Skip to main content
91

Dette jobopslag er udløbet

Ornittagaq Kammagiit perorsaasumik pissarsiorpoq / Atorfiup normua 423/18

Innarluutilinnut aamma Tarnimikkut Nappaatilinnut Immikkoortortaq ornittakkamut Kammagiinnut perorsaasumik pissarsiorpoq piaartumik, isumaqatigiissuteqarnikkulluunniit atorfinittussamik.

Ornittakkami Kammagiinni, annertuumik innarluutillit inuusunnerit sullitaapput tassa imaappoq innuttaasut assigiinngitsunik nappaataat suussuserneqarsimallutik. Maannakkorpiaq inuit autisme-mik nappaatillit, ADHD-mik kiisalu ineriartornermikkut kinguarsimasut Ornittagaq Kammagiinnit atuisuupput. 

Tunngaviusumik 18 - 25 ukioqarput aamma innuttaasut 25-t qaangerlugit ukiullit inissinneqartarsinnaallutik, innuttaasumut tamanna tulluarnerusutut nalilerneqarsinnaassappat. 

Innarluutillit aamma Tarnimikkut Nappaatillit immikkoortortaani suliat allattorsimaffii politikkikkut akuerisat najoqqutaralugit sulivugut Imaapporlu suliat allattorsimaffiini suut sullississutigineqassanersut suullu sullississutigineqassannginnersut allattorsimasuutigineqarput. Immikkoortortani tamani suliassat tamarmik allattorsimaffinnik peqarput. Tassa inuusuttut naleqassutsiminnik aamma ulluinnarni suliassamik naleqassusiannik misigisaqarnissaat aammalu nammineerluni ulluinnarni ajunngitsumik inuuneq qanoq ittuunersoq paasillugu misiligassagaat perorsaanikkut siunertarineqarput.

Ilaatigut makkuusut:

  • Nammineq inigisaqarnissamut sungiusarneq, soorlu eqqiaaneq, errorsineq, nerisassiorneq il.il..
  • Inoqatit akornanniissinnaaneq
  • Ilinniartitaanermut sammisassaqarnissamullu tapersersuineq
  • Sannavimmi neqeroorutit
  • Silamiinneq, kulturi pinngortitarlu
  • Timigissartarfimmi timikkut sungiusarneq nalunnerlu
  • ”Ilinniartitaanermut neqeroorutit”
  • Unnukkut klubbi

Suliat allattorsimaffii ukiumut ataasiarlugit nutarterneqartarput, ukiullu tamaasa kommunalbestyrelsimit akuersissutigineqartarlutik

Ornittakkami Kammagiinni perorsaasutut, innuttaasoq sulisullu sinneri suleqatigalugit ulluinnarni najoqqutassaqartinneqarnissaanut qulakkeerinneqataassaatit, innuttaasoq toqqissimanermik aalajangersimasunillu najoqqutassaqarneranik misigitillugu, nammineq sungiusarnissaminut iliuusissatut pilersaaruteqarfiunera aallaavigalugu, illit ataavartumik nalilersueqataaffigisartagassannik, innuttaasoq suleqatitillu suleqatigalugit.

Perorsaasutut suleqatitut attavigisartakkat, sullissineq pillugu ataatsimiinnerit peqataaffigisassavatit ilanngullugit ataatsimiinnerit attuumassuteqartut allat, taanna pisarpoq innuttaasoq qanigisaalu qanimut suleqatigalugit kiisalu Ornittagaq Kammagiinni sulisut allat

Taamatuttaaq ullut 14-ikkaarlugit unnukkut klubbertoqartarpoq nalunaaqutaq 17-21 tungaanut, illit perorsaasutut sulisut allat peqatigalugit ilaaffissannik.  Unnukkut klubbertarneq naatsorsuutigineqarpoq aasap kingorna ammaqqissasoq.

Atorfik ulloq naallugu suliffiusarpoq.

Ornittagaq Kammagiit ulluunerani ulluinnakkut nal. 07.30 -miit 17.00-mut ammasarpoq klubbeqartitsinikkut nal. 21.00 tungaanut ammasarluni. 

Naatsorsuutigaarput:

  • Inuit annertuumik innarluutillit sullinnissaannut piumassuseqarlutillu sullisserusuttoq
  • Inunnik sullissinermik misilittagaqaruit iluassaaq, annertuumik innarluutilinniusinnaavoq
  • Perorsaasutut ilinniarsimanissaq
  • Kajumissuseqarlutit inuunermillu pitsaasumik isiginnittaaseqarlutit
  • Namminersorlutit sulisinnaasutit tamatigoortuusutillu isumassarsiullaqqillutillu
  • Savituujunissat, aallarnisaasinnaasoq qungujunnartunillu nuannarisalik
  • Suleqatigiit amerlanngitsut akornaniissinnaasoq, suleqatigiinneq pingaarnerpaatillugu
  • Malinnaasinnaasoq aamma pisunik paasinnissinnaasoq

Tamatuma saniatigut pingaartipparput:

  • Aalajaatsuunissat, pitsaassutsimik ilisimasaqarluartuunissat ataasiakkaanullu maluginiaasinnaanissat
  • Ataatsimoortumik takunnissinnaanerit attatiinnarlugu arlalinnik ataatsikkut suliaqarsinnaanissat
  • Nammineerlutit sulisinnaasoq, akisussaassuseqartoq sullissilluarusuttorlu
  • Suliassanut aamma suliassanik agguataarinernik ingerlaavartumik iluarsiissuteqarnissamut eqaatsumik allanngueriataarsinnaassuseqartutit
  • Eqqarsaatigilluakkamik ilusilimmillu sulinermik piginnaaneqartoq
  • Tatituujusutit, aallarnisaasinnaasutit, nukissaqartutit iliuuseqarnissamullu piumassuseqarluartutit
  • Suliassatta ingerlanneqarnerini ingerlaavartumik ineriartortitsinermut pitsanngorsaanermullu suleqataassasutit
  • Suleqatiginnillaqqittuusutit
  • Qinnuteqartut marluinnik oqaasillit (kal/dk) atorfinitsinnissaat orniginartinneqarpoq.

Neqeroorutigaavut:

  • Suliffik pissanganartoq suliassaqarnartorlu, ullullu assigiinngiiaartut.
  • Suliffeqarfimmi sunniuteqarnissamut periarfissaqartoq suliffeqarfillu ineriartortuarlunilu allanngorartuartoq, innuttaasut pitsaanerpaamik tunniussaqarfiginissaat eqqarsaatigalugit.
  • Atorfimmi sunniuteqarnissamut periarfissaqartoq suliassallu aamma sunniuteqarfigisinnaallugit
  • Suliassaqarfinni assigiinngitsuni sulisunik suleqateqarnerit
  • Suleqatit pikkorissut sulilluartullu
  • Kingullertut minnerunngitsumillu innuttaasut nuannaartut ilakkuminartullu ilinnik tikilluaqqusinissaminnut qilanaartut.

Pineqaatissinneqarsimannginnermut uppernarsaat: 
Atorfik taanna pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Inatsit naapertorlugu kommune pineqaatissinneqarsimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik malugeqqussavarput kommune Politiinit pineqaatissinneqarsimannginnermut uppernarsaat aatsaat tiguppagu atorfiniffiusussaq isumaqatigiissutigineqarsinnaammat.

Akissaatinut atorfinitsitaanermullu tunngatillugit atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, imaluunniit allap isumaqatiginninniarsinnaatitaasup isumaqatigiissutaat atuuttut malillugit atorfinititsisoqassaaq.

EJ BOLIG
Atorfimmut atatillugu inissiamik innersuussisoqarsinnaanngilaq.

Qinnuteqaat:
Qinnuteqaatip ilisarnaataata Job nr. 423/18, aamma ilinniagaqarsimaneq siornatigullu sulisimanermik pillugit paasissutissartalik, soraarummersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimit tiguneqareersimassaaq.

Imatut qinnuteqaateqassaatit:                        
Atorfik qinnuteqarfigerusutat takugukku, uagutsinnut qinnuteqaammik nassitsissuutit nittartagarput aqqutigalugu.
Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

Qinuteqaat tunniunneqassaaq kingusinnerpaamik: 04. juli 2018
Atorfininneq: Isumaqatigiinnikkut
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Susanne K. Christensen
Telefon: +299 36 61 63
Mobil: +299 56 27 61
Nittartagaq: http://www.sermersooq.gl
Qinnuteqaat nassiutiguk