Skip to main content
112

Dette jobopslag er udløbet

Nuussuup Atuarfia atuarfiup pisortaata tullersortissaanik pissarsiorpoq / Atorfiup normua 538/17 Allagarsiuteqqitaq

Kommuneqarfik Sermersuumi Nuussuup Atuarfia Atuarfiup pisortaata tullersortissaanik pissarsiorpoq

Kommuneqarfik Sermersuumi Nuussuup Atuarfia atuarfiup pisortaata tullersortissaanik pissarsiorpoq 1. september 2017 isumaqatigiissuteqarnikkulluunniit sulilersussamik.

Nuussuup Atuarfia 350 miss. atuartoqarpoq, 52-inik ilinniartitsisoqarluni, allaffimmioqarluni,  pedelleqarlunilu.  Atuarfik alloriarfinnut pingasunut agguagaavoq, taakkulu tamarmik immik-kut alloriarfimmi aqutsisoqarput. Saniatigut immikkut annertusisamik atuartitsinermi klassit 9-at atuartuutigaavut.

Nuussuup Atuarfiani atuakkersornikkut pimoorussineq atuartitsinerullu pitsaassusaata qaffasissumik inissisimanissaa pingaartitaraarput, taamatullu aamma mernguernartunik pitsaasumik sammisaqartarneq pingaartilluinnakkatta ilagaat. Aammattaaq suleqatigiissin-naassuseqarneq attaveqarluarsinnaassuseqarnerlu pingaartitaraavut.

Pisortap tullersortaatut suliassat nalinginnaasumik makkuusarput: skemaliorneq, vikarip skemaanik pilersaarusiorneq, budgettilerineq, vikarit akissaarsiassaanik nalunaarsuinerit, skoleintrap ingerlannera, sapaatip akunneranut atuartut suliassaasa ikkunneqartarnerat isumannaassallugu, semesterplanit suliarisimanissaat isumannaassallugit, semesterit naanneri teamsini naliliisarnerit, trintestit piareersarneri ingerlanneri nalilersornerilu, atuartut sinniisuinut attaveqarneq, atuartut ataatsimiisinnerini peqataasarnerit, terminsprøvet aaqqissorneri inger-lanneri nalilersornerilu, allattariarsornermi oqaluttariarsornermi misilitsinnerit aaqqissorneri i-ngerlanneri nalilersornerilu, tammaarsimaarnerit, ilinniartitsinermut atugassanik pisiortorneq, pedelit asaasullu suliaannik nakkutiginninneq, kiisalu atuarfiup missingersuutaanik suliaqarneq, atuarfiup pisortaa peqatigalugu il.il.

Naatsorsuutigaarput:

  • Siunnerfilimmik suleqataalluarsinnaassasutit
  • Akisussaaqataanermik pilersitseqataasinnaasutit
  • Ersarissaaqataaneq sulisut akornanni pisussanik erseqqissaasinnaalluartutit
  • Siumut takorluugaqarsinnaassuseqartutit suleriarsinnaassuseqarluartutillu
  • Takorluugaqarsinnaasutit piviusunngortitsisinnaallutillu
  • Suleqatigiinnissamik soqutiginnittoq
  • Allaffimmi aqutsinermi, ilinniartitsisunut aqutsinermi, sulisunillu aqutsinermi namminersorlutit sulisarnissamut piareersimasutit
  • Atuarfiup immikkoortortaasa ilinniartitsinermi aaqqissuinermilu ineriartortitseqataaffiginissaanut peqataarusuttutit.
  • Saaffigiuminartuusutit tatiginarlutillu, atuartut, ilinniartitsisut angajoqqaallu akornanni ataqatigiinnermik pilersitsisoq.
  • Atuarfiup inatsisaanik, malittsarisassaanik isumaqatigiissutinillu tunngaviusunik sungiussisimanissaq.
  • Office progammit nalinginnaanerit atornissaanik sungiussisimasoq.
  • Programminik TRIO aamma TEA Tabulex-mik atuisinnaasoq ilisimasalilluuniit.
  • Atuakkanik ilinniutissanillu aqutsinissamik pissarsiornissamik agguaanissamillu pikkoriffeqarneq.
  • Ajornanngippat marlunnik oqaaseqartuunissaq (kalaallisut/qallunaattullu).
  • Skoleintralerisinnaaneq

Akissarsiat atorfittaarnermilu piumasaqaatit.

Kalaallit Nunaanni Namminersornerullutik Oqartussani kommunenilu tjenestemandit pillugit Inatsisartut inatsisaat nr. 5, 14. maj 1990-imeersoq tunngavigalugu. Kalaallit Nunaanni Naalakkersuisut IMAK-ip, Kalaallit Nunaanni ilinniartitsisut meeqqat atuarfianeersut qitiusumik kattuffiatalu akornanni isumaqatigiissutit atuuttut malillugit pissaaq.

Takuuk: Aatsaat atorfilittatut atorfeqareeruit atorfilittatut atorfinissinnaavutit.

Aamma takuuk, Kalaallit Nunaanni atuarfiit pillugit nassuiaat, tassunga ilanngullugu atorfeqartitaanermut tunngasut KANUKOKAp nittartagaani (Kalaallit Nunaanni Kommunit Kattuffiat): www.kanukoka.gl/

Atorfimmut inissaqartitsisoqarpoq.

Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl

Atorfiniffissaq ullulerneqassaaq suliffimmut atasumik inissaqartitsisoqarnera apeqqutaatillugu. Inatsisit atuuttut naapertorlugit atorfininnermut atatillugu angalaneq pisattanillu nassiussineq akilerneqassapput.

Pineqaatissinneqarsimannginnermut uppernarsaat:
Atorfik taanna pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Inatsit naapertorlugu kommune pineqaatissinneqarsimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik malugeqqussavarput kommune Politiinit pineqaatissinneqarsimannginnermut uppernarsaat aatsaat tiguppagu atorfiniffiusussaq isumaqatigiissutigineqarsinnaammat.

Qinnuteqaat:
Qinnuteqaat ilisarnaataa Atorfiupnormua. 538/17, aamma ilinniagaqarsimaneq siornatigullu sulisimanermut paasissutissartalik, soraarummeersimanermut uppernarsaatitalik kingusinnerpaamik sisamanngorneq augustip 31-at 2017 Sulisoqarnermut Ingerlatsivimmit HR-afdelingimit tiguneqareersimassaaq.

Imatut qinnuteqassaatit:
Qarasaasiaq aqqutigalugu qinnuteqarnissat kissaatigineqarpoq, quppernermi uani aallerpaami Link aqqutigalugu, tassungalu ilaatillugit qinnuteqaat imminullu ilisaritinnermut tunngasoq (CV).

 

 

Qinuteqaat tunniunneqassaaq kingusinnerpaamik: 29. september 2017
Atorfininneq: Isumaqatigiinnikkut
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Skoleinspektør Janne Kleist Lyberth
Telefon: +299 366400
Nittartagaq: http://www.sermersooq.gl
Qinnuteqaat nassiutiguk