Skip to main content
96

Ilinniartitaanermut Aqutisoqarfimmit kontorfuldmægtigissarsiorpugut

Kontorfuldmægtigitut atorfik Ilinniartitaanermut Aqutsisoqarfimmiittoq piaartumik immikkulluunniit isumaqatigiissuteqarnikkut inuttassarsiorparput.

Atorfik inuttassarsiuunneqartoq allaffimmi atorfilittat akornannut ilaavoq, Ilinniusiorfimilu pisortamit toqqartumik akisussaaffigineqarpoq, naatsorsuuserivimmi aamma toqqorsivimmut sulisunut qanimut suleqateqartussaalluni.

Pingaarnertut akisussaaffiit suliassallu
Inuttassarsiuussamut ujartorneqartoq, nammineerluni ataqatigiissaarinermik atuartitsinermilu atortussanik naqiterinernik ataasiakkaanik aqutsisinnaasariaqarpoq suliassamillu nutaamik ammaasinnaasariaqarluni, aningaasanik aqutsisinnaasariaqarpoq, naatsorsuutinillu inaarsaarisinnaalluni piginnittussaasunullu akissarsisitsisinnaasariaqarlu

ni, taakkununnga ilaallutik makkua:
  • Saqqummiunneqartunik nutaanik nalunaarsuineq, tunisassiornissamut pilersaarusianik nutaanik pilersitsineq suliassanillu nutaanik ammaaneq
  • Aallarniisunut ataasiakkaanut isumaqatigiissutinik naatsorsueqqaarnerit naatsorsueqqissaarinernillu suliaqarneq
  • Akissarsiassanik naatsorsuineq unnersuussinerlu
  • Tunisassiornermut tamakkiisumik pilersaarutinik suliaqarneq ingerlatitseqqiinerlu
  • Ilassutitut isumaqatigiissutinik suliaqarneq allaaserisanillu saqqummiunneqartussanut digitalimik ilanngussassanik katersineq
  • Tuniniarneqartussat katalogiannik ingerlatitseqqiineq
  • Lagerformand suleqatigalugu saqqummersissimasanik statistikiliorneq tunisallu pillugit paasissutissanik katersineq
  • Aaqqissuussisoqatigiit ataatsimiinneranni allattuusarneq
Ulluinnarni aalajangersimasunik sulianik ingerlatanik Ilinniusiorfimmilu suleriaatsinik allaffeqarfimmilu suleqatit allat suliaannut assigiinngitsunut suleqataasarneq

Naatsorsuutigaatsigit
  • Allaffimmiutut ilinniarsimassasutit ukiunillu arlalinnik misilittagartuussasutit
  • Kalaallisut qallunaatullu allattariarsornikkut oqaluttariarsornikkullu sulisinnaassasutit
  • IT-mik atuisutut piginnaasaqassasutit, soqutigisaqassasutit itisuumillu ilisimasaqassasutit
  • Torersaartuuvutit, aalajangersimaqqissaartumik sulisartutit aningaasatigullu atugassarititaasut pillugit tamakkiisumik isiginnittaaseqassasutit
  • Arlalinnik ataatsimoortumik suliaqarsinnaasutit namminersorluarsinnaassasutillu
  • Suleqatikkuminartuussasutit
Akissaatit atorfeqarnermullu atugassarititaasut
Niivernermut allaffimmiutullu sulisunut atugassarititaasut pillugit Namminersorlutik Oqartussat SIK-llu akornanni isumaqatigiissutit malillugit atugassaqartitsisoqassaaq.

Annertunerusmik paasissutissanik pissarsiortoqarsinnaavoq ukununnga saaffiginnilluni: Ilinniusiorfimmi pisortamut Carla R Olsen, crol@nanoq.gl imaluunniit tlf. 346150 imaluunniit allaffimmi pisortamut Petrine M. Andersen, pmoa@nanoq.gl imaluunniit tlf. 346155.

Inissaqartitaaneq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il. il. apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik.

Qinnuteqaat ilinniarsimasat pillugit paasissutissat aamma siusinnerusukkut suliffigisimasanut paasissutissat oqaaseqaatillu il.il. nassiunneqassapput erseqqissumik nalunaaqutserlugit ATORFIMMUT INUTTASSARSIUUSSINEQ uunga:

Ilinniartitaanermut Aqutsisoqarfik
Postboks 1610
3900 Nuuk – Kalaallit Nunaat


Qinnuteqaatit kingusinnerpaamik 26. januar 2018-mi nalunaaqutaq 12:00 Ilinniartitaanermut Aqutsisoqarfimmeereersimassaaq.

Søg stillingen online