Skip to main content
77

Dette jobopslag er udløbet

KTI, Saviminilerinermik Ilinniarfik assartugalerisutut aamma quersualerisutut iliniartitaanermi ilinniartitsisussamik pissarsiorpoq

Ilinniakkami ilinniartitsisumik aallussilluartumik assartugalerinermi inuusuttunik aamma inersimasunik ilinniartiteqataarusuttumik pissarsiorpugut. Ilinniartitsisut allat peqatigalugit ilinniartut ilinnianerminni ingerlanerat aaqqissuutissavat tassani siunertaralugu quersuarni aamma assartuinermi aammattaaq mittarfinni umiarsualivinnilu assartugalerisutut sulisussat pikkorissut piginnaaneqarluartullu ilinniartinneqarnissaat.

Suleqatissatut ujartugarput tassaavoq:

  • Quersualerinermi aamma assartugalerninermi piginnaasaqartoq
  • Sivikinnerpaamik ukiuni tallimani sulinermik misilittagaqartoq suliatigut aamma atuagarsornikkut piginnaasanik uppernarsaateqartoq
  • Inuusuttunik aamma inersimasunik ilinniartitsinissamut piumassusilik suleqatigiinnermut ammasoq kiisalu suleqatigisanik qanimut suleqateqarsinnaasoq, ilinniartitsinermik aamma ineriartortitsinermik suleqarusuttut ilinniakkamut aamma pædagogikkimut tunngasunik, tunngaviusumik ilinniartitsinermi, ilinniartitsinerup ingerlanerani pingaarnermi aamma ilinniarfiup pikkorissartitsisarnerini.

Uagut neqeroorutigaavut:

  • Atorfik unamminartulik aamma suleqatigiit oqaloqatigiinnermik suleqatigiinnermillu pingaartitsisut
  • Ilinniarfik annertuumik ineriartortitsiviusoq
  • Sullivimmi avatangiisit pitsaasut suleqatit aallussilluartut peqatigalugit
  • Piffissaq tamakkerlugu atorfeqarneq aamma pædagogisk grunduddannelse (PG)
  • Ilinniaqqinnissaq.

Aningaasarsiat atofeqartitaanermilu atugassarititaasut:
Aningaasarsiat aamma atorfeqartitaanermi atugassarititaasut, tassunga ilanngullugit atorfininnermut atatillugu akiliunneqarluni angalanissamut aamma soraarnermut atatillugu angalanissamut aamma pequtit assartorneqarnissaannut pisinnaatitaaffiit, atorfinitsitaanerup nalaani isumaqatigiissut/kattuffiup isumaqatigiissutaa Kalaallit Nunaanit Naalakkersuisut aamma pineqartup kattuffiata isumaqatigiinniarsinnaatitaasup, imaluunniit tjenestemandinut assingusumik atugassaqartitaalluni ingerlanneqassapput.

Atorfimmut atatillugu inissaqartitsisoqarpoq tassunga iserternermi qularnaveeqqutit akilerneqassapput aamma inimik attartornermut akiliutit akilersorneqassapput tamatumunnga maleruagassat qaqugukkulluunniit atuuttut naapertorlugit.
Oqaatigineqassaarli Nuummi inissaqarniarneq maannakkut ajornartuuvoq taamaattumik naatsorsuutigineqariaqarpoq aalajangersimasumik initaarnissap utaqqinarsinnaanera.
Utaqqinerup nalaani utaqqiisaagallartumik ineqartitsisoqassaaq. Atorfimmut atatillugu inigisaq atorfeqartitaanerup taamaatinnerani qimanneqassaaq.

Atorfik pillugu paasissutissat amerlanerusut Ilinniartitaanermut pisortamut Ole Jørgen Pedersenimut telefonikkut saaffiginnikkut pissarsiarineqarsinnaapput +299 348600, e-mail: ojp@jernmetalskole.gl.

Atorfinitsitsisoqassaaq 1. aggusti 2017 aallarnerfigalugu imaluunniit isumaqatigiissuteqarnikkut.

Qinnuteqaat tassunga ilanngullugit uppernarsaasersuutit naleqquttut atuarfiup tigoreersimassavai kingusinnerpaamik 10.07.2017.

Qinnuteqaat mailikkut nassiunneqassaaq uunga: jm@jernmetalskole.gl imaluunnit allakkatut a-tut uunga adressemut:

KTI Saviminilerinermik Ilinniarfik Jern- og Metalskolen
Box 29
3900 Nuuk

Søg stillingen online