Skip to main content
117

Dette jobopslag er udløbet

Hotel Kangerlussuaq igaffimmi pisortassarsiorpoq

Hotel Kangerlussuaq allanngortiterneqassaaq ineriartortinneqarlunilu! Taamaattumik igaffimmi pisortamik ulloq 1/3 2018 imaluunniit isumaqatigiissuteqarnikkut atorfinittussamik pissarsiorpugut. Igaffimmi pisortaq imikkut illaarissumik tikeraatta tamakkiisumik misigisisaqarnissaannik anguniagarput sutigut tamatigut immikkut ittumik pitsaassusilik timitalersueqataaffigalugulu ineriartortitseqataaffigissavaa.

Hotelip aqutsisui allat suleqatigalugit hoteli ineriartortitseqataaffigissavat ? aamma ataatsimeersuartarnernik aaqqissuussisarneq, taamaasilluta pissutsinut nunani allaniittunut nallersuussinnaanngorluta.

Igaffik akisussaaffigisat Hotel Kangerlussuullu hotelip pisortaanut hotelillu ittuanut toqqaannartumik attaveqarlutit aqutsisuinut ilanngutissaatit. Igaffimmi sulisunut tamanut arfineq-pingasut missaanniittunut aqutsinermik missingersuusiornikkullu akisussaaffik tamakkiisoq akisussaaffigissavat.

Sulisut piginnaasartut peqatigalugit nerisassat inniminnerneqarsinnaasut allattorsimaffiat, ataatsimeersuarnermi neqeroorutit, festinik aaqqissuussinerit, pilersuisunut attaveqarneq, pisiniarneq kiffartuussinerlu ineriartortinnissaat akisussaaffigissavatit. Taamatuttaaq aamma pitsaassutsikkut anguniakkat, kiffartuussineq aningaasaqarnerlu qitiutillugit taakkuninnga atuutsitsinissaq hotel ataatsimut ilisarnaatigerusutai qulakkiissallugit akisussaaffigissavatit.

Attaveqatiginnittartuuvutit aqutsisuullutillu ersarissoq qiimalluni oqartussaassusilik. Eqqissisimasuuvutit aqutsisuunerillu pillugu eqqissisimasuullutit ? inunnillu peqataatitsinikkut ineriartortitsinikkullu qitiutitsinikkut inunnik ineriartortitsisarlutit. Suliassat allat suliarinissaat ajorinngilat, soorlu assersuutigalugu allaffimmi. Pigaartut pilersaarutaannik piareersaallaqqipputit regnearkit imaluunniit aningaasanik aqutsineq ersiginagit. Piumasaqaatit pitsaassussimut kiffartuussinermullu tunngassuteqartut pillugit naaperiaanermi pitsaasumik oqimaaqatigiissaarisinnaavutit kiisalu ingerlatsinermik aningaasaqarnermillu qitiutitsillutit.

Suliassatit

  • Igaffimmi ulluinnarni ingerlatsinermi ingerlaavartumillu tamakkiisumik sulinermik akisussaaffeqarneq
  • Ingerlatsinermik pisiniarnissamillu pilersaarusiorneq
  • Immikkoortortami ingerlatsinermi/ingerlariaatsinik qulakkeerineq ineriartortitsinerlu: Iliuusissatut pilersaarusiorneq, periusiorneq suleriaatsinillu suliaqarneq
  • Ulluinnarni sulisunik aqutsineq, siunnersuineq aamma kajumissaarineq, ilaatigut immikkoortortami ataatsimiinnernut atatillugu
  • Immikkoortortami sulisunik ineriartortitsinermik sungiusaanermillu akisussaaffeqarneq

 

Neqeroorutigaagut

  • Hotelip ?Kalaallit Nunaanni Pitsaanerpaaq?-mik hotelinngornissannut ataatsimeersuartarfinngornissaanullu immikkuullarissumik taaneqartalernissaanik takorluukkatsinnut immikkuullarissumut suleqataanissat
  • Suliffeqarfimmi sukkasuumik ineriartortumi aqutsisoqatigiinnut ilanngunnissat
  • Atorfik namminersorfiusoq, suleqatitit peqatigalugit takuneqarsinnaasunik angusaqarfiusoq.

 

Piginnaasatit

  • Atorfimmit assigusumit misilittagaqarneq, igaffimmiutullu ilinniarsimaneq
  • Ulloq unnuarlu ingerlatsinermut peqataassallutit nuannarivat
  • Nerisassat imigassallu aqqutigalugit sullitatsinnut immikkuullarissumik sullisserusussuseqarlutit
  • Peqataatitsineq, attaveqarneq nuannaraat sulisunullu arlalinnik piumasaqaateqarsinnaallutillu naatsorsuutiginnissinnaavutit
  • Aaqqissuussaasumik suleriaaseqarputit iliuutsitillu oqaasertalersortalugit
  • Pulaartunut ammasuuvutit, tuniniaallaqqillutit tatiginnilersitsisinnaallutillu
  • Ingerlatsininni, allaffissornermi aningaasaqarnermilu torersumik suleriaaseqarputit

 

Sillimaniarnikkut akuerineqarnissaq
Atorfimmut piukkunneqassaguit sillimaniarnikkut maleruagassat atuuttuut malillugit akuerineqarnissat piumasaqaataavoq. Taamaattumik pinerluuteqarsimasut nalunaarsorneqarfianniit uppernarsaammik qinnuteqaatinnut ilanngullugu nassiussissaatit. Taanna politiini pissarsiarineqarsinnaavoq imaluunniit www.sullissivik.gl.

Atorfinitsitaanermi atugassarititaasut
Isumaqatigiissut atorfinittumut toqqaannartumik isumaqatigiissutigineqartoq tunngavigalu atorfinitsitaaneq pissaaq, malittarisassat atuuttut naapertorlugit ineqartitsisoqarsinnaavoq. Piffissaq suliffiusoq sapaatip akunneranut nalunaaquttap akunnerinik 40-nik sivisussuseqarpoq. Isumaqatigiissuteqarnikkut atorfinitsitaaneq pisaaq.

Paasisaqarnerugit
Uani siunissami suliffigineqalersinnaasut pillugit atuarit: www.hotelkangerlussuaq.gl. Atorfik pillugu apeqqutissaqaruit hotelip pisortaanut Jeppe Ejvind Nielsenimut email: jeen@mit.gl imaluunniit tlf. +299 52 35 45 sianersinnaavutit.

Soqutiginnippit?
Atorfimmut piukkunneqassaguit, qinnuteqaatit, inuuninni sulerisimaninnik allattorsimaffik kiisalu ilinniarsimanermut uppernarsaatit internetikkut attaveqaat aqqutigalugu kingusinnerpaamik ulloq 13. februar 2018. nassiutissavatit. Atorfimmut naliginnaasunik tunngasunik paasisaqarusukkuit uunga apeqquteqarsinnaavutit hr@mit.gl

Hotel Kangerlussuaq suliffeqarfiuvoq sinneqartooruteqarneq tunngavigalugu aqunneqartoq Mittarfeqarfinnit pigineqartoq. Hotel Kangerlussuaq hoteliuvoq nutaaliaasoq 70-inik ininut ataasiuttakkanut, marluuttakkanut, ilaqutariinnut aamma ininut kusanasaakkanut agguataarsimasunik initalik. Taassuma saniatigut Hotel Kangerlussuarmi cafémik, cafeteriamik, neriniartarfimmik kusanasaakkanik sassaallerfiusartumik kiisalu baarimik nutaaliaasumik ingerlatsisoqarpoq. Ukiut tamaasa inuit 20.000-it missaanniittut hotelimi unnuisarput. Paasissutissat sukumiinerusut uani atuakkit www.hotelkangerlussuaq.gl

Send din ansøgning via dette link