Skip to main content
79

Dette jobopslag er udløbet

Allorfik Kujalleq allatsissarsiorpoq sapaatip akunneranut tiimit 40-t sulisartusamik

Suliassatit assigiinngitsuupput, pingaarnerpaavorlu atuisutsinnut tikilluaqqusisarnissat misigisimatitsilluarnissallu. Aamma imaasinnaavoq iffiortutit, neqeroorutivut eqqartortaritit, qinnilinnik ikkussuillutit sukaterisutit imaluunniit inunnik isumaginninnermut allaffimmut saaffiginnissutissiissutit.

Allorfik Kujalleq pingasunik katsorsaasoqarpoq allatseqarlunilu. Sullissiviup Kommune Kujalleq-mi najugallit imigassamut, ikiaroornartumut aningaasanoorajunnermilu ajornartorsiutillit sullitarissavai kognitiv metode (qanoq pissuseqartarneq – ileqqoqartarneq) tunngavigalugu katsorsaaneq atorlugu.

Sullissivik Pinngitsuuisinnaajunnaarnermut Paasisimasaqarfiup Nuummiittup ataani inissisimavoq, taanna nuna tamakkerlugu katsorsaanermi pilersaarut malillugu siunissami katsorsaanissamut atuutilertitsinermik suliaqarpoq.

Allatsitut/nutserisutut ilaatigut uku suliassaraatit

  • Allorfik Kujalleq-p avammut ilisarnaataa
  • Innuttaasunik saaffiginnittunut katsorsaaneq pillugu sullissineq
  • Innuttaasunik suleqatigisatsinnullu qanimut attaveqarneq
  • Sullissiviup naatsorsuuserinermi sulianik aallussineq, sulinermi nalunaarsuineq allattorsimaffiutitsinnik isumaginninneq
  • Specialistinut sulisunullu sulianik nutserineq, nutsigassanillu annikitsunik nutserineq
  • Katsorsartinniartunik misissuinermi oqaloqatiginninneq il.il.

Allorfik Kujalleq pilersinneqqaqqaqqammermat suliassannut sunneeqataalluarsinnaavutit sulisuni aqutsisoq Pinngitsuuisinnaajunnaarnermilu Paasisimasaqarfik suleqatigalugit.

Naatsorsuutigaarput:

  • ammasuusutit inuttullu akuersaartuusutit
  • innuttaasut qitiutillugit sullissisoq
  • namminersorsinnaasoq allaffissornermilu nalinginnaangitsumik ingerlatsisoq
  • aaqqissuisinnaasoq
  • Iris atorlugu naatsorsuuserisinnaasoq – imaluunniit ilinnarusussusilik

Marluinnik oqaaseqartuussaatit, kalaallisut qallunaatullu.

Allaffissornermi ilinniarsimanerit imaluunniit saaffiginnittarfimmi sullissisutut ilinniarsimanerit toqqammaviginissaa naatsorsuutigaarput.

Akissarsiatigut atorfinitsinneqarnikkullu atugassarititaasut, tassungalu ilanngullugit atorfinikkiartorluni atorfeqarunnaarnermullu atatillugu angalaneq nutsernerlu piffissami atorfiniffiusumi Namminersorlutit Oqartussat pineqartullu kattuffiata isumaqatiginninniarsinnaatitaasup akornanni isumaqatigiissut atuuttoq naapertorlugu pisarput. Suliffimmut atatillugu inimik INI a/s aqqutigalugu ineqartitsisoqarsinnaavoq.

Ulloq qinnuteqarfissaq kingulleq 15. januar 2018.

Atorfik pillugu apeqqutissaqaruit attavigissavat nakorsatut siunnersortaaneq, Allorfimmi ingerlatsisoq Birgit Niclasen oqa. 525343, mail bivn@allorfik.gl.

 

Søg stillingen online