Skip to main content
113

Immikkoortortaqarfitsinnut Sikkerneq-mut, immikkoortortaqarfimmi aqutsisumik perorsaasutut ilinniarsimasumik pissarsiorpoq

Najugaqarfik Elisibannguaq Isumaginninnermut, Ilaqutariinnut, Naligiissitaanermut Inatsisinillu Atuutitsinermut Naalakkersuisoqarfik-up
ataaniittoq. Immikkoortortaqarfitsinnut Sikkerneq-mut, immikkoortortaqarfimmi aqutsisumik perorsaasutut ilinniarsimasumik pissarsiorpoq.
 
Ulloq atorfiniffissaq 15.05.2018, imaluunniit isumaqatigiissuteqarnikkut. 

Qinnuteqarfissaq kingulleq  03.05.2018

Najugaqarfik Elisibannguaq tassaavoq inersimasunut eqqarsartaatsimikkut innarluutilinnut najuga-qarfiusoq katillugit 21-nik najugaqarfigineqarsinnaasoq. Najugaqartut 34-it 57-illu akornanni ukioqartuupput.

Sikkerneq tallimanik najugaqartuuteqartoq. 

Sikkerneq-imi immikkoortortaqarfimmi aqutsisutut qinnuteqartussamut piumasaqaatigaarput:

  • Ilisimasaqartuusutit eqqarsartaatsimikkut kinguarsimasunut sullissinissamut.
  • Nammineersinnaasutit, suliareersunullu ingerlatitseqataarusussuseqassasutit
  • Aqutsisoqatigiinnullu suleqateqarnissat piareersimaffigissagit immikkoortortaqarfiit aqutsisui peqatigalugit
  • Kalaallisut qallunaatullu oqaatsinik atuilluarsinnaasuussasutit.
  • Pinerlussimannginnermut uppernarsaateqartutit 

Piareersimaffigissagit sulisooreersut Sikkerneq-mi suleqatiginissaannut, suliallu ingerlateqqinnissaat, atorfik sapaatip akunnerinut 40-ini sivisussuseqarpoq, ilaatigullu nikerartumik sulisinnaanerit eqqu-maffigissavat. 

Akissarsiat atorfinititsisarnerlu, ulloq unnuarlu perorsaasutut sulisut pillugit, Kaaallit Nunaanni Naalakkersuisut aammalu Nunatsinni Perorsaasut Kattuffiata NPK-p akornanni isumaqatigissutit atuuttut naapertorlugit ingerlanneqassapput.

Inissamik innersuussisoqarsinnaavoq malittarisassat qaqugukkulluunniit ineqarnermut atuutsinneqartut naapertorlugit akilersorneqartussamik, tassunga ilaalluni qularnaveeqqusiineq.

Annertunerusumik paasisaqarusukkuit pisortamut Ane Baarsgaard Jensen-imut saaffiginnissinnaavutit,
tlf: 81 33 43 / 52 02 62 kiisalu allakkasuartaatikkut ataani allassimasunut allannikkut paasiniaasiniaasinnaallutit. 

Qinnuteqaat ilinniarsimanermut allagartaq siornatigullu suliffigisimasannit oqaaseqaatinik ilalik ataani allaqqasunut nassiunneqareersimassapput kingusinnerpaamik 03.05.2018

Najugaqarfik Elisibannguaq
Postboks  89
3912  Maniitsoq
Tlf. 813343   Fax  813927
E-mail : elis@nanoq.gl

 

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput. 

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat. 

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk