatut qitiusumik inissisimarusukkuit atorfik manna ilinnut tulluarpoq.

 

Immikkoortortami pisortatut isumaginninnerup iluani suliniutit nutaat ineriartortinnerannut tunngatillugu ineriartortitsinermut piukkunnarsaanermullu suliniuteqarnermut sallersaassaatit. Immikkoortortami pisortatut Isumaginninnermut Aqutsisoqarfimmi aqutsisoqarfiup pisortaanut  attaveqartassaatit Isumaginninnermullu Aqutsisoqarfimmi aqutsisoqatigiinnut ilaallutit. Immikkoortortaqarfimmi pisortatut immikkoortortaqarfimmi sulisut aqunneqarnerat toqqaannartumik akisussaaffigilissavat.

 

Pilersaarusiornermut ineriartortitsinermullu immikkoortortaqarfik isumaginninnermi suliatigut neqeroorutissat nutaat ineriartortinnissaannut kommuninik kiisalu oqartussaasunik allanik qanimut suleqateqassaaq. Immikkoortortaqarfimmi suliassat pingaarnerit ilagaat, suliassaqarfiit akimorlugit suliniutinik, oqartussaasunut kiisalu innuttaasunut saaffiginnittunik, ineriartortitsineq.

 

Illit suliassatit ilaatigut makkuussapput:

-   Immikkoortortaqarfimmi suliassanik ulluinnarni aqutsinermut aaqqissuussinermullu akisussaaneq.

-   Suliassani ukkissilluni aqutsineq ataqatigiissaarinerlu kiisalu pilersaarusiat siumut ingerlanerisa qulakkeernissaat.

-   Isumaginninnermut tunngasut suliniutit aalajangersimasut kiisalu nuna tamakkerlugu oqartussaasoqarfiit assigiinngitsunik suliallit akornanni suliniutit politikkikkut aalajangiunneqarsimasut piviusunngortinneqarnissaanut qulakkeerinneqataaneq.

-   Eqqummaarittuulluni siumullu isiginnilluni suleqatinut siunersiueqatiginnittarneq, kiisalu anguniakkanik suliassanillu aalajangerneqarnikunik piviusunngortitsineq.

 

Naatsorsuutigaarput illit:

-   Pilersaarusiornermut ineriartortitsinermullu immikkoortortaqarfimmi sallersaassasutit peqatigitillugulu suleqatit, kommunit kiisalu ingerlataqartut attuumassuteqartut allat ilaatinneqarnissaat qulakkiissagit.

-   Pilersaarusiat siumut ingerlanerat ukkattassagitit kiisalu periusissiat aalajangiiffigineqarsimasut piviusunngortinneqarnissaat qulakkiissagit.

-   Isumaginninnermut tunngasunik tutsuiginartumik ilisimasaqassasutit kiisalu inuiaqatigiinni isumaginninnermut sulianut isiginnittarnermut nalinginnaasumik paasisimannissallutit.

-   Atorfiup imarisaanut oqimaassusianullu naleqquttumik ingerlaqqiffiusumik ilinniarsimasutit.

-   Nalilersuisinnaassuseqartutit, pilersaarusiornermut tunngasutigut allatullu eqqarsarsinnaanermik piginnaasaqartuullutit.

- Akisussaaffeqarluartuusutit, tamakkiisumik isiginnissinnaassuseqartutit sulianillu naammassinnittarlutit.

-   Inuttut eqeersimaartuusutit, tunniussimasuullutit ineriartorusussuseqartuullutillu.

-   Sulisut ineriartornerat pitsaasumillu atugaqarnissaat ukkatarigit.

-   Marluinnik oqaaseqarneq iluaqutaassaaq.

 

Atorfinitsitaanermi atugassarititaasut:

Atorfik inuttalerusunneqarpoq 1.februar 2018 isumaqatigiissuteqarnikkulluunniit.

 

Atorfik akissaateqarfimmi LR 38-mi maanna inissisimavoq.

 

1. april 2017 LR 38-mi akissarsiat imak isumaqagitiissutigineqarnikuupput qaamammut  Kr. 54.072 ukiumullu Kr. 648.864, tunngaviusumik aningaassarsiarititaasoq tapillu aalajangersimasut ilanngulugit.

 

Aallaavittut atorfinitsitsinermi isumaqatigiissut aallaaviussoq, qinnuteqartorlu tjenestemand-tut atorfeqareersimaguni nunatsinni Oqartussat kommuninilu tjenestemandit pillugu Inatsisartut inatsisissaat malillugu atorfinitsitineq tjenestemanditut atugassarititaasut naapertorlugit atorfinitsitaasoqarsinnaavoq.

 

Naalagaafiup ataanni atorfeqartut isumaqatigiissutaasimasut naapertorlugit aningaasarsiaqarnatit sulinngiffeqarnissamut periarfissinneqarnikuupput, Tjenestemand-itut isumaqatigiissulluniit naapertorlugu atorfeqaruni soorlulusooq kattuffik AC isumaqatigiissutigisimasaaniitut soorlu DJØF Finansministeriap akornani isumaqatigiissut. Qallunaat nunaanni nunap iluani pissutsinut Naalakkersuisoqarfiusoq innersuussutigivaa Kalaallit Nunaanni Namminersorlutik Oqartussat ataanni atorfininnikkumallutit qinnuteqartut sapinngisamik akimisaarfigineqassanngitut akissarsiaqarnatik sulinngiffeqarniarlutit qinnueqarpata, sulinngiffeqarnissamut isumaqatigiissutit qinnuteqartup inooqataanuttaaq assingusumik atuutsitaapput.

 

Aallaaviusumik sapaatip akunnerani suliffiuvoq akunneri 40-t, atorfimmullu atuuppoq qaanngiuttornermusiaqarsinnaanginneq aammattaaq ulloq sulinngiffiusussaasoq annaagaani ajunngitorsiassaqarfiunngilaq.

 

Akissarsiatigut aamma atorfeqartitaanermi atugassarititaasut, taakkununga ilanngullugit atorfinikkiartorluni soraarlunilu angalasinnaatitaanermut aamma pequtit nuunneqarsinnaanerat akiliunneqartarneq, Namminersorlutik Oqartussat aamma pineqartup kattuffiata isumaqatiginninniarsinnaa-titaasup akornanni atorfinitsitaanermi piffissami atuuttumi isumaqatigiissutaasa/sulisunut isumaqatigiissutaat naapertorlugit ingerlanneqartarput.

 

Malittarisassat atuuttut malillugit inissamik innersuussisoqassaaq.

 

Piffissaq qinnuteqarnissamut killiliussaq:

Qinnuteqarnissamut killissarititaq tassaavoq ulloq 15 januari 2018 nal. 16.00

 

Atorfinitsitsinissamut oqaloqateqarnissat qinnuteqarnissamut killigititap naanerata kingunitsianngua ingerlanneqassasut naatsorsuutigineqarpoq.     

 

Suliaqarfiit suliassallu pillugit annertunerusumik paasisaqarusukkuit immikkoortortaqarfiup pisortaanut Lene Rohmann Hansen oqaras. (+229) 34 66 55 mailikkulluunniit: lrh@nanoq.glimaluunniit Aqutsisoqarfimmi pisortamut Hans-Peder B. Christensen (+299) 34 66 30 mailikkulluunniit: hpbc@nanoq.gl at-taveqarfiginninnissanut tikilluaqquneqarputit. 

 

 Søg stillingen online