Skip to main content
113

Dette jobopslag er udløbet

DcR-imi Aningaasaqarnermut naatsorsuuserisoqarfimmi allaffimmi fuldmægtigissarsiorneq

Namminersorlutik Oqartussat naatsorsuuserinermut immikkoortortaqarfiat, DcR, naatsorsuuserinermi sulisumik pikkorissumik atorfissaqartitsivoq.

 

Aningaasaqarnermut naatsorsuuserisoqarfik DcR-imi immikkoortortaavoq, taanna Namminersorlutik Oqartussani Aningaasaqarnermut Sulisoqarnermullu Aqutsisoqarfimmi inissisimavoq. Piffissap ilaani Aningaasaqarnermut naatsorsuuserisoqarfik ulapaarfiusarpoq, taamaattorli immikkoortortaqarfimmi suleqatigiit ikioqatigiilluartarput. Naatsorsuuserivimmi anginerusumi suleqatigiit ikittunnguuvugut.

 

Naatsorsuuserisoqarfimmi sulisut allat peqatigalugit suliassat pingaarnerit tassaassapput:

  • Namminersorlutik Oqartussat aningaasaateqarnikkut aqutsissutaanni XAL-imi IRIS-imilu aningaasaqarnikkut naatsorsuutinik nalunaarsuinerit
  • Akissarsianik ilinniagaqarnersiutinillu tunniussisarnerit
  • Naatsorsuutini akiligassanik naligiisitsineq
  • Namminersorlutik Oqartussat naatsorsuusiornermi atortagaannik IRIS-imik ilinniartitsineq ilitsersuinerluunniit
  • Aningaasaqarnermut naatsorsuuserisoqarfimmi ilinniartunik ilitsersuineq
  • Suliareqquneqartut assigiinngitsut

Naatsorsuutigaarput:

  • naatsorsuuserinermut tunngasutigut attuumassutilimmik ilinniagaqarsimasutit
  • naatsorsuuserinermi suliassanik misilittagaqartutit
  • naatsorsuuserinermut tunngatillugu inunnik allanik assigiinngitsunik suleqateqarusussuseqarlutillu ilitsersuerusussuseqartutit.
  • Namminersorlutik Oqartussat naatsorsuuserinermi periusaannik ilisimasaqaruit iluaqutaassaaq, piumasaqaataanngilarli ilinniartitsineq ingerlanneqarumaarmat.

Neqeroorutigaavut:

  • suliffeqarfik pissanganartunik avatangiisilik
  • inuttut suliassanullu tunngasutigut ineriartorneq
  • suliassarpassuit pissanganartut, illit iluarsinissaannut nammineq sunniuteqarsinnaasuullutit
  • suleqatit pikkorissut kajumissuseqartullu

Aningaasarsiat atorfeqartitaanermilu atugassarititaasut:
Aningaasarsiatigut aamma atorfeqartitaanermi atugassarititaasut, taakkununnga ilanngullugit akiliunneqarluni atorfinikkiartorluni soraarlunilu angalasinnaatitaaneq aamma pequtit nuunneqarsinnaanerat isumagineqartarput, Namminersorlutik Oqartussat aamma pineqartup kattuffiata isumaqatiginninniarsinnaatitaasup akornanni atorfinitsitaanermi piffissami atuuttumi isumaqatigiissutaa/sulisunut isumaqatigiissutaa naapertorlugu.

 

Piffissaq suliffiusussaq sapaatip akunneranut nalunaaquttap akunnerinik 40-nik sivisussuseqarpoq.

 

Ineqarneq:
Atorfimmut atatillugu sulisunut inissiamik innersuussisoqanngilaq. Qinnuteqartorli Namminersorlutik Oqartussani atorfeqarnini aqqutigalugu sulisutut ineqareersimaguni sulisunut inissiamik innersuussiffigineqarsinnaanini attatiinnassavaa. Atorfimmut atatillugu ini atorfeqarnermut tunngavoq atorfeqarnerullu taamaatinneqarnerani qimanneqassalluni.

 

Atorfiniffissaq:
1. marts 2018 isumaqatigiissuteqarnikkulluunniit.

 

Atorfik pillugu paasisaqarnerorusukkuit allaffimmi pisortamut Daniel Schüttimut dsch@nanoq.gl-imut imaluunniit oqarasuaat 34 58 30-mut attaveqarnissannut tikilluaqqusaavutit.

 

Qinnueqarfissaq kingulleq:
Ulloq 12. februar 2018

Søg stillingen online