Skip to main content
80

Dette jobopslag er udløbet

Teknikimik Ilinniarfik, KTI kollegiami siunnersortimik pissarsiorpoq

Ilinniartuutitsinnut aamma lærlinginut kollegiami siunnersortiorusupput ingammik inuusuttuaqqat 18-it inorlugit ukiullit ilanngullugit? Taava tassa ILLIUVUTIT uagut pissarsiarerusutarput. Kollegiami siunnersorti ilinniartunut aamma lærlinginut atugarissaarnermik aamma toqqissisimanermik pilersitsisinnaasoq.
 
Kollegiami pingasunik initalimmi ineqassaatit sillimaffigissavallu nikerartumik sulisarnissat, tassani ilinniartut aamma lærlingit annertunerusumik atuareernerup kingorna aamma sapaatit akunnerata naanerini najortassallugit, kisianni aammattaaq atuarnerup nalaani atuarfimmik aamma kollegiamik attaveqartarnikkut – sapaatit akunneranut piffissaq suliffiusoq tassaavoq nalunaaquttap akunneri 40-t.

Unamminartut nutaat piareersimaffigigukkit aamma ilinniartuutivut lærlingillu tapersersornissaannut piginnaasat pigigukkit, taava illit pissanganartorujussuarmik suliffissaqartippatsigit.

Uagutsinnut pingaaruteqartuuvoq – minnerunngitsumillu ilinniartunut illit kollegiami siunnersortitut ilinniarsimasakkut aamma inuttut tunngavissaqarluarnerit aammalu pilerigissagit pisinnaasaqarfigalugulu inuusuttunik sullissinissat aamma ilinniartitaanermi sulinissat.

Teknikimik Ilinniarfimmut, (KTI) Sisimiuni ilaapput ilaatigut sanaartornermik ilinniakkat,  Ilinniarnertuunngorniarfik, aatsitassalerinermik Ilinniakkat saniatigullu pikkorissartitsinerit annertuut. Ilinniartut katillugit 400-it missaannik amerlassuseqarput. Atuarfiup kollegiai atuarfiup eqqannguani inissisimapput, ulluinnarnilu ilinniarfiup ilinniartitaanermut pisortai aamma ilinniartitsisui illit qanimut suleqatigissavatit, tassani siunertaavoq ilinniartutut atuanngiffimminni toqqissisimanartumik avatangiiseqarnissaat.

Kollegiani siunnersortitut ilaatigut suliassaraatit:

  • Kollegiani illit akisussaaffigilikkannik kollegiani najugaqartut ullut tamaasa attaveqarfigisarnissaannik isumaginninneq
  • Kolligiani inuttut inuunerup aamma ataatsimooqatigiinnerup siuarsarneqarnissaa
  • Kollegiamiut eqqiaanissamik aaqqissuussinissaannik aallartitsineq aamma tamatuma malinneqarnissaanik qulakkeerinninneq
  • Eqqiluisaarnissaq pillugu aamma peqqinnartunik nalinginnaasumik  nerisassiornissamut ilitsersuisinnaaneq
  • Isumagissallugu kollegiamiut kollegiani maleruagassanik eqqortitsinissaat
  • Qulakkiissallugu najugaqartut isumasioqatigiittarfiata (beboerråd) pilersinneqarnissaa aamma kollegiani pissutsit pillugit ataatsimiittarnissat kiisalu aaqqiagiinngissutaasinnaasut pillugit
  • Kollegiani sulisut allat peqatigalugit unnuakkut aamma sapaatit akunnerisa naaneranni pigaartuusarnermut peqataaneq
  • Atuarfimmi sulisunik allanik, pedelinik, kollegiami inspektørimik, ilinniagaqartunik siunnersuisartunik aamma ilinniartitsisunik qanimut suleqateqarsinnaaneq. Taakkununnga ilanngullugit kollegiami aserfallatsaalinerup aamma pisiniartarnerup qulakkeerneqarnissaat
  • Kollegiami najugaqarnissaq taamaaliornikkut ingammik 1. g-mi ilinniagaqartunik qanimut attaveqarsinnaallutit, taakku akuttunngitsumik 18-init inorlugit ukioqartarmata.
  • Ilisimatitsisarnissamut aamma angajoqqaat ilisimatinneqartarnissaannut ikiuunneq tassa kollegiani pissutsit pillugit aamma kollegiamiut ataasiakkaat atugarisaannut tunngatillugu.

Uagut naatsorsuutigaarput illit

  • Tassa perorsaasutut ilinniagaqarsimasuusutit imaluunniit allamik inunnik isumaginninnermut tunngasumik ilinniagaqarsimasuusutit
  • Tassa attaveqaqatigiinnermut pikkorissuseqartuusutit aamma tulleriiaarisuullutit perorsaanermut suliassanut tunngatillugu
  • Tassa namminersorsinnaassuseqartutit pilersaarusiortuullutillu
  • Tassa inuusuttunik 18-it inorlugit ukiulinnik sullissinissamik piumassuseqartuusutit
  • Tassa inuusuttut ilinniagaqartut siunissaannik pilersitsinissamut illit peqataanissat unamminartuutillugu isiginnittuusutit
  • Tassa misigittartuusutit aamma kollegiamiunik oqaloqateqartarnikkut aaqqiagiinngissutit aallartinneranni aaqqiisinnaasutit
  • Tassa qiimasuusutit aamma qanilaartuullutit
  • Tassa oqaatsinik marlunnik atuisuusutit danskisut aamma kalaallisut

Uagut neqeroorutigaavut

  • Suleqatit aallussilluartut
  • Akisussaassusermik annertuummik aamma nammineerluni suliassaqarnissamut periarfissat
  • Perorsaanermut tunngatillugu kollegiamiunut iliuuseqartarnernik ineriartortitsinissamut annertuumik kiffaanngissuseqarneq
  • Suliffeqarfik ineriartortoq pinngortitarsuup imaannaanngitsup qeqqani silami sammisaqarnissamut periarfissaqarluartumi soorlu aallaaniarnermut, aalisarnermut, sisoraatinik ujakkaarnermut adventure race il.il.

Atorfimmut piaartumik imaluunniit isumaqatigiissuteqarneq tunngavigalugu atorfinittoqarnissaa kissaatigaarput.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut pisinnaatitaaffiit Kalaallit Nunaanni Namminersorlutik Oqartussat kattuffiullu isumaqatigiinniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Meeqqanik pinerliisimannginnermut aammalu Pineqaatissinneqarsimannginnermut uppernarsaat
Atorfiit meeqqanik pinerliisimannginnermut aamma pinerluuteqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiupput. Inatsit naapertorlugu teknikimik Ilinniarfik meeqqanik pinerliisimannginnermut uppernarsaammik aatsaat pissarsereerpat atorfinitsitsineq aallartinneqarsinnaavoq. Taamaattumik maluginiaqqussavarput Teknikimik Ilinniarfik Rigspolitiinit meeqqanik pinerliisimannginnermut aammalu pinerluuteqarsimannginnermut uppernarsaammik aatsaat pissarsereerpat piffissaq atorfiniffiusussaq isumaqatigiissutigineqarsinnaammat.
Meeqqanik pinerliisimannginnermut pineqaatissinneqarsimannginnermullu uppernarsaat Teknikimik Ilinniarfimmiit pissarsiarineqartussaq tunngavigalugu atorfinitsitsisoqassaaq.
Atorfinitsitsinnginnermi meeqqanik pinerliisimanngin¬nermut pineqaatissinneqarsiman-nginnermullu uppernarsaammik piniartoqassaaq.

Ineqarneq
Atorfimmut atatillugu kollegiami atorfeqartut inaannik pingasunik sinittarfilimmik pequsersukkamik innersuussisoqarpoq. Inissiamut innersuunneqartumut ineqarnermut akiliut aamma iserternermi akiliutit akilerneqassapput maleruagassat qaqugukkulluunniit atuuttut tunngavigalugit. Atorfimmut atatillugu inigisaq atorfeqarnermut tunngavoq atorfeqarnerullu unitsinnerani qimanneqassalluni.

Paasissutissat sukumiinerusut
Atorfimmut tunngatillugu paasissutissat sukumiinerusut pissarsiarineqassapput kollegiami inspektøri Susanne Hansen, telefon +299 867639, imaluunniit forstanderi Jokum Møller telefon +299 867610, taakku arlaat attaveqarfigissavat.

Kingusinnerpaamik qinnuteqarfissaq 25. September 2017.
Immitsinnut pisinnaatippugut qinnuteqaatinik ingerlaavartumik samminnissinnaanermut.

Qinnuteqaateqarneq
Qinnuteqaammut ilanngunneqassapput paasissutissat imminut tunngasut (CV), aammattaaq ilinniaqarsimanermut uppernarsaatit aamma ilanngussassatut allat naleqqutut. Allaganngorlugu qinnuteqaat paasissutissat naleqquttut ilanngullugu nassiunneqassaaq uunga: si@sanilin.gl.

Nittartagarput takuuk: www.kti.gl

Illoqarfiup nittartagaa aammattaaq takuuk: www.qeqqata.gl

 

Søg stillingen online