Skip to main content
79

Dette jobopslag er udløbet

Sanaartornermut immikkoortortamut sulianut aqutsisussaq

Mittarfeqarfinni ukiorpassuarni Nuummi sanaartornermut immikkoortortami sulereerluni sulianik aqutsisoq soraarninngungajalermat Mittarfeqarfiit suliamik aqutsisussamik nutaamik pissarsiorpoq.

Atorfik pissaganartoq allanngorartorlu suleqatit suleqatikkuminartut akornanni assigiinngittorpassuarnut - ilaatigut Mittarfeqarfiit iluani taamatuttaaq illup avataani assersuutigalugu siunnersuisartut, sanasut pisisarfitsinnullu attaveqaatilik saqqummiupparput.

Mittarfeqarfiit mittarfiit 13-nit, heliportillu 43-t sanaartukkallu taakkununnga atasut ataavartumik ineriartortillugillu aserfallatsaaliortarpaat. Sanaartornermut immikkoortortami sulianut aqutsisutut suliatit nikerassapput, ilaatigut mittarfiit sillimaniarnermut killiisa iluaniittut autocad titartakkanik titartaanermik, mittarfinni ataasiakkaani allanngortitassanik siunnersuutit, mittarfinni ujaraaqqanik asfaltimillu sanaanut aserfallatsaaliinernik suliamik aqutsineq.

Sanaartornermut pisortatumut akisussaallutit akisussaaffigissavat namminersorlutit suliatit sulinerillu aqutatit aqunnissaat malittarinissaallu. Sanaartornermut pisortap saniatigut immikkoortortaq kallerup inneranut nukissiuutinillu ineriartortitsinermik aserfallatsaaliinermillu sulialimmik sulisoqarpoq.

Ilinnut piumasaqaatit

  • Teknikkimik sammisumik ilinniagaqarputit ass. Bygningskonstruktør, ingeniør il.il.
  • Sanaartornermut suliaqarnermik misilittagaqarneq kissaatiginarpoq
  • Aaqqissuulluakkamik suleriuseqarneq
  • Attaveqaqatigiinnermut suleqatigiinnermullu piginnaasaqarnissaq
  • Ammasuuneq ataqatigiissaarilluarsinnaanerlu

Mittarfeqarfiit suliassai pillugit ilinniartinneqarnissat pissaaq soorluttaaq Mittarfeqarfinni suliassanut aqutsisutut atorfilittarput soraarninngulersup suliaminik ingerlatitseqqiivigiumaaraatit.

Qinnuteqartunut oqaloqateqartarnerit ingerlaavartumik ingerlanneqassapput

Qinnuteqarfissaq kingulleq 26. April 2018

Send din ansøgning via dette link:

 

Mittarfeqarfiit Kalaallit Nunaanni mittarfiit 13-it aamma qulimiguulinnut mittarfiit 46-it ingerlappai. Timmisartut ukiumut 60.000-iarlutik tingisarnerat mittarnerallu isumagisarpavut ilaasullu ukiumut 400.000-it sinneqartut sullittarlutigit. 450-t missaannik sulisoqarluta Kalaallit Nunaanni suliffeqarfiit anginerpaat ilagaatigut aamma sulisutta niuertarfiutittalu ineriartortittuarnissaat sulissutigiuarpavut. Taamaalilluta sullissinernik ilinniarnernillu arlalinnik neqerooruteqarpugut, taamaalilluta inuiaqatigiit ineriartortinneqarneranni timitaliilluta tunniusseqataavugut.

Mittarfeqarfiit ukioq 2017 suliffeqarfik eqeersimaartutut qinigaavoq.