Skip to main content
83

Dette jobopslag er udløbet

Timimik Sungiusaasoq Paamiunut / Atorfiup nr. 19/18

Kommuneqarfik Sermersooq kiisalu Peqqinnissaqarfik Sermersooq timimik sungiusaasumik Paamiut nunaqarfianilu Arsummi soqutiginaqisumik atorfimmik  inuttassarsiuivoq.

Atorfik piaartumik inuttalerneqarnissaminut piareeqqavoq.

Timimik sungiusaasup pingaarnertut suliassai kommunerisap iluani inissisimapput, soorlu innuttaasut angerlarsimaannartut, Paamiuni Utoqqaat Illuanniittut kiisalu Dronning Margrethep Peqqinnissaqarfiani. Suliannik unammillernartunik naapitaqartarnissannut sapiissuseqartuunissat kiisalu 2015-imi atuutilertumi immikkoortoqarfimmi sulerusussuseqarnissat naatsorsuutigaarput.

Nutaaliorsinnaassuseqarnissat, suleqateqarusussusermi ineriartornissaq, paasiniaanissaq kiisalu periarfissanik misileraanissamut atorfimmi periarfissaqarfiusumi piginnaasaqartuunissat naatsorsuuteqarfigivarput.

Peqqinnissaqarfimmi sungiusaqqiinissaq kiisalu piginnaanngorsaqqiinissaq uninngasuni peruluttunilu isumaginnittuussaatit.

Piginnaanngorsaqqiinerup ingerlarnani aalajaatsuunissat kiisalu peqqinnissaqarfimmiit inuiaqatigiinnut ikaarsaariarnermi pitsaasumik ajornaquteqanngitsumillu ikaarsaartoqarnissaa pingaartissavat.

Immikkoortoqarfinni taakkunani piginnaanngorsaqqinnermi isumaginnittuussaatit ataqatigiittumillu ingerlasoqarneranik qulakkeerinnittuussallutit.

Innuttaasut angerlarsimaannartuni pisariaqartitsiffimmi akulerunnissannut suleqatiginnittuussaatit, innuttaasut inuunermi pitsaassuseq qaffasissoq angunissaannut kiisalu nammineersinnaanissaannut ikorfartuisuussaatit. Kommunerisami innuttaasut 18-it qaangerlugit ukiullit sullinniagaapput uani. Akulerussinnaaffitit inatsisit atuuttut pitsaassutsimik eqquutsitsinerlu misissuinermi, naliliinermi, piginnaanngorsaanermi, sungiusaanermi angerlarsimaffinnilu pulaarnerni siunnersuineq naliliinerlu ikiuutissanut aamma/imal. angerlarsimaffinni allannguisariaqarneq kiisalu nuutsitsinermi ilinniartitsineq nuuttussanik ikiuutaasussanik nassuiaanissaq eqqumaffigineqassapput. Sumiiffimmilu sullissinissaq pingaaruteqarluinnartut ilagissavaat.

Iluaqusersuutissanik inuunerinnissamullu atortussanik atuutsitsinermi kiisalu angerlarsimaffimmi allannguinissamut akuersissutinik aallartitsinissamut aammalu pisiniarnermut isumaginnittuussaatit.

Nuummi suleqatinnut kiisalu Inersimasunik Isumassuiffimmi sullissiviup immikkoortoqarfiani aqutsisumut aalajangersimasumik avitseqateqarnissannut periarfissagissaartussaavutit.

Atorfik sapaatip akunneranut 40 tiimit piffissaq tamakkerlugu atorfiuvoq.

Atorfinitsitsineq Kommuneqarfik Sermersuumiippoq, kisianni ingerlarna 50/50-imik Sermersooq Peqqinnissaqarfik kiisalu Dronning Margrethep Peqqinnissaqarfiata Paamiuniittup suleqatigiinnermi isumaqatigiissutaasoq malillugu ingerlasuuvoq.

AAQQISSUUNNEQARNERATA INISSISIMAFFIA

Kommuneqarfik Sermersuumi Inersimasunik Isumassuiffimmi Fagchefi toqqaannartumik Inersimasunik Isumassuiffimmi immikkoortoqarfimmi pisortamut attaveqartuuvoq.

Dronning Margrethep Peqqinnissaqarfia Paamiuni aqutsisut timimik sungiusaasuuneq aqqutigalugu susassaqarfimmi siunnersortaavoq.

PIGINNAASAT

  • Timimik sungiusaasutut allagartaq.
  • Namminersuutigalugu sulisinnaaneq.
  • Isumassarsiullaqqissoq, tunniusimasoq, iliuuseqarusussusilik kiisalu piginnaasatigut atorluaasoq.
  • Kulturini assigiinngitsuniissinnaasoq.

Ilisarititsineq

Kommunimi timimik sungiusaasut Nuummi kiisalu Paamiuni kommunip allaffiani suleqatit akornanni ilisaritinneqarnerata nalaani ilisareqatigiittoqarumaarpoq.

Suliassanut tunngatillugu peqqinnissaqarfiup ilisarititsinerata nalaani Dr. Ingridip Peqqinnissaqarfiani Nuummiittumi/Dr. Ingridip napparsimavissuani Peqqissartut Immikkoortoqarfiani kiisalu Paamiuni peqqissaavik ilisaritittoqarumaarpoq.

Atorfimmut atatillugu paasissutissanik paasiniaasoqassappat fagchef Lise-Lotte Have oqarasuaammut +299 36 75 imal. mailimut: lih@sermersooq.gl imaluunniit sumiiffimmi peqqissaasut aqutsisuat Inuuti Fleischer oqarasuaammut +299 34 44 20 imal. mailimut: inf@peqqik.gl

attaveqartoqarsinnaavoq.

Atorfimmut paasissutissat piniarneqarsinnaapput.

Pinerliisimannginnermut uppernarsaat: 
Atorfik una pinerliisimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Inatsit naapertorlugu kommune pinerliisimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamattumik malugeqqussavarput kommune Politiinit pinerliisimannginnermut uppernarsaat aatsaat tiguppagu atorfiniffiusussaq isumaqatigiissutigineqarsinnaammat.

Atorfimmut atatillugu inissiamik innersuussisoqarsinnaavoq.

Atorfimmut atatillugu inissiamik neqerooruteqarpoq, tassungalu qularnaveeqqusiinermut, ineqarnermut, atuinermut il.il. malittarisassat qaqugukkulluunniit Kalaallit Nunaanni Namminersorlutik Oqartussat kommunillu inissiaataanni il.il. atuuttut naapertorlugit akiliisoqartussaavoq. Atorfininnerulli nalaani inissiamik neqeroortoqarsinnaanngippat, sulisumut utaqqiisigalugu inigisamik neqeroortoqarumaarpoq, tassanilu ineqarnermut, atuinermut il.il. qulaani taaneqareersumi akiliisoqartarumaarpoq. Inigisanut atatillugu sukumiinerusumik paasisaqarusukkuit uunga paasissutissanik pissarsiniarsinnaavutit: www.iserit.gl.
Atorfininnerup piffissarititaata apeqqutaatissavaa qaqugukkut atorfimmut atatillugu inissiamik neqerooruteqarsinnaassanersoq. Akiliunneqarluni angalasinnaatitaaneq pequtillu assartornissaat ilanngullugit malittarisassat atuuttut malillugit inissinneqassapput.

Akissarsiat atorfinitsitaanermilu atugassarititat:

Timimik Sungiusaasoq Kalaallit Nunaanni Timimik Sungiusaasut kiisalu Namminersorlutik Oqartussat akornanni isumaqatigiissutit atuuttut naapertorlugit akissarsiat inissisimapput

Takuuk http://naalakkersuisut.gl/da/Naalakkersuisut/Job/Overenskomster-og-aftaler.

Ilinniarsianermut pissutsit naapertorlugit, atorfiup immikkut ittumik soqutiginaateqarnera uani piffissami 1. Januar 2017 kiisalu 31. December 2019-ip iluani pissutigalugu atorfinitsitaanermut atugassarititaasut atuupput ukiumoortumik naliliisoqarfiusussamik.

Qinnuteqaat:
Qinnuteqaatip ilisarnaataata Job nr. 19/18, aamma ilinniagaqarsimaneq siornatigullu sulisimanermik pillugit paasissutissartalik, soraarummersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimit tiguneqareersimassaaq.

Imatut qinnuteqaateqassaatit:                                                                                       
Atorfik qinnuteqarfigerusutat takugukku, uagutsinnut qinnuteqaammik nassitsissuutit nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

Qinnuteqaammi ilanngunneqartussat pisariallit:

MRSA nalunaarut kiisalu Kalaallit Nunaannut piginnaatitaanermut qinnuteqaat immersugaq. Immersugassallu taakku uani piniarneqarsinnaapput: Peqqinnissamut Pitsaaliuinermullu Aqutsisoqarfik personale@peqqik.gl imal. toqqaannartumik uani aaneqarsinnaapput: http://www.peqqik.gl/Ansaettelse/Skemaer.aspx

 

Qinuteqaat tunniunneqassaaq kingusinnerpaamik: 31. januar 2018
Atorfininneq: Isumaqatigiinnikkut
Akunnerit suliffiit: Ulloq naallugu
Suliffik: Paamiut
Paasissutissat allat uani piniarneqarsinnaapput: Lise Lotte Have 
Telefon: +299 367506
Nittartagaq: http://www.sermersooq.gl
Qinnuteqaat nassiutiguk