Skip to main content
81

Dette jobopslag er udløbet

Enterprise Arkitektimik pissarsiorneq

Digitalimik Sullissinermut Aqutsisoqarfimmi maannakkut periusissanik siunnerfilinnik suliniutinik, soorlu pisortat allaffeqarfiini nutaalianngorsaanermut attuumassuteqartunik suliaqartoqarluni.

Kalaallit Nunaanni Namminersorlutik Oqartussani Qarasaasiaqarnikkut maannakkut siunissamilu ingerlatsinerup akornanni ataqatigiittoqarnissaa qulakkeerniarlugu, Enterprise Arkitektimik pissarsiorpugut. Atorfik una pineqartoq nutaajuvoq illit nammineerlutik ilusilersornissaanut periarfissaqarfigisinnaasat. Namminersorlutik Oqartussat Qarasaasiaqarnikkut atortuutaasa akornanni ataqatigiittoqarnissaanik qulakkeerinninnissaq akisussaaffigissavat.

Pingaarnertut suliassat tassaassapput

  • Qarasaasiaqarnermi atortunik nutaanik toqqaanissamut misilittakkatik paasisimasatillu angisuut atorneqassasut
  • Ineriartortitsinermut pisortarput pilersaarutinullu aqutsisorput qanimut suleqatigalugit ilusilersuinissamik suliap ingerlannissaa akisussaaffigissallugu
  • Periusissat, suliffeqarfimmik aqutsilluarnissat, tunngavigisat politikkillu nassuiaasiornissaat attatiinnarnissaallu
  • EAmik periutsip Namminersorlutik Oqartussat atortuutaannik, atortut immikkoortuinik kiffartuussinernillu assigisaannillu tamanik inissaqartitsisumut tunniussaqarnissaq
  • Qitiusumik allaffeqarfimmi taakkulu ataanni immikkoortortani arkitekturimut tunngasuni oqalliffinni assigiinngitsuni ilaasortaanissaq

Naatsorsuutigaarput

  • Qarasaasianik atortut ajornarnerusut sivikinnerpaamik ukiuni tallimani misilittagaqarfigissagitit
  • Periusissaqarnissamik misissueqqissaartarnissamillu siunertaqartassasutit nukittuumillu attaveqaqatigiinnermi piginnaasaqassasutit
  • Pisortat suliffeqarfiini periuseq EAp atorneqartarnerani misilittagaqassasutit
  • Namminersungaatsiarlutit sulisinnaassasutit

Uagut pilluta
Qarasaasianik digitalinngorsaanernillu atuinerunikut inuiaqatigiinni siuarsaanissaq Digitalimik Sullissinermut Aqutsisoqarfimmit siunertarineqarpoq. Pisortat allaffeqarfiini atuutsitsilernissaq pingaartumik sammisarivarput.

Neqeroorutigaarput
Suliffik tamatigoortoq, namminersornartoq unamminartoqartorlu neqeroorutigissavarput sulisutut inuttullu ineriartornissamut periarfissaqarluartoq. Suliffimmi avatangiiserisassaassapput suleqatit pikkorissut kajumissuseqarluartullu, taakkuuppullu suleqatigiligassatit.

Digitalimik Sullissinermut Aqutsisoqarfimmi sulisut assigiinngitsunik suliaqarnertik tunngavigalugu paasisaminnik avitseqatigiissinnaanissaat pingaartipparput. Pingaartuuvoq aqutsisoqarfimmi siunertarineqartut aqqutillu suliarinerini maligassiuilluartuunissat, aammalu ataatsimut naleqartitatta naapertuuttumik malinnissaat: Naammassinnissinnaaneq, Suleqatigiinneq, Akisussaaneq aamma Paasisanik avitseqateqarneq.

Paasisaqarnerorusuppit?
Digitalimik Sullissinermut Aqutsisoqarfimmi Tony Ditlevsdal emailikkut todi@nanoq.gl imaluunniit (+299) 55 58 12mut atorfik pillugu paasisaqarnerorusukkuit attavigiuk.

Akissarsiaqarneq atorfinitsitaanerlu
Taamatut atorfeqarnermi ulloq naallugu sulisariaqarpoq. Akissarsiaqarnermut atorfinitsitaanermullu atugassarititaasut, matumani atorfininnermi suliunnaarnermilu angalanerit pequtillu nassiunneri ilanngullugit, Kalaallit Nunaanni Namminersorlutik Oqartussat kattuffiullu isumaqatiginninniarsinnaatitaasup akornanni isumaqatigiissutaasut qaqugukkulluunniit atuuttut naapertorlugit pissapput. Qinnuteqartut uppernarsaatitigut takuneqarsinnaappat piginnaasaqarluartut, immikkut siunnersortitut atorfininnissaq pisinnaavoq.

Suliffivit sumiiffia Kalaallit Nunaannut nunatatigut killeqarfeqarpoq. Angerlarsimaffimmi aalajangersimasumik suliffeqarnissat periarfissaraat, periarfissaasinnaavorlu Kalaallit Nunaanni qitiusumik allaffeqarfimmi allaffiit ilaanni suliffeqalernissat.

Ineqarneq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Qinnuteqartoq Namminersorlutik Oqartussani atorfeqarnini aqqutigalugu inissiaqareeruni, atorfimmut atatillugu inissiarisap tigummiinnarnissaa periarfissaavoq. Atorfimmut tunngatillugu inissiaq atorfinitsinneqarnermut attuumassuteqarpoq, atorfimmiillu suliunnaarnerup kingorna inigisamit nuunneq pissaaq.

Digitalimik Sullissinermut Aqutsisoqarfimi kissaatigaarput, sulisutta katitigaanerat inuiaqatigiinnut tarrarsorsinnaasariaqartut, aammalu qinnuteqartut piukkunnassusaat piginnaasaallu tunngavigalugit nalilersussavavut.

Qinnuteqarsinnaaneq killeqarpoq 13/10-2017.

Søg stillingen online