Skip to main content
104

Ikkuteqqitaq: Kangerlussuarmi igasumik ilinniarsimasumik sulisussarsiorpugut

Hotel Kangerlussuaq naliginnaasumik ulapaarfiuvoq pissanganartoq, igasutut ilinniarsimasumik sulisussarsiorpoq.

Hotel Kangerlussuaq ataatsimeersuarnernik, isumasioqatigiinnernik takornarianullu tunngasunik ullut tamaasa aaqqissuussisarpoq. Ataatsimiititsisarnerit aaqqissuisarnerillu eqqarsaatigalugit Hotel Kangerlussuup Kalaallit Nunaanni kajungerineqarnerpaanut ilaalernissaa sulissutigaarput. Anguniagarlu angusinnaajumallugu tamatuma malitsigisaanik nutaamik suleqatissarsiorpugut. Suleqatigiit pikkorilluinnartut suleqatigilersussaavatit, taakkulu ataatsimeersuarnernik akunnittarfimmilu najugalinnut pimoorussilluinnarlutik sullissisarput.

 

Suliassatit

  • Cafeteriami neriartortunik pikkorissartunillu ulluinnarni sullissisut suleqatigissavatit
  • Sassaalliutigineqartussanik pilersaarusioqataasarneq
  • Eqquluisaarnermik piginnaaneqassaatit
  • Ulapissinnaalluartuussaatit

 

Piginnaasassatit
Igasutut ilinniagaqarsimassaatit misilittagaqareersimassaallutillu. Pitsaassutsimik pingaartitsisuusaatit aammalu tikeraartigisartakkagut uteqqikkusulersillugit pitsaasumik misigisaqartitseqataasinnaassasuseqassaatit.

Atorfik eqqarsaatigalugu pikkorissuusaatit ilutigalugulu inuttut pissuserissaartuusaatit inunnik assigiinngitsunik kultureqarlutillu atorfilinnik sullissinissaminut inissaqartitsilluartoq. Ilakkuminartuusaatit suleqatigiinnissamillu pingaartitsisuullutit. Eqquluisaarnermik pingaartitsisuusaatit aamma atuisartutta sassaalertarnerit eqqarsaatigalugit pitsaalluinnartuunissaanik naatsorsuuteqartarnerat eqqortillugu sulisinnaassuseqassaatit.

Atorfik tamakkiisumik atorfiuvoq unnukkut sapaatip akunneratalu naanerani sulisarsinnaanissaq naatsoorsuutigineqarsinnaalluni.

 

Mittarfeqarfiit neqeroorutigisinnaavaa
Suliffik pissanganartoq ineriartortitsiviusorlu sulisorisaminut pitsaasumik atugassaqartitsinissamik aammalu suleqatigiit suleqatigiilluarnissaanik pingaartitsisoq.

 

Atorfeqarnermi atugassarititat

Akissarsiat atorfeqarnermilu atugassarititaasut kattuffiup attuumassuteqarfigisaq naapertorlugu aalajangersarneqassapput.

  • Sapaatip akunneranut nal. akunneri 40-t sulisassaatit
  • Malittarisassat naliginnaasut malillugit ineqartinneqarneq
  • Atorfininnermut soraarnermullu atatillugu akiliunneqarlutit angalanissat
  • Timmisartukkut nassiussat 75kg-it imaluunniit umiarsuartigut nassiussat 200 kg-it killigalugit nassiussannut akiliutitit utertinneqarsinnaapput

 

Sillimaniarnikkut akuerineqarnissaq
Atorfimmut piukkunneqassaguit politiinit sillimaniarnikkut akuerineqarnissat piumasaqaataavoq. Taamaattumik pinerluuteqarsimasut nalunaarsorneqarfianniit uppernarsaammik qinnuteqaatinnut ilanngullugu nassiussissaatit. Taanna politiini pissarsiarineqarsinnaavoq.

 

Paasisaqarnerorusukkuit
Annertunerusumik paasisaqarusukkuit imaluunniit atorfik pillugu apeqqutissaqaruit igaffimmi pisortaq Mikkel Jørgensen allaffigiuk mibj@mit.dk.

Apeqqutit naliginnaasut uunga apeqqutigineqarsinnaaput hr@mit.gl

Mittarfeqarfiit pillugu annertunerusumik paasisaqarusukkuit nittartakkatsinni uani atuarsinnaavatit www.mit.gl.

 

Soqutiginnippit?
Atorfinissinnaassaguit qinnuteqaatit inuuninni sulerisimaninnik allattorsimaffik kiisalu ilinniarsimanermut uppernarsaatit internetikkut attaveqaat aqqutigalugu kingusinnerpaamik ulloq

29. juli 2018 nassiutissavatit. Atorfinitsitsisinnaanissamut oqaloqatiginnittarnerit ingerlaavartumik ingerlanneqassapput.

Send din ansøgning via dette link:

Mittarfeqarfiit, Grønlands Lufthavne, Kalaallit Nunaani mittarfiit 13-it qulimiguulinnullu mittarfiit 43-t ingerlatarai. Timmisartunik ukiumut 60.000-init amerlanerusunik tingisitsisarlutalu mitsitsisarpugut, ukiumillu ilaasut 350.000-init amerlanerusut sullittarlutigik. 450 missaanik sulisoqarnitsigut nunatsinni suliffeqarfiit annersaasa ilagaatsigut sulisutta ingerlatavullu ineriartortittuarnissaat sulissutigiuarpagut. Taamaasilluta sullissinerit ilinniartitaanerillu assigiinngitsut neqeroorutigisinnaasarpagut, taamaasiornikkullu inuiaqatigiit ineriartortinneqarnerinut pitsaasumik ikorfartueqataalersinnaassimalluta.