Skip to main content
91

Dette jobopslag er udløbet

Pilersaarusiornermut aqutsisoq/sanatitsisoq Sanaartugassanut Immikkoortortamut/ Atorfik nr. 132/17

Kommuneqarfik Sermersooq bygningskontruktørimik illussanik titartaasartumik imaluunniit ingeniørimik pikkorissumik pimoorussisumillu Sanaartugassanut immikkoortortamut, Sanarfinermut Avatangiisinullu Ingerlatsivimmut pissarsiorpoq, atorfininneq pissaaq 01.05.2017 imaluunniit isumaqatigiissuteqarnikkut.

SAI-p Nuummi kommunip sanaartugassanut pilersaarutai pillugit sanatitsineq isumagaa. Pilersaarusiornerit ilagaat sanaartorfigissaaneq, nutaanik illuliortiterneq kiisalu illunik atareersunik minnerusumik nutarterineq. Suliffik Nuummi illoqarfiup qeqqani kommunip allaffiani inissisimavoq.
Sanaartugassanut immikkoortortaq massakkut qulingiluanik sulisoqarpoq sanaartugassanullu pisortaqarluni.
Atorfik piffissaq tamakkerlugu atorfiuvoq, Sanarfinermut Avatangiisinullu Ingerlatsivimmi sanaartugassanut pisortamit innersuussaalluni.

Nuuk illoqarfiuvoq ineriartupiloorfiusoq, ingammik sanaartornikkut annertuumik ineriartortoqarluni.

Atorfimmi suliassat:
Pilersaarusiornermut aqutsisumik/sanatitsisumik pissarsiorpugut kommunip sanaartugassanut immikkoortortaani suleqataasussamik, suliassaasalu ilagissavaat:

  • Sanaartugassaqartillugu sanatitsisutut suliaqarneq
  • Sanaartornermi naatsorsuutinik suliaqartoq akisussaasorlu
  • Nutartigassat
  • Suliassat takkussortut

Sanaartugassanut immikkoortortami sulisut allat ingerlatsivimmilu immikkoortortat allat qanimut suleqatiginerisigut suliassat naammassineqartassapput.

Qinnuteqartunit naatsorsuutigisat:

  • Bygningskonstruktøritut illussanik titartaasartutut imaluunniit ingeniøritut nangitsillutit ilinniagaqarsimasuussasutit
  • Pilersaarusiornermi aqutsisutut aamma/imaluunniit sanatitsisutut misilittagaqartuussasutit
  • Sanaartornermi teknikkimut tunngasunik annertuumik aningaasaqarnermullu piginnaasaqartuussasutit

Aammattaaq pingaartipparput:

  • Ataatsimoortumik takunnissinnaanerit annaanagu arlalinnik ataatsikkut suliaqarsinnaasutit
  • Erseqqarissumik ersarissumillu allagarsornikkut oqaloqatigiinnikkullu atassuteqarsinnaassasutit
  • Nammineerluarsinnaassuseqassasutit, qiimasuussasutit, pimoorussisuussasutit akisussaassusermillu pingaartitsissasutit
  • Suliassanut eqaatsumik allanngueriataarsinnaanermut piareersimasassasutit
  • Ilutsinni aaqqissuussinermik ineriartortitseqataajuartuusutit pitsanngorsaaqataajuartuusutillu
  • Suliat akimorlugit suleqatiginnissinnaalluartutit
  • IT-mik atuisinnaalluartuusutit, pingaartumik Office-pakkemik
  • Kalaallisut qallunaatullu oqaaseqartuusutit

Neqeroorutigaavut:

  • Ingerlatsivik ineriartupiloortoq
  • Sanaartugassanut immikkoortortaq ineriartupiloortoq
  • Immikkoortortaq pissanganartunik taartigiiaartunillu suliassalik
  • Immikkoortortaq suleqatigiinnermi akaareqatigiilluarnermik suleqatigiilluarnermillu ilalik

Akissarsiaqarnermut atorfinitsitaanermilu atugassarititat:
Kalaallit Nunaanni Naalakkersuisut aamma Kattuffiup allap isumaqatiginniarsinnaatitaasup isumaqatigiissutaat atuuttoq malillugu akissaasersuisoqarlunilu atorfinitsitsisoqassaaq.

Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl

Erseqqissaatigineqassaaq atorfinitsinneqarnerup uppernarsarneqarnerata kinguninnguatigut ingerlaannartumik initaarnissaq pisinnaanngimmat, aatsaalli inissaq pissarsiarineqarpat nuuttoqarsinnaalluni/ atorfinittoqarsinnaalluni. Malittarisassat atuuttut malillugit atorfininnermi angalanermut akiliussisoqassaaq aamma pequtit assartorneqarnerat akilerneqassaaq.

Qinnuteqaat:
Qinnuteqaat Atorfik nr. 132/17-imik ilisarnaasigaq, ilinniagarisimasanik siusinnerusukkullu atorfigisimasanik kiisalu ilinniagarisimasannut uppernarsaatit oqaaseqaatillu ilanngullugit, qinnuteqarnissamut ulloq killiliussaq nallertinnagu Sulisoqarnermut Immikkoortortap tigoreersimassavai ulloq 24. marts 2017.

Ima qinnuteqassaatit:
Qinnuteqaatit elektroniskiusumik nassiussat orniginartinneqarnerupput, quppernerup matuma naqqani innersuussakkut, tassungalu qinnuteqaatit, ilinniagaqarsimaninnnut uppernarsaatit CV-llu kakkigussinnaavatit.

Paasissutissat amerlanerusut:
Atorfimmut kommunilu pillugu erseqqinnerusumik paasissutissat uannga pineqarsinnaapput: Sanaartornermut Pisortaq Rudi Birkedal E-mail: rubi@sermersooq.gl imaluunniit oqarasuaat +299 36 74 10

Qinuteqaat tunniunneqassaaq kingusinnerpaamik: 24. marts 2017
Atorfininneq: 1. maj 2017 imal. isumaqatigiinnikkut
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Anlægschef Rudi Birkedal
Telefon: +299 36 74 10
Nittartagaq: http://www.sermersooq.gl