Skip to main content
107

Dette jobopslag er udløbet

Ikkuteqqitaq: Mittarfik Ilulissat Terminalarbejderissarsiorpoq

Terminalarbejderitut imaluunniit arlaannik assassornermut tunngasumik ilinniagaqarpit ulluinnarnilu silaannarissuaq iluarusuutigiutaa pitsaasunik suliaqarneq ataqqinaatigerusuttarpiuk? Taava immaqa Mittarfik Ilulissani terminalarbejderitut atorfik ilinnut tulluuppoq.

 

Suliassat:?
Pissanganartunik assigiinngiiaartunillu suliassaqassaatit ullullu tamarmik assigiinngitsunik pisoqarfiusarput. Ilaatigut makkuninnga suliaqassaatit:

  • Timmisartunik isumaginninneq ? timmisartunik usilersuineq aamma usingiaaneq
  • Qatserineq, annaasisniarneq kiisalu imaani annaassiniarneq
  • Sillimaniarnermik suliaqarneq
  • Aputaajaaneq
  • Mittarfimmi atortunik iluarsaassineq aamma aserfallatsaaliuineq
  • Suliassat takkussuuttut allat

 

Piginnaasat:
Terminalarbejderitut assassornermulluunniit tunngasumik ilinniarsimasuunissat, suliartortuaannarnissat, takujuminartuunissat kiffartuussillaqqissuunissallu naatsorsuutigaarput. Taakkua saniatigut atorfimmi uku piumasaqaataapput;

  • Ilakkuminartuuneq, eqaatsumik pissuseqarneq mianersortuunerlu
  • Kalaallisut danskisullu oqaaseqartuunissaq
  • Pitsaasumik peqqissuseqarnissaq
  • Biilersinnaanermut truckinillu ingerlatitsisinnaanermut allagartaqarneq
  • Pinerluuteqarsimannginnermik uppernarsaateqarneq

 

Mittarfeqarfiit pissarititassaat:
Atorfik piffissamik tamakkiisoq pissanganartoq, unamminartoq kiisalu ineriartoqqinnissamut periarfissiisoq. Suleqatissatit, ikiuiumatuujullutillu, illarumatuujupput suleqatigiilluarnissamillu pingaartitsisuullutik. Suliffigilerumaagassat avatangiiserissumiippoq suliffeqarfiullunilu pissanganartoq ineriartupiloornerup qeqqaniittoq.

 

Sillimaniarnikkut akuerineqarnissaq
Atorfimmut piukkunneqassaguit sillimaniarnikkut akuerineqarnissat piumasaqaataavoq. Taamaattumik pinerluuteqarsimasut nalunaarsorneqarfianniit uppernarsaammik qinnuteqaatinnut ilanngullugu nassiussissaatit. Taanna politiini pissarsiarineqarsinnaavoq.

 

Atorfinitsitaanermi atugassarititaasut?
Atorfininnissaq SIK-p isumaqatigiissutaa naapertorlugu isumaqatigiissuteqarnikkut ukunannga ilaatigut imaqartussamik pissaaq:

  • Piffissaq suliffiusussaq sapaatip akunneranut nalunaaquttap akunnerinik 40-nik sivisussusilik
  • Atorfimmi inissaqartitsisoqanngilaq

 

Paasisaqaqqikkusukkuit:
Ilulissani mittarfimmi aqutsisut ingerlaavartumik qinnuteqartunik piukkussaminnik oqaloqateqaqattaassapput.

Allanik paasiniaarusukkuit atorfimmulluunniit tunngasunik apeqqutissaqaruit driftlederi Niels Schmidt attavigisinnaavat mailikkut nisc@mit.gl imaluunniit oqarasuaatikkut +299 38 27 38. Paaserusutat naliginnaanerusut sulisoqarnikkut qullersaqarfimmut paasiniarneqarsinnaapput uunga allalluni hr@mit.gl

Mittarfeqarfiit nittartagaat aamma nammineerlutit alakkarsinnaavat uunga iserlutit www.mit.gl

 

Soqutiginnippit?
Soqutiginnikkuit qinnuteqaativit tigunissaa qilanaaraarput, ilinniarsimasarnut allagartatit uppernarsaatitit januarip ulluisa 28-at 2018 tikitsinnagu ataani iserfissamut iseriarlutit nassiutikkit.

Mittarfeqarfiit suliffeqarfiuvoq sinneqartooruteqarneq naapertorlugu ingerlanneqartoq Namminersorlutik Oqartussat ataanniittoq. Mittarfeqarfiit Nunatsinni suluusalinnut mittarfiit, qulimiguulinnut mittarfiit aamma mittarfinni hotelit marluk ingerlatarai. Ukiumut timmisartunik qangattartitsinerit mitsitsinerillu 70.000-it missaanniittut isumagisarpagut timmisartunullu ilaasut 350.000-it missaanniittut isumagisarlutigit. Sulisut 400-t missaanniippugut. Qullersaqarfik Nuummiippoq.

Send din ansøgning via dette link