Skip to main content
80

Dette jobopslag er udløbet

Tasiilaq-mi, Mikisoq-mi Pisortaq / Atorfiup nr-a 525/17

Akuleriinnik meeqqerivik Mikisoq meeqqanut 0 – 2 ukiulinnut  24-inut  aamma meeqqanut 3 – 6 ukiulinnut 20-inut inissaqarpoq.

Sulisut 12-upput ima agguataarneqarsimasut: pisortaq,tullersorti,  perorsaasut marluk, meeqqerisut isumaginninnermilu ikiortit pingasut, ikiortit pingasut , nerisassiortoq aamma eqqiaasoq.

Akuleriinnik meeqqerivik  nal. 7.00-imit 17.00-mut ammasarpoq.

Tasiilamilu illoqarfiup qeqqata tungaani inissisimalluni.

Pisortap tullersorti peqatigalugu meeqqanut, angajoqqaanut sulisunullu iluaqutaasumik meeqqeriviup inerisarneqarnera sulissutigisussaavaa.

Naatsorsuutigaarput illit:

  • Perorsaasutut ilinniagaqarsimasutit
  • Aqutsinermik misilittagaqartutit
  • Pisariaqartumik nalinnaasinnaassuseqartutit
  • Sungiussiasuusutit
    aalajaatsuullutillu
  • Meeqqat sulisullu akornutaannut taarsiullugu periarfissanik takunnittartutit
  • Meeqqanik sullissinermi perorsaanermik sulinermi sulisunik ilitsersuisinnaallutillu siunnersuisinnaasutit
  • Qinnuteqartut marluinnik oqaasillit (kalaallisut/qallunaatut) piumaneqarnerupput
  • Iliuuseqarumatuusutit suleqatikkuminarlutit suliatigullu piginnaasaqarluarlutit.
  • Sulisut assigiinngitsutaannik atuinissamik paasisimasaqartutit

Neqeroorutigaagut:

  • Aqutilluarnikkut periarfissaqarputit pilersissallugit sulisoqatigiit akulerulluarsimasut, tunniulluarsimasullu perorsaanermullu tunngasut ineriartortinnissaat anguniaraat, attaveqaqatigiinneq suleqatigiinnerlu piginnaaneqarfiusut pingaartinneqartut.
  • Aqutsilluarnikkut periarfissaqarputit pilersissallugu suliffimmi atugassarititaasut pitsaasut, attaveqatigiinneq pitsaasoq pingaartuutinneqarluni meeqqat inersimasullu naligiittut immersueqataaffiat.
  • Perorsaariaatsinik aqutseriaatsinillu ineriartortitsinermi unamminartumik sulineq.

Meeqqerivinnut Immikkoortortaq meeqqerivinnut naleqqussakkanik aqutsisoqatigiinnullu pikkorissarnernik ingerlaavartunik neqerooruteqartarpoq.

Meeqqanik pinerliisimannginnermut aammalu pineqaatissinneqarsimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommune uppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.
Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.

Akissaatinut atorfinitsitaanermullu tunngatillugit atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinititsisoqassaaq.

Atorfinititsineq qaammatini pingasuni misiliutitaqassaaq.

Inissaq:
Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl

Atorfiniffissaq ullulerneqassaaq suliffimmut atasumik inissaqartitsisoqarnera apeqqutaatillugu. Inatsisit atuuttut naapertorlugit atorfininnermut atatillugu angalaneq pisattanillu nassiussineq akilerneqassapput.

Qinnuteqaat:
Qinnuteqaatip ilisarnaataata Job nr. 525/17, aamma ilinniagaqarsimaneq siornatigullu sulisimanermik pillugit paasissutissartalik, soraarummersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimit tiguneqareersimassaaq.

Imatut qinnuteqaateqassaatit:       
Atorfik qinnuteqarfigerusutat takugukku, uagutsinnut qinnuteqaammik nassitsissuutit nittartagarput aqqutigalugu.
Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

 

Qinuteqaat tunniunneqassaaq kingusinnerpaamik: 19. september 2017
Atorfininneq: Isumaqatigiissuteqarnikkut
Akunnerit suliffiit: Ulloq naallugu
Suliffik: Tasiilaq
Paasissutissat allat uani piniarneqarsinnaapput: Jesper Madsen
Mobil: +299 564582
Nittartagaq: http://www.sermersooq.gl
Qinnuteqaat nassiutiguk