Skip to main content
93

Paamiuni Mariaq pisortamik pissarsiorpoq / Atorfiup normua 427/18

Suliffissanut, ilitsersuinernut pikkorissaqqinnernullu qitiusumik ingerlatsivimmi Majoriami Paamiuniittumut qitiusumik ingerlatsivimmi pisortamik Kommuneqarfik Sermersooq pissarsiorpoq, atorfinitsitaaneq pissaaq 1. august 2018, imaluunniit isumaqatigeeqqissaarnerup kingorna.

Atorfik inissisimavoq Kommuneqarfik Sermersuumi, Suliffeqarnermut Isumaginninnermullu Ingerlatsiviup ataani, tassani Suliffeqarnermut pisortaq nalinginnaasumik qaninnertut pisortaalluni.

JVO-p qitiusumik ingerlatsiviata pingaarnertut suliassaa tassaavoq ilinniarfissarsiortunik aallartitsineq, inuussutissarsiornermik ilinniagaqarnermillu ilitsersuussineq, inuusuttunik suliffeqanngitsunillu ilinniakkap ingerlaneranik ingerlaqqikkusuttunik atuagarsornikkut pikkorissaaqqinneq, suliffeqanngitsunik nalunaarsuineq, suliffeqanngitsunik pikkorissaaqqinneq, suliffissamik innersuussineq, suliffeqanngitsunik susassaqartitsineq, suliffinnik attaveqarneq, sulisut avataaneersut atorfinikkusullutik qinnuteqaataat, nuunnissamut ikiorsiissutinik qinnuteqaatit, suliffeqarfiup akiliutaanik qinnuteqaatit, timikkut piginnaanngorsagaaqqinneq, allatut ilinniartitsineq/sungiusaaneq, tassungalu atasumik timikkut piginnaanngorsaqqinnermut ikiuinerit kiisalu tapiissutit suliffimmi sungiusaanermut nikerartumillu suliffimmut piginnaanngorsarneqarnernut, suleqatigiikkaatut immikkoortiterneqarsimasunut, sullissineq kiisalu ilitsersuineq pingajuattullu pikkorissaqqinnermut.

Suliffissanut, ilitsersuisarnernut pikkorissaqqinnernullu qitiusumik ingerlatsiviit pillugit, Inatsisartut inatsisaat nr. 28 ulloq 9. december 2015 malillugu ingerlatsivimmi pisortap qullersatut akisussaaffigisassarai, ingerlatsiviup missingersuutai, ingerlatsineq kiisalu suliassat inaarsarneri.

Akisussaaffeqarfik piginnaatitaaffillu:

  • Suliffissanut, ilitsersuinernut pikkorissaqqinnernullu qitiusumik ingerlatsivimmi Paamiuniittumi qitiusumik ingerlatsivimmi aqutsineq ingerlatsinerlu
  • Suliffeqarfiit eqqarsaatigalugit suliffinnik pissarsiornermi ilungersuussinerup qulakkkeernissaa
  • Suliassaqarfinnii tamani suleqatigiikkaat sullissaqarnerminni suleqatigiinnerisa pitsaanissaat, pilertortuunissaat kiisalu sunniuteqartuunissaat qulakkiissallugu.
  • Sullitaqarnermi ilitsersuinermilu suleqatigiikkaanik suleqateqarluni sunniuteqartumik suliffissarsiuussineq qulakkiissallugu
  • Sullissinermi ilitsersuinermilu suleqatigiikkaanik kiisalu pikkorissaqqinnermi suleqatigiikkaanik suleqateqarnermi ilinniagaqarnissamut sulinissamullu periarfissanik pitsaasumik ilitsersuineq qulakkiissallugu
  • Ilinniagaqaqqinnissamut suleqatigiikkaanik suleqateqarnermi atuagarsornermi atuagarsornerunngitsumilu ilinniagaqaqqinnissamut ilinniartitsinerup pitsaasup qulakkeernissaa
  • Ilinniagaqaqqinnissamut suleqatigiikkaanik suleqateqarnermi suliffeqanngitsut suliamut ilinniagaqaqqinnissaannut neqeroorutit isumaliutigilluakkat kiisalu sullissineq, ilitsersuineq inuussutissarsiornerullu qulakkeernissaat
  • Soqutigisaqaqatigiinnut qanittunut avataaniittunullu paasissutissiinerup qaffasissusaata pitsaasup qulakkeernissaa
  • Politikkikkut naleqqat ineriartortinnissaat upalungaarsarnissaallu qulakkiissallugu
  • Pisortaqatigiinni sulinissaq Suliffeqarnermut pisortamit ilaqarluni ingerlatsiviillu allat pisortai ilagalugit

Suliassat pingaaruteqarnerpaat

  • Suleriaatsit sullissinerillu aaqqissuunneri malittarinissaasalu akisussaaffigineri
  • Nalunaarsuusiornermut nalunaaruteqartuarnissap akisussaaffiginera
  • Missingersuutit missingersuutinillu najoqqutarisaqarnerup kiisalu immikkoortumi naatsorsuutit akisussaaffigineri
  • Aqutsinerup tungaatigut sulisunit ineriartortitsineq isumasioqatigiinnerlu qulakkiissallugit
  • Sulisunit piginnaaneqarnermik ineriartortitsineq qulakkiissallugu
  • Suliffeqarnermut attuumassuteqartut kiisalu ilinniarfiit suleqatigiinnissaat qulakkiissallugu
  • Kommunimi ingerlatsiviit allat suleqatiginissaat
  • Qinikkanit isummerfigisassanik suliaqarnermi peqataaneq

Piginnaasat kinaassuserlu:

Atorfimmut qinnuteqartunit toqqaanermi immikkut pingaartinneqartut,

  • pisortatut misilittagaqartuusutit
  • isumaginninnerup, ilinniagaqarnerup suliffissaqartitsinerullu tungaani inatsisiliornermik ilisimasaqartuussasutit
  • missingersuutit naatsorsuutillu tungaasigut misilittagaqartuussasutit
  • sulianut naleqquttumik ilinniagaqarsimasuussasutit imaluunniit pisortatut ilinniagaqarsimasuussasutit
  • angusaqarusuttuussasutit sunniussinnaassuseqartuusutillu
  • qanoq pisoqarnerani tamani tamakkiisumik nakkutigisaqarsinnaasutit akerleriinnerillu aqullugit
  • aaqqissuussaanermik piginnaasaqartuussasutit
  • pilersitsisinnaasartutit isumassarsititsisuusartutillu
  • inoqatitit ataqqinninnertalimmik isigisassagitit aqutsinermilu nersuerpaluttumik ileqqoqartutit
  • suliffissaqartitsinermi kissaatinik pisariaqartitanillu saqqummiisinnaasutit
  • kalaallisut qallunaatullu oqaatsinut piginnaasaqartuussasutit

Meeqqanik pinerliisimannginnermut aammalu pineqaatissinneqarsimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommune uppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.
Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.

Akissaatinut atorfinitsitaanermullu tunngatillugit atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, imaluunniit allap isumaqatiginninniarsinnaatitaasup isumaqatigiissutaat atuuttut malillugit atorfinititsisoqassaaq.

Atorfinititsineq qaammatini pingasuni misiliutitaqassaaq.

(BOLIG)
Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl

Atorfiniffissaq ullulerneqassaaq suliffimmut atasumik inissaqartitsisoqarnera apeqqutaatillugu. Inatsisit atuuttut naapertorlugit atorfininnermut atatillugu angalaneq pisattanillu nassiussineq akilerneqassapput.

Qinnuteqaat:
Qinnuteqaatip ilisarnaataata Job nr. 427/18, aamma ilinniagaqarsimaneq siornatigullu sulisimanermik pillugit paasissutissartalik, soraarummersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimit tiguneqareersimassaaq.

Imatut qinnuteqaateqassaatit:                             
Atorfik qinnuteqarfigerusutat takugukku, uagutsinnut qinnuteqaammik nassitsissuutit nittartagarput aqqutigalugu.
Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

Qinuteqaat tunniunneqassaaq kingusinnerpaamik: 04. juli 2018
Atorfininneq: Isumaqatigiinnikkut
Akunnerit suliffiit: Ulloq naallugu
Suliffik: Paamiut
Paasissutissat allat uani piniarneqarsinnaapput: Isak Nielsen Kleist
Telefon: +299 368160
Mobil: +299 551949
Nittartagaq: http://www.sermersooq.gl
Qinnuteqaat nassiutiguk