Skip to main content
80

Dette jobopslag er udløbet

ALLAGARSIUTEQQITAQ – Allaffimmi aqutsisoq

Aasianni ilinniarnertuunngorniarfik (GUX Aasiaat) ilinniarluarsimasumik misilittagaqartumillu ilinniarnertuunngorniarfiup allaffiani allaffimmi aqutsisussarsiorpoq.

Ulluinnarni allaffissornermi sulisunut ikittunut aqutsisuussaatit rektorimut akisussaaffeqarlutit ilinniarnertuunngorniarfiup pisortaanut allaffissornermi suliassanik suliaqartassallutit aamma ilinniarnertuunngorniarfiup ilinniartitsisui ilinniarnertuunngorniartuilu sullitarisassallugit.

Allaffissornermi sulisut akisussaaffii pingaarnerit makkuupput:

  • Missingersuutit aamma naatsorsuutit
  • Fakturanik ingerlaavartumik akuersisarneq aamma naatsorsuutinut nalunaarsuineq (bogføring)
  • Akissarsialerineq aamma sulisunik allaffissornikkut sullissineq
  • Kisitsisit paasissutissat aamma pisortanik ilisimatitsisarneq
  • Ilinniarnertuunngornianik allaffissornikkut aqutsineq, tassunga ilanngullugit qinnuteqaatit, ilinniartuunersiutit, angalanerit, inigisamut akiliutit aamma nerisaqarnermut aningaasartuutit kiisalu soraarummeernermut allagartat
  • Akiligassat kollegiamut tunngasut
  • Allaffissornermut atortunik assingusunillu ilinniarnertuunngorniarfiup iluani tunisaqartarneq il. il.
  • Allatseqarnermut tunngasunik suliaqartarneq (nalunaarsuisarneq, toqqortaatinut ilioraaneq, ilinniarnertuunngorniarfiup ataatsimut allakkanut nakkartitsivia, sulinermut atatillugu angalanerit il. il.)
  • Ilinniarnertuunngorniarfiup aningaasanut tigoriaannarnut toqqorsivianik ingerlatsineq
  • Ilinniarnertuunngorniarfiup allaffissornikkut periutsinik pitsaasunik ingerlaavartumik ineriartortitsineq aamma aserfallatsaaliuisarneq
  • GUX-mut ilinnialernissamut qinnuteqaatit suliarineri

Allaffiup ataatsimoortunik suliassaanik ataatsimut nakkutiginnissinnaaneq aaqqiissutissamillu ataqatigiissaarisarneq suliassarissavatit, ilaatigut nammineq erseqqissunik akisussaaffeqassallutit. Atorfinitsinneqarninnut atatillugu suliassat agguataarneqartarnerat maannakkut atuuttuusup allanngortinneqarsinnaassaaq, taamaaliornikkut illit aamma sulisut allat piginnaasaasa sapinngisamik pitsaanerpaamik atorluarneqarsinnaassammata.

Suliassat naammassineqartassapput AC-fuldmægtigi aamma IT-mik immikkoortortaqarfik suleqatigalugit.

Piginnaanerit kissaatigineqartut:

  • Allaffimmiutut ilinniagaqarsimaneq aamma pisortani allaffissornermik annertuumik misilittagaqartuuneq, tassunga ilanngullugit aningaasaqarnermik aamma sulisoqarnermik
  • Ulluinnarni aqutsinissamut piumassuseqarneq aamma piginnaaneqarneq
  • Ataqatigiissumik aaqqissuussisartoq, tamanik malinnaaneq, torersuunissamik piginnaaneqarneq aamma akisussaassusermik pingaartitsisoq
  • Suleqatigiinnissamut piginnaaneqarneq aamma attaveqaqatigiinnermut – allaffiup iluani aamma ilinniartitsisunut ilinniarnertuunngornianullu
  • Ilinniarnertuunngorniarfiup atugaanik IT-mut atortunik ilisimasaqarneq (Microsoft Office, Lectio, IRIS aamma XAL)
  • Sullisserusussuseqartoq
  • Ulluinnarni allanngortumik suliffiusartumi allanngoriasaarnissamut sillimasinnaassuseqartoq
  • Sulilluarsinnaasoq
  • Marluinnik oqaaseqarneq iluaqutaassaqaaq (kalaallisut aamma danskisut)
  • Qungujunnartunut tappissoq aamma ilumoorsaanngitsumik pissuseqartoq

Neqeroorutigaavut

  • Suleqatit aallussilluartut
  • Nammineq suliaqartarsinnaanermut akisussaassuseqarnissamullu periarfissat
  • Atorfimmi suliassanut sunniuteqarnissamut periarfissaqarneq
  • Ujakkaartarnissamut qajartortarnissamullu periarfissat nalissaqanngitsut
  • Sulisunut pitsaaqutit soorlu assersuutigalugu timigissartarfimmiittarnissaq aamm qaannamik sisoraatinillu attartorsinnaaneq

Atorfik 1. oktober 2017 imaluunniit tamatuma kingornatigut piaartumik inuttalerneqarnissaa kissaatigineqarpoq.
 
Aningaasarsiatigut atorfeqartitaanermilu atugassarititaasut
Akissarsiat atorfeqartitaanermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pequtillu nassiunneqarnerannut pisinnaatitaaffiit Kalaallit Nunaanni Namminersorlutik Oqartussat kattuffiullu isumaqatigiinniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Sapaatit akunnerannut suliffiusoq nalunaaquttap akunnerinik 40-nik sivisussuseqarpoq.

Ineqarneq
Atorfimmut atatillugu maleruagassat sukkulluunniit atuuttut tunngavigalugit sulisunut inissiamik pequsersorsimanngitsumik innersuussisoqarsinnaavoq.   Maleruagassat sukkulluunniit atuuttut tunngavigalugit inissiamut innersuussutigineqartumut akiliutit aamma iserternermi akiliutit akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik.

Paasissutissat atorfimmut tunngassuteqartut pissarsiarineqarsinnaapput Otto Simonsen uunga os@gux-aasiaat.gl, tlf. +299 56 01 46.

Qinnuteqaat tassunga ilanngullugit paasissutissat imminut tunngasut (CV) aamma soraarummeersimanermut uppernarsaatit assilinerat nassiunneqassapput uunga: job@gux-aasiaat.gl.

Qinnuteqarnissamut piffissarititaasoq kingusinnerpaaq tassaavoq 15. september 2017.
Qinnuteqartut ingerlaavartumik oqaloqatigineqarnissamut aggersarneqartarumaarput.

Søg stillingen online