Skip to main content
96

Dette jobopslag er udløbet

Tasiilami Utoqqaat Najugaqatigiffiannut peqqissaanermut ikiorti 168/17

Tasiilami Utoqqaat Najugaqatigiiffiat Tasiilap illoqarfiata qeqqaniippoq qaqqanut kangerlummullu isikkiveqarluni.

Illu paaqqutarisariaqartunut immikkoortortaqarpoq maannakkullu tassani najugaqartut 16-iupput. Siunissaq ungasinnerusoq eqqarsaatigalugu nutaamik Utoqqaat Illuliortoqartussaavoq ulluunerani angerlarsimaffimmi atortunik atortulimmik aamma tassani sungiusartoqarsinnaassaaq sammisassaqartoqarsinnaallunilu. Illumi aamma igaffeqarpugut errorsisarfeqarlutalu.

Tasiilami utoqqaat pillugit suliassaqarfimmi siunissami ineriartortitsinissamut sunneeqataarusukkuit taava immaqa atorfik ilinnut naleqquppoq?

Naatsorsuutigaarput:

  • Peqqissutsimut assistentitut ilinniagaqarsimasutit, assingusumilluunniit
  • Marluinnik oqaasilik, kalaallisut/danskisut piumaneqarneruvoq
  • Suliatigut inissilluarsimasoq sullissinermillu misilittagartuujusutit
  • Akisussaassutsimik ilisimaarinnilluartoq
  • Assigiinngitsunik sulialinnik suleqatiginnilluarsinnaasoq
  • Allanngorarnernut maleruussinnaasoq piumassuseqartorlu
  • Utoqqaat pillugit suliassaqarfimmik kajungertoq soqutiginnittorlu
  • Ilinniartitsinermut peqataallutillu ingerlatsisuunissat
  • Pitsaasumik, nutaaliornermik, isumassarsiorfiusussamik inerisaanermillu avatangiiseqartitseqataarusuttutit.

Neqeroorutigaavut:

  • Saqqummiineq
  • Tatiginninneq
  • Akisussaaffik
  • Assigiinngitsunik sulialinnik suleqateqarneq suliassaqartuaannarnerlu, ineqartut suleqatitsialaallu peqatigalugit.
  • Najugaqartut sulisullu qiimasut
  • Avatangiiserissaarneq
  • Pinngortitaq tupinnartoq
  • Pingaarnertut ullukkut unnuakkullu suliffiit.

Pineqaatinneqarsimannginnermut uppernarsaat:
Atorfik taanna pineqaatinneqarsimannginnermutuppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq.

Taamaattumik malugeqqussavarput Politiniit pineqaatinneqarsimannginnermutuppernarsaat pissarsereerpat atorfinitsitineq aatsaat pisinnaavoq pineqaatinneqarsimannginnermutallagartat naammaginartutut isigineqarpat.

Akissaatinut atorfinitsitaanermullu tunngatillugit atugassarititaasut:
Naalakkersuisut kattuffiullu allap isumaqatiginninniarsinnaatitaasup, Namminersorlutik Oqartussat aamma Peqqinnissamut Ikiortit Peqatigiiffiat isumaqatigiissutaat atuuttoq naapertorlugu akissarsiaqartitsisoqarlunilu atorfinitsitsisoqassaaq. 

Atorfinitsitsineq qaammatini pingasuni siullerni misiliummik atorfinitsitsisoqassaaq.

Inissaq
Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl

Erseqqissaatigineqassaaq atorfinitsinneqarnerup uppernarsarneqarnerata kinguninnguatigut ingerlaannartumik initaarnissaq pisinnaanngimmat, aatsaalli inissaq pissarsiarineqarpat nuuttoqarsinnaalluni/ atorfinittoqarsinnaalluni. Malittarisassat atuuttut malillugit atorfininnermi angalanermut akiliussisoqassaaq aamma pequtit assartorneqarnerat akilerneqassaaq.

Qinnuteqaat:
Qinnuteqaatip ilisarnaataata atorfiup normua 168/17, aamma ilinniagaqarsimaneq siornatigullu sulisimanermik pillugit paasissutissartalik, soraarummersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimmit tiguneqareersimassaaq.

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassitsissuutit nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

Qinuteqaat tunniunneqassaaq kingusinnerpaamik: 18. april 2017
Atorfininneq: Isumaqatigiinnikkut
Akunnerit suliffiit: Ulloq naallugu
Suliffik: Tasiilaq
Paasissutissat allat uani piniarneqarsinnaapput: Karen Poulsen
Nittartagaq: http://www.sermersooq.gl
Qinnuteqaat nassiutiguk