Skip to main content
79

Dette jobopslag er udløbet

Ikkuteqqitaq: Mekanikerimik Mittarfik Kulusuk pissarsiorpoq

Mekanikeritut ilinniagaqarsimasuuit namminersorlutillu sulillutit nuannaralugu ilaannilu ulapingaatsiarfiusumi sulisinnaalluarlutit? Taamaappat immaqa Kulusummi suleqatissarivatsigit. Inuttut eqaatsuussaatit pissutsinut allanngorartunut naleqqussarsinnaassuseqarlutit suleqateqarnissallu kisimiillutit suliaqartarnertulli aamma nuannarissavat. Taakkua saniatigut uku piginnaasaqarfigissavatit:

  • Hydraulikki ilisimasaqarfigissavat
  • Minnerpaamik ukiuni 3-5 misilittagaqariissaatit
  • Pinerlussimannginnermut uppernasaammik allagartaqassaatit
  • Qallunaatut kalaallisullu oqalussinnaassaatit ajornanngippallu aamma tuluttut
  • Qarasaasialerinermut tunngaviusumik ilisimasaqassaatit
  • Biilersinnaanermut allagartaqassaatit, biilersuarnut aamma allagartaqaruit iluassaqaaq
  • Svejserinermik misilittagaqassaatit
  • Maskinarsuit ilisimasaqarfigissavatit
  • Toyotat ilisimasaqarfigissavatit

 

Mittarfeqarfiit neqeroorutigaa
Suliffik aalaakkaasoq mittarfeerannguami nunaqarfiup Kulusup 250-nik inullip eqqannguani 2 km-sut ungasitsigisumi inissisimasoq. Tassanngaanniik Tasiilamut, Nuummut Reykjavikkimullu aqquteqarpoq aasaanerani sap.ak. 60-riarluni tikinneqartarpoq ukiaaneranilu sap.ak. 20-ria tikinneqartarluni. Tunu pillugu paasisaqaqqikkusukkuit uunga iserlutit misissuataarigit www.greenland.com

 

Isumannaallisaaneq eqqarsaatigalugu akuerineqarnissaq
Atorfik pilerigigukku pisariaqarpoq, qinnuteqaaterni politiiniik uppernarsaammik pisimanissat. Taamaattumik politiiniik upernarsaammik ilanngussigina. Politeeqarfinnut sumiluunniit pissarsiarineqarsinnaavoq.

 

Atorfeqarnermi atugassarititat
Kattuffimmik ilaasortaaffeqaruit tassani maleruaqqusat malillugit atorfinitsinneqassaatit. Ilaasortaaffeqanngikkuit immikkut ittumik isumaqatigiissusiornikkut atorfinitsinneqarsinnaavutit ataani taakkartorneqarsimasut ilaatinneqarlutik:

  • Atorfininnermi suliunnaarnernilu angalaneq
  • Pigisanik timmisartukkuussappata 75 kg umiarsuakkuussappata 200 kg nassartoqarsinnaavoq
  • Inissaq pisatseriigaq maleruaqqusat malillugit akilertagassaq
  • Ukiumoortumik angaltinneqarneq ? qaammatit aqqaneq-marluk atorfeqareeraanni
  • Mittarfeqarfiit politikkiat malillugu utoqqalinersiassanik aaqqissuussinermi katersaqartitsineq

 

Paasisaqaqqikkusukkuit
Atorfik pillugu paasisaqaqqikkusukkuit apeqqutissaqaruilluunniit Mittarfiup pisortaanut Torben Larsenimut puunga oqarasuaammut +299 38 28 61 sianerlutit paasiniaasinnaavutit. Aamma Mittarfeqarfiit nittartagaanni paasisaqarsinnaavutit uunga iserlutit www.mit.gl. Paaserusutat naliginnaanerusut pillugit apeqqutissaqaruit sulisoqarnikkut qullersaqarfimmut hr@mit.gl -mut allallutit paasiniaasinnaavutit.

 

Soqutiginnippit?
Qinnuteqaativit tigunissaanut qilanaarpugut, ilinniagarnut allagartatit pikkorissarsimanernulluunniit ataani iserfissamut iserlutit nassiutikkit kingusinnerpaamik 1. februar 2018.

Mittarfeqarfiit, Kalaallit-Nunaanni mittarfiit, katillugit 13?ninik mittarfeqarput 46?nillu qulimiguullit miffigisinnaasaannik peqarlutik. Ukiumut katillugit 60.000 sinik sinnilinnik mitsitsinikkut kiffartuussivigisarpagut angalasullu 80.000?tinik sinnillit kiffartuuttarlutigit. 400?t sinnerlugit sulisulittut nunami suliffinnut annernut ilaavugut, ataavartumillu sulisutsinnik suliffitsinnillu pikkorissaanerit siuarsaanerillu ingerlattuarlutigit. Taamaalilluta ilinniagaqrnerup iluani neqeroorutaateqarpugut kiffartuussissutinillu peqarluta inuiaqatigiinnut positivimik sunniuteqaqataasinnaasunik.

Send din ansøgning via dette link