Skip to main content
112

Dette jobopslag er udløbet

Aningaasaqarnermut Sulisoqarnermullu Aqutsisoqarfimmi akissarsialerivimmut pisortap tullersortaa

Atorfiniffissaq 1. oktober imaluunniit isumaqatigiissuteqarnikkut   Kalaallit Nunaanni Namminersorlutik Oqartussat sullitallu avataaneersut arlaqartut akissarsititsisarnerat akissarsialeriffiup sullitarai. Ukiuni makkunani Akissarsialeriffiup pitsaanerusumik naligiissaarinernut suleriaatsinik, pitsaassutsimik isumannaarinnittarnernik suliariaatsinik annertusaanerit, pappiaqqanik nalinginnaasumik atuisarnermik annikillisaanernik pitsaanerusumik qulakkeerisarnernik sammisaqarneruneq - tamarmik allaffimmi naammassiortuisarnernik aamma pitsaassutsimik annertusaanissaq siunerataralugu. Taamatut ingerlatsinermi pisortap tullersortaa allaffimmi pisortaq suleqatigalugu pingaarutilimmik sunniuteqaqataasussaavoq.   Akissarsialeriffimmi sulisut tassaapput, allaffimmi pisortaq ataaseq, ilinniartut marluk, akissarsialerisut qulingiluat, nakkutilliisut sisamat kiisalu immikkoortortaqarfimmi pisortaq ataaseq   Allaffimmi pisortaq suleqatigalugu pisortap tulliata suliassai:
  • Allaffimmi pisortap peqannginnerani aqutsisutut akisussaasuusarneq
  • Akissarsianik nalimmassaanerit
  • Akissarsialerivimmi suleriaatsinik pitsaassutsikkut isumannaarinninnerit 
  • Akissarsianik suliarinnittartunut naammaqutaaneq
  • Eqqortumik akissarsianik tunniussisarnernik isumannaarinninneq
  • Pisortanut naleqqiullugu siunnersuisarnernik ingerlatsineq
  • Avataanit pisortaqarfinnut qarasaasiakkut nalunaarutiginnittarnerit
  • Avataanit sullitanik pilersuisunillu pitsaasumik kinguneqartussamillu oqaloqateqarnissanik isumannaarinninnerit
  • Oqartussaaffinnik allanngortitsinernik isumannaarinninnerit akissarsianik suliarinninnerni eqqortumik nalunaarsorneqartassasut
  • Namminersorlutik Oqartussat piffissanik nalunaarsuisarnerinik isumannaarinninnissamut peqataasarneq
  • Sulisut ilitsersuunneqarnerannik suliffiup iluani ilinniartitaasarneq
 Naatsorsuutigaarput:
  • Naatsorsuuserisoqarfinnit naligiissaarinernik inuussutissarsiorfimmit misilittagaqarluarnissaq kissaatiginarpoq
  • Namminersorlutik Oqartussat akissarsialeriviannik ineriartortitsinernik misilittagaqarlunilu siamasissumik ilisimasaqarneq.
  • Namminersorlutik Oqartussat aningaasatigut ataqatigiissumik aaqqissuussinernik siamasissumik ilisimasaqarneq
  • Avataanit pisortaqarfinnut qarasaasiakkut fil-inik suliarinnittarnernik siamasissumik ilisimasaqarneq
  • Peqqissaartumik suliarinninnissamut sammisaqarluartarneq
  • Nammineerluni sulisinnaassuseqartoq, aammattaarli nammineq ilikkakkanik allanut ilinniartitsilluni tunniussisinnaasoq
  • Akissarsialerivimmi suleriaatsinik annertusaanernut peqataanissamut aalajangersimasoq
  • Assersuutigalugu cand.merc., HD imaluunniit inuussutissarsiornerup iluani sulisimanikkut piginnaaneqarnernik naleqquttunik piginnaaneqalersimaneq
  • Akuersaartoq, soqutigisalik ilakkuminartorlu
  • Kalaallisut/danskisut marluinnik oqaasilik (iluaqutaassaaq, piumasaqaataananili)
 Akissarsialerivimmi nakkutilliisoq allaffimmi pisortamut nalunaarsuisarpoq.   Aningaasarsiat atorfinitsitaanermilu atugassarititaasut             Akissarsiatigut atorfininnermilu piumasaqaatit, tassunga ilanngullugit atorfininnermi soraarnermilu angalanissamut pigisallu nuunneqarnissaannut pisinnaatitaaffiit, Namminersorlutik Oqartussat aamma suleqatigiiffiup isumaqatigiinniarsinnaatitaasup pineqartup akornanni isumaqatigiissutaat piffissami atorfininnermi atuuttoq naapertussavai.   Ineqarneq Maleruagassat qaqugukkulluunniit atuuttut malillugu sulisunut inissiamut pequtilersorneqanngitsumut atorfimmut innersuussisoqarsinnaavoq.  Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqartassapput. Atorfimmut atatillugu ini atorfeqarnermut tunngavoq atorfeqarnerullu taamaatinneqarnerani qimanneqassalluni.   Ineqarnermut akiliut aamma inissiap pitsaassusia nikerarsinnaapput inissiap qanga sananeqarsimanera, piginnittua il.il. apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaasumik inissiisoqarsinnaasarpoq, tassunga ilanngullugit najugaqatigiiffinnut minnerusunut imaluunniit akunnittarfinni inissianut, taakkulu akileraarusersorneqassallutik.   Paasissutissat allat Akissarsialerivimmi allaffiup immikkoortortaqarfiani pisortaq, Lise Lennert Olsen mailikkut: attavigineqarsinnaavoq: LILO@nanoq oqa. 34 58 53.   Qinnuteqaat Qinnuteqaatinut killigititaasoq tassa ulloq 29. september 2017.

Aningaasaqarnermut Sulisoqarnermullu Aqutsisoqarfik pillugu
Aningaasaqarnermut Sulisoqarnermullu Aqutsisoqarfik, ulluinnarni ASA-mik taagorneqartoq, Kalaallit Nunaanni Namminersorlutik Oqartussat ataatsimoorussamik kiffartuussinermut sullissivigaat. ASA-p ilaatigut akisussaaffigai Namminersorlutik Oqartussat naatsorsuutaat, Qitiusumik Pisiortortarnermut Immikkoortortaqarfik, isumaqatigiissutinut tunngasut, akissarsianik sulisunillu sullissisarneq, sulisunik ineriartortitsineq, nutserisoqarneq kiisalu illuutinik ingerlatsisarneq aserfallatsaaliuinerlu..

ASAp tunngavia tassaavoq “ASA pisortani oqartussaaffiuvoq uppernassusilik takussaasorlu. ASA immikkoortortaqarfiit, suliffeqarfiit innuttaasullu suleqatigiinnerat ineriartortinniarlugu sulissuteqarpoq.” Tamanna isumaqarpoq ASA suliassanut qitiusunut ersarissunik anguniagaqartoq, ASA piginnaasanik ineriartortitsinissaq pingaartitsisoq kiisalu ASA pisortat suliassaqarfiinik pisariillisaasoq.

ASA-p pingaartitai pingasut tassaapput:
  • Akisussaaffik - Qanoq iliuuseqarnivut, suliassavut sullitavullu eqqarsaatigalugit akisussaaffeqarpugut
  • Suleqatigiinneq - Suleqatigut sullitavullu pitsaasumik suleqatigaagut
  • Isumassuineq - Ikiuukkumatuujuvugut akunnitsinnilu paareqatigiilluta
Søg stillingen online