Skip to main content
79

Dette jobopslag er udløbet

Allagarsiuteqqitaq: Mittarfik Kulusuk ingerlatsinermut pisortassarsiorpoq

Mittarfik Kulusuk ingerlatsinermut pisortassarsiorpoq, Qatserisartunut annaassiniarnermullu ingerlatani pisortassamik kiisalu biilileriffimmi suliarineqartartunut formandiusussamik. Pimoorissisuuit torersumillu ingerlatsinissamik pingaartitsisuullutit? Ullullu ingerlanerani inuppassuarnik assigiinngeqisunik attaveqartarnissat nuannarisaraajuk?

Taamaassimassappat immaqa tassa illit suleqatissaraatsigit.

Kulusuk Kalaallit Nunaata kangianiittoq mittarfiuvoq suliassarpassualik ukiullu annerpaartaani angallaffiulluartartoq. Islandip Kalaallit Nunaatalu Kitaata akornanni timmisartukkut angalasut amerliartornerisa kingunerisaanik mittarfiup ammasarfii annertusiartorput. Kulusummi mittarfik nunaqarfiup Kulusuup 270 missaanik innuttaqartup ungasinngisaani inissisimavoq.

Suliassatit:
Timmisartunik ikuallattoqartillugu annaassiniartarnermilu ilinniarluarsimasunik sulisoqarluta upalungaarsimasarnissatta attanneqartuarnissaa suliassatta ilagaat. Tamatuma saniatigut qamutinik motoorilinnik amerluusunik ingerlaartuartittariaqakkanik peqarpugut, tamatumalu saniatigut illuuteqarpugut amerlasuunik aserfallatsaaliorneqartariaqartartunik.

  • Sulisut pigaartuusarfissaasa pilersaarusiortarneri aammalu mittarfimmi suliassat assigiinngitsut suliarineqartarnerisa nakkutigisarneri
  • Timmisartunik sullissisarneq aputaajaasarnerlu
  • Illuutit qamutillu motoorillit aserfallatsaaliortarneri
  • Atortunik kingoraartissanillu pisiortortarnerit aammalu atortut pitsaasussaasa ingerlaavartumik nalilersortarneri
  • Qatserisartut Annaassiniartartullu (BOR) atortut misiligaatigalugit sungiusartittarneri
  • Nammineq qatserisartorisat ilinniartinneqartarneri

Piginnaasassatit:
Atorfik atorfigilersinnaassagukku mittarfinnut ingerlatsinermut tunngatillugu atuagarsorlutit ilinniagaqarsimassaatit minnerpaamillu ukiuni 2-4-ni qatserisartutut annaassiniartartullu misilittagaqassaatit. Minnerpaamik timmisartunut Indsatslederiunissat piumasaqaatigaarput. Tamatuma saniatigut makku pingaartinneqassapput:

  • Mekanikeritut ilinniagaqarnissaq
  • Qamutinik angisuunik ingerlatsisinnaanissamut allagartaqarnissaq
  • Qarasaasianik atuinissamut tunngaviusumik ilisimasaqarnissaq
  • Pinerlussimannginnissaq

Mittarfeqarfiit neqeroorutigaa:
Suliffik pissanganarlunilu ineriartortuartoq sulisuminik pitsaasumik atugaqartitsinissamik pitsaasumillu suleqatigiinnissamik pingaartitsisoq. Sulisut immikkut tamarmik suliaqartarlutillu ataatsimut suliaqartartut 15-20-t suleqatigissavatit.

Atorfeqarnermi atugassarititat:
Akissarsiat atorfeqarnermilu atugassarititaasut kattuffik attuumassuteqarfigisaq naapertorlugu aalajangersarneqassapput. Tamanna periarfissaqanngippat immikkut isumaqatigiissuteqarnikkut atorfinitsitsisoqarsinnaavoq.

  • Maleruagassat naapertorlugit atorfininnermut soraarnermullu atatillugu akiliunneqarlutit angalanissat
  • Maleruagassat atuuttut naapertorlugit pequtit assartorneqarsinnaapput
  • Maleruagassat naapertorlugit inissaqartitsisoqassaaq
  • Sapaatip akunneranut nal. akunneri suliffiusartut 40-iupput

Sillimaniarnikkut akuerineqarnissaq:
Atorfinissinnaanissat eqqarsaatigalugu politiinit sillimaniarnikkut akuerineqarnissat piumasaqaataavoq. Taamaattumik pinerluuteqarsimasut nalunaarsorneqarfianniit uppernarsaat ilanngullugu nassiussissaatit. Taanna najukkanni politiini pissarsiarineqarsinnaavoq.

Paasisaqarnerugit:
Annertunerusumik pasisaqarusukkuit imaluunniit atorfik pillugu apeqqutissaqaruit Mittarfiup pisortaanutTorben Larsenimut mail torl@mit.gl imaluunniit oqarasuaatikkut +299 382861 attaveqarnissamut tikilluaqqusaavutit. Apeqqutit nalinginnaasut HR immikkoortortaqarfimmut mail hr@mit.gl aqqutigalugu ingerlanneqarsinnaapput.

Mittarfeqarfiit pillugit paasissutissat tamakkiisut uani atuarsinnaavatit www.mit.gl

Qinnuteqarneq:
Atorfinissinnaassaguit qinnuteqaatit inuuninni sulerisimaninnik allattorsimaffik kiisalu ilinniarsimanermut uppernarsaatit linki ataani innersuussutigineqartoq aqqutigalugu qarasaasiakkut kingusinnerpaamik 31. maj 2018 nassiutissavatit.

Mittarfeqarfiit, Grønlands Lufthavne, Kalaallit Nunaani mittarfiit 13-it qulimiguulinnullu mittarfiit 43-t ingerlatarai. Timmisartunik ukiumut 60.000-init amerlanerusunik tingisitsisarlutalu mitsitsisarpugut, ukiumillu ilaasut 350.000-init amerlanerusut sullittarlutigik. 450 missaanik sulisoqarnitsigut nunatsinni suliffeqarfiit annersaasa ilagaatsigut sulisutta ingerlatavullu ineriartortittuarnissaat sulissutigiuarpagut. Taamaasilluta sullissinerit ilinniartitaanerillu assigiinngitsut neqeroorutigisinnaasarpagut, taamaasiornikkullu inuiaqatigiit ineriartortinneqarnerinut pitsaasumik ikorfartueqataalersinnaassimalluta.

Send din ansøgning via dette link