Skip to main content
104

Dette jobopslag er udløbet

Tasiilami inuusuttut kulturikkut illorsuassaannut Pisortaq / Atorfiup nr. 577/16

Tasiilami inuusuttut kulturikkut illorsuannut pisortaq       

Tasiilami inuusuttut kulturikkut illorsuannut nutaamut aallartitsinissannut sapiissuseqarpit? Illit inuttut akuliutitsisuuvit, suliamik naammasseerusuttoq kiisalu nikerarsinnaanermik piginnaassusilik, taamaappat immaqa tassa illit ujaritsigit. Kommuneqarfik Sermersooq Tasiilami inuusuttut kulturikkut illorsuannut nutaatut atulersumut pisortamik pissarsiorpoq.

Pisortaq Tasiilami inuusuttut qanimut suleqatiginerini illup ineriartortinnissaanut siuttuusussaavoq. Pisortatut pingaartuuvoq, inuusuttunik pitsaasumik atassuteqarnissat, pisariaqartitaannik passinnissinnaanissat kiisalu sungiussiasuusutit.

Tasiilami inuusuttut kulturikkut illorsuanni pisortatut, kulturimut immikkoortumi pisortamik qullersaqassaatit, pilersitsinermik ilinniartitsisunik, pisariaqartitsineq illumilu sammisat malillugit sulisussarsiarineqartunut pisortatut akisussaasuussallutit.  

Akisussaaffigilissavatit:

-          Sannaviit aallartisarneri ingerlatsinerlu; mersortarfik qalipaanermilu nutaaliorluni pilersitanik sannavik kiisalu sannaviit allat, soorlu qitinneq kiisalu pissanganartuliamik isiginnaagassiornermi ilinniartitsinermut, taakku pilersinnissaat periarfissaqalissaaq init qulliit sanaqqinneqarsimalerpata.
-          Atortussanik pisiniarneq.
-          Atuisut akornanni ataqqinninnerup, suleqatigiinnerup tatiginninnerullu qulakkeernissaa.
-          Atuisartut siunnersuisoqatigiivi iluamik ingerlasut, internetcafémik ingerlatsisussat kiisalu filmertarfik, isumaginninnikkut aningaasaqarnikkullu sulliviusussap, periaffissaannik pilersitsineq.
-          Illoqarfimmik ataatsimiititap lokalradiomik ingerlatsisinnaasup, illup sanaqqinnerata kingorna, periarfissaanik pilersitsineq.
-          Atuisunut illumi ataavartumik pisoqartitsinerit qulakkeernissaat.
-          Tasiilami innuttaasunut allanut inuusuttut saqqummersitsinissaat isiginnaartitsinissaallu qulakkiissallugit.
-          Aningaasaateqarfinnut qinnuteqaatit ataavartinnerisigut aningaasaliinerup qulakkeernissaa.
-          Inuusuttut kulturikkut illorsuata missingersuutaanik akisussaasuuneq.

Naatsorsuutigaarput illit:

-          Maligassiuisoq – siuttuujuaannartoq (pingaartumik suliniutit nutaat tungaanni pissutigalugu assartuinermi pissutsit).
-          Ineriartortitsinermut sammivilik inuusuttullu pisinnaasaannut piginnaaneqarnerinullu periarfissanik takunnissinnaasoq.
-          Nutaaliorsinnaasoq pissutsinullu toqqammavigineqarsinnaasoq.
-          Akaarinnittoq ataqqinnittorlu.
-          Inuusuttut naligalugit isigisassagitit inuusuttullu ilagalugit illup pilersinnissaa pingaartissagit.
-          Allaffissornikkut, sannaviit aqunnerisigut aningaasaqarnikkullu aaqqissuussisinnaasuusutit.

Atuisartut siunnersuisoqatigiivi illorsuarmut kattutitinneqassapput. Inuusuttut namminneq atuisartut siunnersuisoqatigiivinik toqqaassapput namminnerlu ataatsimiinnitik ingerlatissallugit. Taakku illup sanaqqinnerata kingorna cafemik filmertarfimmillu ingerlatsinermi isumaginninnikkut aningaasaqarnikkullu sulliviusussaq ingerlatissavaat. Tassanngaaniit isertitat atorneqassapput inuusuttut susassaqarfiinut, namminerlu isertitatut isigineqassanatik.

Soqutiginnilersissimagutsigit, Tasiilami inuusuttut kulturikkut illorsuaannut pilersaarutaajumaartut pillugit paasissutissat allat erseqqissarnissaannut kulturimut immikkoortortap pisortaanut, Julie Lynge-mut, jufu@sermersooq.glsaaffiginninnissannut tikilluaqqusaavutit.

Pinerliisimannginnermut uppernarsaat: 
Atorfik taanna pinerliisimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Inatsit naapertorlugu kommune pinerliisimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik malugeqqussavarput kommune Politiinit pinerliisimannginnermut uppernarsaat aatsaat tiguppagu atorfiniffiusussaq isumaqatigiissutigineqarsinnaammat.

Akissaatinut atorfinitsitaanermullu tunngatillugit atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit.

Atorfinititsineq qaammatini pingasuni misiliutitaqassaaq.

Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl

Atorfiniffissaq ullulerneqassaaq suliffimmut atasumik inissaqartitsisoqarnera apeqqutaatillugu. Inatsisit atuuttut naapertorlugit atorfininnermut atatillugu angalaneq pisattanillu nassiussineq akilerneqassapput.

Qinnuteqaat:
Qinnuteqaatip ilisarnaataata Job nr. 577/16, aamma ilinniagaqarsimaneq siornatigullu sulisimanermik pillugit paasissutissartalik, soraarummersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimmit tiguneqareersimassaaq.

Imatut qinnuteqaateqassaatit:                                                                                       
Atorfik qinnuteqarfigerusutat takugukku, uagutsinnut qinnuteqaammik nassitsissuutit nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

Qinuteqaat tunniunneqassaaq kingusinnerpaamik: 20. januar 2017
Atorfininneq: Isumaqatigiinnikkut
Akunnerit suliffiit: Ulloq naallugu
Suliffik: Tasiilaq
Paasissutissat allat uani piniarneqarsinnaapput: Julie Lynge
Telefon: +299 367170
Mobil: +299 522849
Nittartagaq: http://www.sermersooq.gl
Qinnuteqaat nassiutiguk