Skip to main content
85

Dette jobopslag er udløbet

Pakkutaq Innarluutilinnut Inuusunnerusunut Immikkoortortamut peqqissaasussarsiorput / Atorfiup normua. 508/18

Kommuneqarfik Sermersooq pikkorissumik pimoorussisumillu Ippiarsummi innarluutilinnut inuusunnerusunut immikkoortortamut peqqissaasumik pissarsiorpoq isumaqatigiissuteqarnikkut atorfinittussamik, imaluunniit tamatuma kingorna piaartumik

Innarluutillit aamma inooqatigiinnikkut tarnikkut suliassaqarfiit iluanni sulineq nuannaraajuk, aamma namminersorlutit suliassaqarfiillu akimorlugit suleqatigiilluni sulineq nuannaraajuk, taava illit inuttut periarfissat killiliinngitsut takusinnaavatit, aamma ineriartorneq suleqatigiinnerlu eqqarsaatigigukkit immaqa illit ujarpatsigit. 

Ippiarsummi Innarluutilinnut Inuusunnerusunut Immikkoortortaq, innuttaasut annertuumik innarluutillit ataasiakkaat tarnikkut, timikkut inooqataanikkullu piginnaasatigut attassiinnarnissamut, pitsanngorsaanissamut ineriartortitsinissamullu pisariaqartitsinermut sullissisuuvoq. Tapersersuinermi tassani pingaartinneqarpoq innuttaasup kinaassutsiminik, imminut naleqartinnerminik aamma inuunermik nuannarisaqarneranik attassiinnarnissaq ineriartortitsinissarlu, kiisalu inooqatigiinnermi pitsaasumik inooqataasinnaaneranut, attaveqaqateqarsinnaaneranut tapersersuineq taamatullu nammineq inuunerminik annerpaamik oqartussaaqataanermik misigisimanissaa.

Immikkoortortaq 2015-imeersuusoq, pinngortitami kusanarluinnartumi inissisimasoq, atortunik aamma ikiuutinik nutaalianik tamanik peqarluni. Immikkoortortaq ulloq unnuarlu inuttaligaavoq, sapaatillu akunnerata naanerani sulisarnissaq naatsorsuutigineqassaaq.

Atorfiup akisussaaffiillu imaat.:

  • Immikkoortortami peqqissaasutut akisussaaffeqassaatit.
  • Immikkoortortami pingaarnertut nakorsaatit akisussaaffigissavatit.
  • Tapersersuineq, piumassuseqalersitsinissaq, aamma innuttaasut katsorsaanermi pilersaarutaat aallaavigalugit ilitsersornissaat, taamaalillutik pineqartut inuunerat sapinngisaq tamaat nalinginnaasumik ingerlanissaa  qulakkeerneqassammat.
  • Immikkoortortami suleqatinnut atatillugu ilitsersorneqarnissaat, ilinniartinneqarnissaat, aamma innuttaasut attassiinnarnissaasa peqqissaasumillu nakkutigineqarnissaasa qulakkeernissaat akisussaaffigissavat, aamma katsorsaanermi  pilersaarutaat, kiisalu paaqqutarinninnermi katsorsaanermilu ilisimasanik tunioraaneq.
  • Immikkoortortami innarluutillinnut inuusunnerusuni peqqissaasutut suliat ineriartortinnissaasa aamma attatiinnarnissaasa qulakkeernissaat .
  • Innuttaasumik nakkutiginninneq, nakkutiginninnermillu katsorsaasutut akisussaasunut attuumassuteqartunut ingerlatitseqqiineq

 

Immikkoortortami peqqissaasutut suliassatit ilaatigut ukuupput:

  • Innuttaasumut pingaarnertut attaveqaataaneq, aamma ulluinnarni pisortaq peqatigalugu iliuusissatut pilersaarut malillugu sulinerup aamma suliat allaaserineqarnerisa ingerlanneqarnissaanut akisussaaneq.
  • Innuttaasup nakorsaatinik katsorsarneqarnerata iliuusissatut pilersaarutaani attatiinnarnissaanut piumassuseqalersinnissaa aamma ilitsersornissaa.
  • Innuttaasumut atatillugu katsorsarneqarneranut perorsaanikkullu iliuusissatut pilersaarummut atatillugu ataatsimiinnissanut assigiinngitsunut attuumassutilinnut innuttaasoq peqatigalugu ataatsimiittarnissaq.
  • Suliani assigiinngitsuni suleqatigiinnik suleqateqarneq, piviusunngortitsinermut attassiinnarnissamullu akisussaaqataaneq, aamma katsorsaanermut, perorsaanikkut iliuusissatut pilersaarummi malinnaaneq, aamma sammisassatigut pilersaarutini.
  • Oqaatigineqartut, kissaatigineqartut isumassarsiallu tusaaneqarnissaat tassanngaanniillu sullitat aallartitsinissaat pisariaqartumik tapersersussallugit.
  • Innuttaasumut attuumassuteqartunik paasissutissanik ingerlatitseqqiisarnerit, aamma paasissutissat paasilluarneqarnissaannik qulakkeerinissaq.
  • Innuttaasup qanigisaanut ikinngutaanullu attaveqarnerata attatiinnarnissaanut tapersersornissaa, il.il.
  • Suliani assigiinngitsuni suleqatigiinni ataatsimiinnernut innuttaasunut attuumassuteqartunut peqataasarnissaq, kiisalu nalunaarutit killiffiinik suliaqarneq.

Naatsorsuutigaarput illit:

  • Peqqissaasutut ilinniarsimasuusutit, innarluutillit iluanni aamma inooqatigiinnikkut tarnikkut sulinermik misilittagaqartuusutit.
  • Suleqateqarsinnaassuseqarluartutit, nammineersinnaassuseqarlutit ajornartorsiutinillu aaqqiisinnaassuseqartutit kiisalu assigiinngitsunik suliallit suleqatigalugit sulisinnaassuseqartutit
  • Tamakiisumik malinnaasinnaassuseqartutit, suliassanik pingaarnersiuisinnaasutit, aamma ilusilimmik sulisinnaasutit.
  • Ineriartortitsinissamut aallartitsisinnaassuseqartutit nutaamillu eqqarsarsinnaassuseqarlutit
  • Isumalluartuusutit nuannaartuusutillu
  • Aalajaatsuunissat, pitsaassutsimik ilisimasaqarluartuunissat ataasiakkaanullu maluginiaasinnaanissat
  • Ataatsimoortumik takunnissinnaanerit attatiinnarlugu arlalinnik ataatsikkut suliaqarsinnaanissat
  • Allattariarsornermi oqaluttariarsornermilu ersarissumik paatsuugassaanngitsumillu attaveqartartuusutit
  • Nammineersinnaassuseqarlutit, akisussaaffeqarlutit sullisserusussuseqarlutillu sulisinnaanissat
  • Suliassanut aamma suliassanik agguataarinernik ingerlaavartumik iluarsiissuteqarnissamut eqaatsumik allanngueriataarsinnaassuseqassasutit
  • Ulluinnarni ulapaarfiusuni ukkassillutit aaqqissuisinnaassuseqarlutit sulisinnaasutit
  • Tatituujusutit, aallarnisaasinnaasutit, nukissaqartuusutit iliuuseqarnissannullu piumassuseqarluartuusutit
  • Suliassatta ingerlanneqarnerini ingerlaavartumik ineriartortitsinermut pitsanngorsaanermullu suleqataassasutit
  • Kisitsisilerillaqqissuussasutit
  • Arlalippassuarnik suleqateqallaqqissuusutit
  • Qinnuteqartut marluinnik oqaasillit (kal/dk) atorfinitsinnissaat orniginartinneqarpoq.

Neqeroorutigaavut:

Suliffik pissanganartoq unammillernartunillu suliassartalik, imarisassaanik nammineq sunniuteqarfigineqarsinnaasoq, suliffeqarfimmilu angisuumi ineriartortinneqartuartumi allanngorartuartumilu annertuumik akisussaassuseqarfiusoq. Pitsaasumik suleqatigiittoqarnissaa anguniartuarparput, aqutsisut akornanni qanimut immersoqatigiiffiusoq, kiisalu aallartitsinissamut nutaaliornissamullu aamma assigiinngitsunik suliaqarnissamut inissaqartitsiffiusoq.

Innarluutilinnut isumaginniffik socialpsykiatrillu iluani isumassarsianik ineriartortitsinermullu suliniutinik ingerlaavaartumik suliaqartarpoq, tamatumalu ataani suleqatinik pikkorissunik tunniusimasunillu suleqateqarlutit suliffeqarnissat neqeroorutigisinnaavarput.

Suliassat sumiiffimmi pisortaq sulisullu allat qanimut suleqatigalugit ingerlanneqartarput.

Pineqaatissinneqarsimannginnermut uppernarsaat:
Atorfik taanna pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Inatsit naapertorlugu kommune pineqaatissinneqarsimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik malugeqqussavarput kommune Politiinit pineqaatissinneqarsimannginnermut uppernarsaat aatsaat tiguppagu atorfiniffiusussaq isumaqatigiissutigineqarsinnaammat.

Akissaatinut atorfinitsitaanermullu tunngatillugit atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussat, PPK-llu isumaqatigiissutaat atuuttoq, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit.

Atorfinititsineq qaammatini pingasuni misiliutitaqassaaq.

Inissaq:

Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl

Atorfiniffissaq ullulerneqassaaq suliffimmut atasumik inissaqartitsisoqarnera apeqqutaatillugu. Inatsisit atuuttut naapertorlugit atorfininnermut atatillugu angalaneq pisattanillu nassiussineq akilerneqassapput.

Qinnuteqaat:
Qinnuteqaatip ilisarnaataata normua. 508/18, aamma ilinniagaqarsimaneq siornatigullu sulisimanermik pillugit paasissutissartalik, soraarummersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimit tiguneqareersimassaaq.

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassitsissuutit nittartagarput aqqutigalugu.
Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

Qinuteqaat tunniunneqassaaq kingusinnerpaamik: 30. juli 2018
Atorfininneq: Isumaqatigiinnikkut
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Tina Bøgh Hedegaard
Telefon: +299 366087
Nittartagaq: http://www.sermersooq.gl
Qinnuteqaat nassiutiguk