Skip to main content
111

Dette jobopslag er udløbet

Perorsaanermi siunnersortimik pissarsiorpoq / Atorfiup normua 331/18

Tatiginartuuit, allannguiumasoq aamma unammilligassat aaqqiffigiumallugit sulisartoq? Taava Kommuneqarfik Sermersooq suliffigilluarsinnaassavat.

Uummaarissuuit, akuersaartuuit pitsaasumillu isiginnittaaseqarlutit, inuk qaffasissumik inernilinnik naammassillugit suliaqarsinnaasoq? Taava immaqa illit tassaavutit suleqatissarput. Kommuneqarfik Sermersooq Meeqqanut Ilaqutariinnullu ingerlatsivimmi Peqqinnissamut Sunngiffimmullu immikkoortortaqarfik uummaarissumik nutaanillu isumaliortaaseqartumik suleqatissarsiorpoq, immikkoortortaqarfik sunngiffimmi atuartitsinermik aamma meeqqanut inuusuttunullu aaqqissuussanik ataqatigiissaarinermik, soorlu aasaanerani atuanngiffimmi aaqqissuussanik ataqatigiissaarinermik suliaqarnerani suleqataasussamik pissarsiorpoq.

Innuttaasunut, ingammik meeqqat inuusuttullu eqqarsaatigalugit sunngiffimmi sammisassanut periarfissanik pilersitsineq nuannarilluinnarukku, taava Kommuneqarfik Sermersuup perorsaanermi siunnersortitut atorfimmik pissanganartumik ingerlaavartumillu ineriartorfiusumik neqeroorfigivaatit.  

Peqqinnissaq Sunngiffimmullu immikkoortortaqarfik uummaarissumik suliffiuvoq ingerlalluartoq ineriartortorlu, kommunimi innuttaasunut pitsaasunik periarfissanik neqerooruteqartartoq.

Atorfimmi suliassat:
Kommunimi peqqinnissami sunngiffimmilu suliniutinik eqeersimaartumik pimoorussillutillu, innuttaasut nuannaarutaannik, suliaqartunut suleqatigiinnut akuussaatit. Perorsaanermi siunnersortitut atorfimmut atatillugu eqeersimaartumik suliumatussuseqarluni sunngiffimmi atuartitsinermi periarfissat nutarsaavigineqarnissaat aamma nammineq piumassutsimik iliuuseqarluni suliaqarnermik siuarsaanermik sulisoqassaaq.

Perorsaanermi siunnersortitut akisussaaffigissavatit ukua:

  • Sunngiffimmi atuartitsineq, meeqqanik inersimasunillu
  • Sunngiffimmi atuartitsisut akunnerni sulisimanerisa nalunaarsuutaannik katersineq
  • Sunngiffimmi atuartitsinermi periarfissanik nutaanik pilersitsineq
  • Sunngiffimmi atuartitsinermi perorsaanermik ingerlaavartumik nakkutilliineq
  • Suliniutinik periarfissanik nutaanik pilersitsinermut tunngasunik suliaqarneq. Nammineq piumassutsimik iliuuseqarluni suliniuteqarnermut atatillugu kommunip ikiuutaaffigisartagaanni periarfissanik pilersitsineq
  • Atuarfimmi atuanngiffeqarnermi aaqqissuussanik pilersaarusiorneq aaqqissuinerlu
  • Nittartakkakkut nalunaarsinnaanermik suliaqarneq
  • Suliassat takkussortut suliaralugit

Suleqatinit suliatigut ilitsersuisoqassaaq. Pingaarnerpaassaarli nutarterinermik suliaqarnissamut sapiissuseqarneq.

Qinnuteqartunut ilimagisat:

  • Inunnut allanut attaveqallaqqissaatit  
  • Ilinniartitsisutut ilinniagaqarputit 
  • Inuppassuit saavani oqalugiarneq sungiusimavat

Aamma uku pingaartippavut:

  • Uummaarissuuvutit, qiimasuullutit, suliamik ilisimasaqarluarlutit tunniusimasuullutillu
  • Immikkoortortaqarfimmi persuarsiorfiunngitsumi qiimaffiusumilu sulinissat iluarivat
  • Allanngortitsineq pillugu inunnut paasissutissiisinnaaneq/sulissussineq
  • Aporfiusut pinnagit periarfissat tappiffigaatit, iliuuseqarfigisinnaallugillu
  • Suleqateqallaqqissuuvutit – nalunngilat ataatsimoorluni angusat pitsaanerpaasartut
  • Akisussaassusermik pingaartitsisuuvutit, suliatillu naammassinissaata tungaanut suliarisarpatit
  • Unammillernartut aaqqiiviginissaat sulissutigisarpat, allanngortitsinermillu sulissutiginnikkusuttuuvutit
  • Ilungersorlutit sulisarputit, nalunngilallu suut tamarmik namminneq aaqqinneq ajortut
  • Kalaallisut qallunaatullu oqaaseqarputit

Neqeroorutigaavut:
Suliffeqarfimmi ineriartorfiusumi allanngoriartortumilu atorfik unammillernartulik annertuumillu sunniuteqarfigisinnaasaq. Atorfimmut suliffimmullu tunngatillugu sulilernermi ilitsersuineq siunnersuinerlu pingaartipparput, aamma suliffimmi pitsaasumik suleqatigiinneq pisortanillu qanimut siunersiueqateqarsinnaanerup qulakkeernissaa pingaartitaraarput, aamma nammineq pilersitsiniarneq nutaaliorsinnaanerlu ilanngullugit eqqarsaatigalugit.

Pineqaatissinneqarsimannginnermut uppernarsaat: 
Atorfik taanna pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Inatsit naapertorlugu kommune pineqaatissinneqarsimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik malugeqqussavarput kommune Politiinit pineqaatissinneqarsimannginnermut uppernarsaat aatsaat tiguppagu atorfiniffiusussaq isumaqatigiissutigineqarsinnaammat.

Akissaatinut atorfinitsitaanermullu tunngatillugit atugassarititat:
Akissarsiaqarnermut atorfinitsitaanermullu atugassarititaasut Namminersorlutik Oqartussat IMAK-illu isumaqatigiissutaat atuuttut malillugit. Atorfik una maanna akissarsiaqarnikkut atorfinitsitaanermullu atugassarititaasutigut piukkunnarsarniarneqarpoq, taassumalu tungaanut utaqqiisaasumik akissarsiaqartitsisoqassaaq. 

Atorfinititsineq qaammatini pingasuni misiliutitaqassaaq.

Atorfimmut atatillugu inissiamik innersuussisoqarsinnaanngilaq.

Qinnuteqaat:
Qinnuteqaatip ilisarnaataata Job nr. 331/18, aamma ilinniagaqarsimaneq siornatigullu sulisimanermik pillugit paasissutissartalik, soraarummersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimit tiguneqareersimassaaq.

Imatut qinnuteqaateqassaatit:                    
Atorfik qinnuteqarfigerusutat takugukku, uagutsinnut qinnuteqaammik nassitsissuutit nittartagarput aqqutigalugu.
Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

Qinuteqaat tunniunneqassaaq kingusinnerpaamik: 07. juni 2018
Atorfininneq: Isumaqatigiinnikkut
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Akannguaq Lennert
Telefon: +299 36 75 07
Nittartagaq: http://www.sermersooq.gl
Qinnuteqaat nassiutiguk