Skip to main content
87

Dette jobopslag er udløbet

Nuummi Piginnaanngorsaqqinnermut neqeroorummut Najugaqatigiiffinnullu immikkoortortaq aqutsisussarsiorpoq / Atorfiup normua 559/18

Innuttaasut annertuumik innarluutillit sullikkusullugit iliuuseqarnikkut allanngueqataarusussuseqarpit, taava Piginnaanngorsaqqinnissamut neqeroorutit Najugaqatigiiffinnullu, Innarluutilinnut tarnikkut nappaatilinnullu Immikkoortortaqarfimmiittumi Nuummiittumi Immikkoortumi aqutsisutut amigaatigaatsigit. Job nr. 559/18

Inunnut innarluutilinnut Tarnimikkullu Nappaatilinnut Immikkoortortaq Piginnaanngorsaqqinnissamut neqeroorutinut Najugaqatigiiffinnullu Nuummiittunut piaarnerpaamik atorfinittussamik isumaqatigiinnikkulluunniit  Immikkoortumut aqutsisussarsiorpoq.

Immikkoortumut aqutsisutut Piginnaanngorsaqqinnissamut neqeroorutit kiisalu Najugaqatigiiffiit Blok 9-201 aamma Nuussuaq 65-101-imiittut ulluinnarni aqunneqarneri ingerlanneqarnerilu akisussaaffigissavatit.

Piginnaanngorsaqqinnermut neqeroorut inunnut annertuumik innarluuteqartunut, innuttaasup naleqqunnerpaamik najugaqalernissaanut inuit akornanniissinnaaneranik piginnaanngorsaqqiffiutigaluni sulisinnaassusianik nalilersuisarfiusoq utaqqiisaasumik najugaqarfiuvoq. Piginnaanngorsaqqinnissamut neqeroorut najugaqartunut arfinilinnut inissaqartitsivoq.

Najugaqatigiiffiit innuttaasunut annertuumik innarluutilinnut, inuunermik inuuniarnermikkut kajumissaagassanik tapersersugassanillu najugaqarfigineqarput.

Najugaqatigiiffimmi Blok 9-201-imi najugaqartut sisamaapput ulloq unnuarlu sulisoqartarluni.

Najugaqatigiiffik Nuussuaq 65-101-imiittoq pingasunik najugaqarfigineqarpoq ullormullu akunnerni arfineq-pingasuni sulisartumik sulisoqarluni.

Innarluutilinnut tarnikkut nappaatilinnullu Immikkoortortaqarfimmi suliat allattorsimaffii politikkikkut akuerisat najoqqutaralugit sulivugut, imaapporlu suliat allattorsimaffiini suut sullississutigineqassanersut allattorsimasuutigineqarput. 

Sulianut allattorsimaffik linkimi uani nassaarineqarsinnaavoq: https://sermersooq.gl/kl/innuttaasunut/isumaginninnermi-suliat-allaaserineqarnerat/

Immikkoortumi aqutsisutut Piginnaanngorsaqqinnissamut neqerooruteqarfiit Najugaqatigiiffinnilu suliassat makkuupput:

  • Ulluinnarni Piginnaanngorsaqqinnissamut neqerooruteqarfiit Najugaqatigiiffiillu aqunnissaat ingerlanneqarnissaallu akisussaaffigalugit.
  • Missingersuutit politikkikkut sinaakkutassat akuersissutigineqarsimasut iluiniinnissaannik akisussaaqataaneq.
  • Anguniagaqartumik ilitsersuineq siunnersuinerlu pillugit akisussaaqataaneq aamma Ornittagaq Kammagiinni sulisut ineriartortinneqarnissaat pikkorissartinneqarnissaallu Immikkoortortaqarfimmi aqutsisoq suleqatigalugu.
  • Sulisunut allanut maligassiuinerit sulisullu sinnerinut aallartitsisutut atuunneq
  • Piginnaanngorsaaqqinnermut Najugaqatigiiffinnullu Immikkoortortaqarfinni sulisunut pissutsinik pitsaasunik qulakkeerinissaq akisussaaffigissavat.
  • Tapersersortinut, Ornittakkanut/Ulluunerani neqeroorutinut, Oqilisaaffinnut, Piginnaanngorsaqqinnissamut Najugaqatigiiffinnullu Immikkoortortaqarfinnut aqutsisooqataaneq.
  • Innarluutilinnut sapaatip akunneqartitsinermut, sap.ak. 41-imut pilersaarusiornermut peqataaneq kiisalu Inunnut innarluutilinnut Tarnimikkullu Nappaatilinnut Immikkoortortami sammisassaqartitsinernut allanut suleqataaneq.

 

Naatsorsuutigaarput, illit:

  • Peqqissaanermut, perorsaanermut pillorissaanermulluunniit tungaasunik ilinniagaqarsimassasutit.
  • Piginnaanngorsaqqiinnermut suliniutinik ilisimasaqartutit.
  • Paaqqinniffinni allani atorfigisimasannit aqutsisutut misilittagaqaruit iluassaaq.
  • Inunnik sullissinermik annertuumik innarluutilinnut misilittagaqaruit iluassaaq.
  • Inuit annertuumik innarluutillit sullikkusullugit iliuuseqarnikkut allanngueqataaffigerusukkitit.
  • Anguniagaqarnissamut akuersaartumik attaveqaqatigiinnermullu pikkorittutit.
  • Perorsaanikkut iliuusissatut pilersaarusiorneq ilisimasaqarfigigit
  • Kajumissuseqarlutit inuunermillu pitsaasumik isiginnittaaseqarlutit
  • Namminersorlutit suleqatit akimorlugit sulisinnaasutit tamatigoortuusutillu
  • Savituujunissat, aallarnisaasinnaasoq qungujunnartunillu nuannarisalik
  • Suleqatigiit amerlanngitsut akornaniissinnaasoq, suleqatigiinneq pingaarnerpaatillugu
  • Malinnaasinnaasoq aamma pisunik paasinnissinnaasoq

 

Tamatuma saniatigut pingaartipparput:

  • Aalajaatsuunissat, pitsaassutsimik ilisimasaqarluartuunissat ataasiakkaanullu maluginiaasinnaanissat
  • Ataatsimoortumik takunnissinnaanerit attatiinnarlugu arlalinnik ataatsikkut suliaqarsinnaanissat
  • Nammineerlutit sulisinnaasoq, akisussaassuseqartoq sullissilluarusuttorlu
  • Suliassanut aamma suliassanik agguataarinernik ingerlaavartumik iluarsiissuteqarnissamut eqaatsumik allanngueriataarsinnaassuseqartutit
  • Ulluinnarni ulapaarfiusuni ukkassillutit aaqqissuisinnaassuseqarlutit sulisinnaasutit
  • Tatituujusutit, aallarnisaasinnaasutit, nukissaqartutit iliuuseqarnissamullu piumassuseqarluartutit
  • Suliassatta ingerlanneqarnerini ingerlaavartumik ineriartortitsinermut pitsanngorsaanermullu suleqataassasutit
  • Suleqatiginnillaqqittuusutit
  • Qinnuteqartut marlunnik oqaasillit (kal/dk) atorfinitsinnissaat orniginartinneqarput.

Neqeroorutigaavut:

  • Suliffik pissanganartoq tamatigoortorlu unammillernartunik amerlasuunik suliassalik namminerlu suliat pillugit sunniuteqarsinnaaneq, ullut assigiinngitsunik misigisaqartitsisut.
  • Suliffeqarfimmi sunniuteqarnissamut periarfissaqartoq suliffeqarfillu ineriartortuarlunilu allanngorartoq, innuttaasut pitsaanerpaamik tunniussaqarfiginissaat eqqarsaatigalugit.
  • Suleqatit pimoorussisut nuannaartullu akornanni suliffeqarfiusoq
  • Atorfik nuannaartunik kajumissusilinnillu atuisortalik ulluinnarni aalajangersimasunik malitassaqarluni sammisassaqartitsinissanillu piumasaqaateqarfiusoq
  • Atorfimmi sunniuteqarnissamut periarfissaqartoq suliassallu aamma sunniuteqarfigisinnaallugit
  • Suliassaqarfinni assigiinngitsuni sulisunik suleqateqarnerit
  • Kingullertut minnerunngitsumillu innuttaasut nuannaartut ilakkuminartullu ilinnik tikilluaqqusinissaminnut qilanaartut.

Atorfik piffissaq tamakkerlugu suliffigineqartassaaq qitiusumillu ulluinnarni nal. 08-16 akornanni sulisoqartassalluni, sulinerilli nalinginnaasut saniatigut aqutsinermut tunngasunik apeqqutissaqartoqaraangat piareersimasutut sulisassaatit.

Immikkoortumi aqutsisutut Piginnaanngorsaqqinnissamut neqerooruteqartarfimmi allaffeqassaatit, Kangillinnguit 4, 3905 Nuussuaq.

Pineqaatissinneqarsimannginnermut uppernarsaat: 
Atorfik taanna pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Inatsit naapertorlugu kommune pineqaatissinneqarsimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik malugeqqussavarput kommune Politiinit pineqaatissinneqarsimannginnermut uppernarsaat aatsaat tiguppagu atorfiniffiusussaq isumaqatigiissutigineqarsinnaammat.

Akissaatinut atorfinitsitaanermullu tunngatillugit atugassarititaasut:
Akissarsiaqarnermut atorfinitsitaanermullu atugassarititaasut, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinititsisoqassaaq.

Atorfinititsineq qaammatini pingasuni misiliutitaqassaaq.

Ineqarneq
Atorfimmut atatillugu inissiamik innersuussisoqarsinnaanngilaq.

Qinnuteqaat:
Qinnuteqaatip ilisarnaataata Job nr. 559/18, aamma ilinniagaqarsimaneq siornatigullu sulisimanermik pillugit paasissutissartalik, soraarummersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimit tiguneqareersimassaaq.

Imatut qinnuteqaateqassaatit:                       
Atorfik qinnuteqarfigerusutat takugukku, uagutsinnut qinnuteqaammik nassitsissuutit nittartagarput aqqutigalugu.
Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

Qinuteqaat tunniunneqassaaq kingusinnerpaamik: 5. september 2018
Atorfininneq: Isumaqatigiinnikkut
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Susanne K. Christensen
Telefon: +299 36 61 63
Mobil: +299 56 27 61
Nittartagaq: http://www.sermersooq.gl
Qinnuteqaat nassiutiguk