Skip to main content
107

Dette jobopslag er udløbet

KTI Oqaatsinik Pikkorissartitsinermut immikkoortortaqarfimmut ilinniartitsisunik marlunnik pissarsiorpoq

Oqaatsinik Pikkorissarfik 1. januaari 2017 aallarnerfigalugu ingerlatsivittut nammineernera atorunnaarpoq, kiisalu Teknikimik Ilinniarfiup (KTI) ataanut inissinneqarlunilu Oqaatsinik Pikkorissartitsinermut immikkoortortaqarfittut. Tamatumunnga atatillugu Oqaatsinik Pikkorissartitsinermut Immikkoortortaqarfik ilinniartitsisunik marlunnik ineriartortitsinermik pingaartitsisunik pissarsiorput oqaatsinut fagini danskisut aamma tuluttut.
Atorfinitsinneqarnissaq: 1. marsi 2018 imaluunniit isumaqatigiissuteqarnikkut.

Atorfik pillugu
Oqaatsinik Pikkorissartitsinermi ilinniartitsisutut illit qitiutippat oqaatsinik ilinniartitsinermi nutaaliorsinnaaneq. Danskit aamma tuluit oqaasiinik pikkorissartartut inersimasuupput, tassa oqaatsinik piginnaaneqarnerminnik pitsanngorsaarusuttut akuttunngitsumillu kalaallit oqaasiinik ilitsoqqussaralugu oqaaseqartuullutik.

Ilinniartitsisut danskisullu aamma tuluttullu ilinniartitsisinnaasut piumaneqarnerupput, taamatuttaaq iluaqutaassaaq illit aamma kalaallisut oqalussinnaaguit.  

Uagutsinni ilinniartitsisutut periarfissarsissaatit pikkorissaarnerit aamma atortussat naleqquttut nutaanngorsassallugit aamma ineriartortissallugit, taamatuttaarlu tamatigoortumik oqaatsinik ilinniartitsisinnaanermik misiliinissamik allattarfissuarmik atuinermik tunngaveqaannanngitsumik. 

Suliffigisassaq pingaarneq tassaavoq Sisimiuni kisianni Kalaallit Nunaat tamakkerlugu ingerlatsigatta, taava atorfimmut atatillugu angalasarnissaq ilaavoq.

Immikkoortortaqarfimmi 1. januaari 2017 aallarnerfigalugu sulipput aqutsisoq aamma allaffimmi fuldmægtigi aammattaaq ilinniartitsisut avataaneersut arlallit attuumassuteqartinneqartut. Taamaattumik illit suleqatigiit amerlanngitsut aallussilluartulli ilagilissavatit, tassa suleqatigiinneq aamma ilinniartitsinerup pitsaasuunissaa annertuumik pingaartinneqarput, kiisalu oqaatsinik sorlernik fageqarnerup suuneri apeqqutaatinnagit suleqatigiinneq pitsaassutsimut piumasaqaataavoq.

Uagut naatsorsuutigaarput 
-   Illit tulluartumik ilinniagaqarsimasuusutit soorlu assersuutigalugu akademikeritut danskisut aamma/imaluunniit tuluttut imaluunniit ilinniartitsisutut danskit imaluunniit tuluit oqaasii linjefageralugit
-   Inersimasunik ilinniartitsinermik aamma allat oqaasiinik ilinniartitsinermik misilittagaqartutit
-   Oqaatsinik ilinniartitsinermut atortussanut atatillugu misilittagaqartutit aamma ineriartortitsinermik soqutigisaqarlutit
-   IT/multimediat misilittagaqarfigigitit aamma soqutigisaralugit
-   Allamiittunik tikinnagit ilinniartitsineq soqutigisarigit aamma iluassaaq misilittagaqarfigigukku
-   Ilinniartitsisunik allanik qanittumik kinguneqarluartumik suleqatiginninnissamut ammasoq
-   Oqaatsinik ilinniartitsinerup allattarfissuakkut ingerlanneqaannarneranik allanngortitsinissamut soqutigisaqartoq
-   Sinerissami pikkorissartitsinermut piffissamut angalanermut aamma najukkani pissutsinut atatillugu eqaatsumik periuseqartoq
-   Kaalaallit oqaasiinik ilinniarnissamut piareersimasoq, tassa illit kalaallisut oqaatsinik atuisuunngikkuit

Uagut neqeroorutigaavut
-   Atorfik pissanganartoq isummersornermik pitsaasunillu sulinermi avatangiiseqarluni
-   Immikkoortortaqarfik tassani oqaatsinik atuinerup aamma oqaatsinik ilinniarnerup pitsaanerpaanissaat pingaartinneqarlutik
-   Oqaatsinik ilinniartitsinermi isummanik aamma ingerlavissanik nutaanik ammaffiginninneq
-   Nammineq atorfimmut tunngatillugu ilinniakkatigut annertuumik sunniuteqarsinnaanermut periarfissaq
-   Inunnik oqaatsinut tunngatillugu piginnaasaasa annertusarnissaannut ikiuunnissamut periarfissat
-   Ataatsimoorneq aamma KTI-mi immikkoortortaqarfinnik allanik qanittumik suleqateqarnissaq

Aningaasarsiat aamma atorfeqartitaanermi atugassarititaasut
Aallaavigineqassaaq isumaqatigiissutit tunngavigalugit atorfinitsitsisoqarnissaa, imaappat qinnuteqaateqartoq tjenestemanditut atorfeqareerluni, taava Kalaallit Nunaanni pisortani tjenestemanditut atorfeqartunut inatsisit naapertorlugi tjenestemandinut atugassarititaasut tunngavigalugit atorfinitsitsisoqarsinnaavoq.
Aningaasarsiat atorfinitsitaanermilu atugassarititaasut, tassunga ilanngullugit atorfinitsitaanermi soraarnermilu angalanissamut pequtillu nassiunneqarnerannut akiliunneqarnissamut pisinnaatitaaffiit, Kalaallit Nunaanni Namminersorlutik Oqartussat kattuffiullu isumaqatigiinniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Ineqarneq
Atorfimmut atatillugu maleruagassat qaqugukkulluunniit atuuttut tunngavigalugit sulisunut inissiamik pequsersorsimanngitsumik innersuussisoqarsinnaavoq. Maleruagassat qaqugukkulluunniit atuuttut tunngavigalugit inissiamut innersuussutigineqartumut akiliutit aamma iserternermi qularnaveeqqutit akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliutit aamma inissiap pitsaassusia nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik.

Paasissutissat atorfimmut tunngasut sukumiinerusut immikkoortortaqarfimmi aqutsisoq Catrine Petersen e-mailikkut: cape@oqaatsit.gl imaluunniit telefonimut: +299 862050 sianerluni saaffigalugu pissarsiarineqarsinnaapput.
 
Qinnuteqarnissamut kingusinnerpaamik piffissarititaasoq tassaavoq 26. januaari 2018. Immitsinnut pisinnaatippugut qinnuteqaatit ingerlaavartumik nalilersortarnissaannut.
 
Nittartagarput takuuk: oqaatsit.gl 
Illoqarfiup nittartagaa aammattaaq takuuk: www.qeqqata.gl

Søg stillingen online