Skip to main content
80

Dette jobopslag er udløbet

Mittarfeqarfiit anguniakkanik annertuunik piviusunngortitseqataarusuttumik direktionsassistentissarsiorpoq

Siunissami Kalaallit Nunaanni attaveqaatini suliassanut Mittarfeqarfiit kivitsisinnaanissaanut piareersarniarlugu suliffeqarfittut allanngoriartorneq ingerlateqqinneqarpoq. Mittarfeqarfiit pingaartitassaanik tikkuusseqqiineq ingerlateqqinnissaanut suliassaqarpugut sulisunik akuuteqataaffiusussamik. Suliaq tamanna tunngavilerniarlugu direktionsassistent-issarsiorpugut Mittarfeqarfinni qullersanut sullissinikkut suliffeqarfiup periusissiaanik malittarinninnissamik anguniakkanut ataqatigiissaarineq ataavartumillu malittarininnissaq qulakkeerniarlugu.

Direktionsassistentitut Mittarfeqarfinni aqutsisut pisortaasorlu qanimut suleqatigalugit

soqutiginartumik tamatigoortumillu inissisimaffeqassaatit, inissisimaffinnilu tamatumani pingaaruteqarluinnassaaq ajornartorsiutinik imaannaanngitsunik tamakkiisumik paasinnilluarsinnaanissat, ilusiliisinnaanissat, pilersaarusiorsinnaanissat eqeersimaarlutillu peqatigiiffimmi suliassanik sammisassanillu malittarinnittarnissat.

Akisussaaffiit
Suliassatit assigiinngiiaarput, immikkulli akisussaaffigissavatit allaffissornikkut periusissanullu tunngasutigut ingerlatsinermi suliassat kiisalu suliassat ineriartornermut tunngasut assigiinngitsunillu misissueqqissaarneq nalunaarusiornerlu. Tamatuma saniatigut suliassavit pingaarnersaat ilaatigut makkuussapput:

  • Periusissiornermik ingerlatsinermik suliffeqarfiup iluani ataqatigiissaarineq
  • Periusissianik malittarinninneq
  • Ullormut oqaluuserisassanik eqikkaanernillu suliarinninneq taakkuninngalu malittarinninneq
  • Aqutsisut ataatsimiissutissaannik ataqatigiissaaralunilu piareersaaneq
  • Aqutsisut suleqatigalugit aqutsisunut sulisunullu attaveqarnermik suliaqarneq
  • Saqqummiussassanik atortussanillu assigiinngitsunik suliarinninneq
  • Aqutsisut suleqatigalugit allaffissornikkut suliassat assigiinngitsut

Illit qanoq ittuussavit

  • Ataqatigiissumik, tulleriiaarisinnaassuseqarluartumik misissuisinnaassuseqarluartumillu suliassanik naammassinnissinnaasoq
  • Ataatsimut isiginnissinnaasoq, eqeersimaartoq oqaatsinillu pikkoriffeqartoq
  • Inunnut atassuteqallaqqissoq suliffeqarfiullu iluaniittunik avataaniittunillu suleqateqallaqqissoq
  • Tatigeqatigiinnermik ataqqeqatigiinnermillu ineriartortitsisinnaasoq nammineerlunilu sulisinnaasoq
  • Periusissianik niuernermillu paasinnissinnaassuseqarluartoq

Sutut ilinniarsimanersutit apeqqutaanngilaq, peqatigiiffinnulli periusissiornermullu tunngasutigut ilinniaqqissimasuusinnaavutit allamilluunniit ilisimatusarnikkut ilinniagaqarnerit ilutigalugu minnerpaamik ukiuni marlunni suliffeqarfinni misilittagaqarlutit ? kissaatiginarporlu misissueqqissaarnermi pilersaarutinillu aqutsinermi misilittagaqarnissat.

Inunnut allanut attaveqallaqqissuuvutit, aamma paasiuminartumik eqqoqqissaartumillu oqaloriaaseqarputit allariaaseqarlutillu. Aamma pingaaruteqarpoq misissuilluarsinnaassuseqarnissat. Amerlanertigut piffissakilluta sulisarpugut suliffeqarfiullu iluani avataanilu soqutigisaqarfippassuarnik aallutaqartarluta, taamaattumillu pingaaruteqarpoq eqeersimaarlutit iliuuseqarniartartuunissat, pilersaarusiullaqqissuunissat namminerlu suliassannik aqutsisinnaasuunissat.

Mittarfeqarfiit neqeroorutaat
Suliffeqarfimmi periarfissanik ulikkaartumi avatangiisigissaartunilu atorfik soqutiginartoq suliartorusussuseqarnartoq. Ulloq suliffiit pissanganarlunilu allanngorarfiussaaq ? pikkunaalliornarnavianngilaq! Ullut tamaasa avatangiisinut piumassuseqarfiulluartunut ammasunullu suliartortassaatit ? unamminiarnartortalinnik, ineriartorfiusunik iluatsiffiusunillu suliassaaleqisarnavianngilatit.

Nuummi qullersaqarfimmi suliffeqassaatit. Pisortaasoq qanimut suleqatigissavat. Namminersorlutik Oqartussat kattuffiullu naleqquttup isumaqatigiissusiaannut atuuttumut naapertuuttumik atorfinitsinneqassaatit. Atorfik sapaatip-akunneranut 40 tiimit suliffiuvoq.

Sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqareersimaguni sulisutut ineqarsinnaatitaanini tigummiinnarsinnaavaa.

Paasisaqarnerorusuppit?
Atorfimmut tunngatillugu apeqqutissaqaruit pisortaq Marie Fleischer uunga sianerfigisinnaavat +299 382600/ mfle@mit.gl. Mittarfeqarfiit pillugit paasissutissat amerlanerusut uaniipput: www.mit.gl.

Qinnuteqaat
Atorfinitsitaanissamut piukkussanut ilaajumaguit qinnuteqaatit cv-llu internetikkut nassiutissavat linki matuma ataatungaaniittoq aqqutigalugu kingusinnerpaamik sisamanngorneq 14. september 2017. Saaffiginnissutit tamaasa mianeralugit suliarineqartassapput, qinnuteqaatillu tulleriiaarlugit suliarineqarumaarput.

 

Mittarfeqarfiit Kalaallit Nunaanni mittarfinnik 13-inik helipadinillu 46-nik ingerlatsiviupput. Qangattarnernik minnernillu 60.000-init amerlanerusunik isumaginnittarpugut ukiumullu ilaasunik 350.000-init amerlanerusunik kiffartuussisarluta. Nunatsinni suliffeqarfiit annersaat ilaattut 400-t missaanniittunik sulisoqarpugut, aamma sulisutsinnik niuernitsinnillu ineriartortitsinissarput sulissutigiuarparput. Taamaalilluta kiffartuussinernik ilinniakkanillu arlalinnik neqerooruteqarsinnaavugut, tamannalu inuiaqatigiinni ineriartornermut taperseeqataalluarsinnaassutigaarput.

Send din ansøgning via dette link