Skip to main content
82

Dette jobopslag er udløbet

Ornittagaq Kammagiit sulisussarsiorpoq ilinniarneq susassaqartitsinerlu qitiutillugit / Atorfiup normua 425/18

Ornittagaq Kammagiit tunniusimasumik isumassarsiullaqqissumillu sulisussarsiorpoq  atuisunut attassisinnaanermik periusissiassamut  akisussaasuusussamik, ilinniarneq susassaqartitsinerlu qitiutillugit.

Innarluutilinnut tarnikkut nappaatilinnullu Immikkoortortaqarfik ornittakkamut Kammagiinnut sulisussarsiorpoq piaartumik, isumaqatigiissuteqarnikkulluunniit atorfinittussamik.

Ornittakkami Kammagiinni, annertuumik innarluutillit inersimasut sullinneqarput tassa imaappoq, innuttaasut assigiinngitsunik nappaatillit sullinneqartut, maannakkut inuusuttuupput autisme-mik nappaatillit, ADHD-mik kiisalu ineriartornermikkut kinguarsimasut Ornittagaq Kammagiinni atuisuupput.  

Tunngaviusumik 18 - 25-llu akornanni ukioqarput kisianni innuttaasut 25-t qaangerlugit ukiullit inissinneqartarsinnaapput innuttaasumut tamanna tulluarnerusutut nalilerneqarsinnaassappat.

Innarluutilinnut tarnikkut nappaatilinnullu Immikkoortortaqarfimmi suliat allattorsimaffii politikkikkut akuerisat najoqqutaralugit sulivugut, imaapporlu suliat allattorsimaffiini suut sullississutigineqassanersut allattorsimasuutigineqarput.   Immikkoortortani tamani suliassat tamarmik allattorsimaffinnik peqarput. Tassa inuusuttut naleqassutsiminnik aamma ulluinnarni suliassamik naleqassusiannik misigisaqarnissaat aammalu nammineerluni ulluinnarni ajunngitsumik inuuneq qanoq ittuunersoq paasillugu misiligassagaat perorsaanikkut Ornittagaq Kammagiinni siunertarineqarput.

Ilaatigut makkuusut:

  • Nammineq inigisaqarnissamut sungiusarneq, soorlu eqqiaaneq, errorsineq, nerisassiorneq il.il..
  • Inoqatit akornanniissinnaaneq
  • Ilinniartitaanermut sammisaqarnissaannullu tapersersuineq.
  • Sannavimmi neqeroorutit
  • Aneerneq, kulturi pinngortitarlu.
  • Timigissartarfimmi sungiusarneq kiisalu nalunneq
  • ”Ilinniartitaanermut neqeroorut”
  • Unnukkut klubbi

Suliat allattorsimaffii ukiumut ataasiarlugit nutarterneqartarput, ukiullu tamaasa kommunalbestyrelsimit akuersissutigineqartarlutik.

Kammagiinni "ilinniartitaanermut neqeroorummik" suliniutaannik suliaqartussamik suleqatissarsiorpugut. Maani neqeroorutigaarput, atuisup ilikkakkaminnik pikkoriffii ineriartortinnissaat attatiinnarnissaallu ilinniartitaanermi susassaqarnermilu, oqaatigineqarsinnaavoq neqeroorutip imarisaa nalinginnaasumik ilinniartitsinermiik allaanerusunik imaqarmat. 

Atuisuutivut amerlasuut atuarnikuupput, kisianni assigiinngitsunik peqquteqarlutik atuarfik naammassisinnaasimanngilaat.  Atuisut ataasiakkaat qiteritillugit kalaallisut, qallunaatut, tuluttut, uumassusilerineq, inuiaqatigiilerineq ilaalu ilanngullugit sulisinnaasumik suleqatissarsiorpugut, akullerni killiffik qaffasinnerpaaralugu kiisalu atuisut ilikkarusutaannik suliassanik allanik tapersersortitut ilitsersuisutullu sulissaatit, assersuutigalugu sammisassamik illersugaasumik nassaarnissaq, namminneq angallannissaannut ikiuineq, isumaqatigiissusiorneq atuutsinnerilu aamma suliassat allat ataasiakkaaraluni attaveqarmeq annertuumik iluaqutaassaaq.

Ornittakkami Kammagiinni perorsaasutut, innuttaasoq sulisullu sinneri suleqatigalugit ulluinnarni najoqqutassaqartinneqarnissaanut qulakkeerinneqataassaatit, innuttaasoq toqqissimanermik aalajangersimasunillu najoqqutassaqarneranik misigitillugu, nammineq sungiusarnissaminut iliuusissatut pilersaaruteqarfiunera aallaavigalugu, illit ataavartumik nalilersueqataaffigisartagassannik, innuttaasoq suleqatitillu suleqatigalugit.

Perorsaasutut suleqatitut attavigisartakkat, sullissineq pillugu ataatsimiinnerit peqataaffigisassavatit ilanngullugit ataatsimiinnerit attuumassuteqartut allat, taanna pisarpoq innuttaasoq qanigisaalu qanimut suleqatigalugit kiisalu Ornittagaq Kammagiinni sulisut allat

Taamatut ullut 14-nikkaarlugit unnukkut klubbertarput nalunaaqutaq 17-21 tungaanut, tassanilu aamma ilaasassaatit.

Atorfik ulloq naallugu suliffiusarpoq.

Ornittagaq Kammagiit ulluunerani ulluinnakkut nal. 07.30 -miit 17-imut ammasarpoq klubbertoqarnerani nal. 21 tungaanut ammasarluni.

Naatsorsuutigaarput:

  • Inuit annertuumik innarluutillit sullinnissaannut piumassuseqarlutillu sullisserusuttuusutit.
  • Inunnik sullissinermik misilittagaqaruit iluassaaq, annertuumik innarluutilinniusinnaavoq
  • Perorsaanermi ilinniarsimanissat ilinniagarluunniit assigusoq ilinniarsimassagit.
  • Kajumissuseqarlutit inuunermillu pitsaasumik isiginnittaaseqarlutit
  • Namminersorlutit sulisinnaasutit tamatigoortuusutillu
  • Savituujunissat, aallarnisaasinnaasoq qungujunnartunillu nuannarisalik
  • Suleqatigiit amerlanngitsut akornaniissinnaasoq, suleqatigiinneq pingaarnerpaatillugu
  • Malinnaasinnaasoq aamma pisunik paasinnissinnaasoq

Tamatuma saniatigut pingaartipparput:

  • Aalajaatsuunissat, pitsaassutsimik ilisimasaqarluartuunissat ataasiakkaanullu maluginiaasinnaanissat
  • Ataatsimoortumik takunnissinnaanerit attatiinnarlugu arlalinnik ataatsikkut suliaqarsinnaanissat
  • Nammineerlutit sulisinnaasoq, akisussaassuseqartoq sullissilluarusuttorlu
  • Suliassanut aamma suliassanik agguataarinernik ingerlaavartumik iluarsiissuteqarnissamut eqaatsumik allanngueriataarsinnaassuseqartutit
  • Ulluinnarni ulapaarfiusuni ukkassillutit aaqqissuisinnaassuseqarlutit sulisinnaasutit
  • Tatituujusutit, aallarnisaasinnaasutit, nukissaqartutit iliuuseqarnissamullu piumassuseqarluartutit
  • Suliassatta ingerlanneqarnerini ingerlaavartumik ineriartortitsinermut pitsanngorsaanermullu suleqataassasutit
  • Suleqatiginnillaqqittuusutit
  • Qinnuteqartut marluinnik oqaasillit (kal/dk) atorfinitsinnissaat orniginartinneqarpoq.

Neqeroorutigaavut:

  • Suliffik pissanganartoq suliassaqarnartorlu, ullullu assigiinngiiaartut.
  • Suliffeqarfimmi sunniuteqarnissamut periarfissaqartoq suliffeqarfillu ineriartortuarlunilu allanngorartuartoq, innuttaasut pitsaanerpaamik tunniussaqarfiginissaat eqqarsaatigalugit.
  • Atorfimmi sunniuteqarnissamut periarfissaqartoq suliassallu aamma sunniuteqarfigisinnaallugit
  • Suliassaqarfinni assigiinngitsuni sulisunik suleqateqarnerit
  • Suleqatit pikkorissut nuannaartullu, qiimanermik pingaartitsisut
  • Kingullertut minnerunngitsumillu innuttaasut nuannaartut ilakkuminartullu ilinnik tikilluaqqusinissaminnut qilanaartut.

Pineqaatissinneqarsimannginnermut uppernarsaat: 
Atorfik taanna pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Inatsit naapertorlugu kommune pineqaatissinneqarsimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik malugeqqussavarput kommune Politiinit pineqaatissinneqarsimannginnermut uppernarsaat aatsaat tiguppagu atorfiniffiusussaq isumaqatigiissutigineqarsinnaammat.

Akissaatinut atorfinitsitaanermullu tunngatillugit atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, imaluunniit allap isumaqatiginninniarsinnaatitaasup isumaqatigiissutaat atuuttut malillugit atorfinititsisoqassaaq.

Atorfinititsineq qaammatini pingasuni misiliutitaqassaaq.

EJ BOLIG
Atorfimmut atatillugu inissiamik innersuussisoqarsinnaanngilaq. 

Qinnuteqaat:
Qinnuteqaatip ilisarnaataata Job nr. 425/18, aamma ilinniagaqarsimaneq siornatigullu sulisimanermik pillugit paasissutissartalik, soraarummersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimit tiguneqareersimassaaq.

Imatut qinnuteqaateqassaatit:                         
Atorfik qinnuteqarfigerusutat takugukku, uagutsinnut qinnuteqaammik nassitsissuutit nittartagarput aqqutigalugu.
Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

Qinuteqaat tunniunneqassaaq kingusinnerpaamik: 04. juli 2018
Atorfininneq: Isumaqatigiinnikkut
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Susanne K. Christensen
Telefon: +299 36 61 63
Mobil: +299 56 27 61
Nittartagaq: http://www.sermersooq.gl
Qinnuteqaat nassiutiguk