Skip to main content
85

Dette jobopslag er udløbet

Nuummi najugaqarfiutigalugu katsorsaasarfimmut ilaqutariinnut siunnersortinik marlunni pissarsiorpoq / Atorfiup normua 296/18

Ilaqutariinnik qajannartunik sullisserusuppit? Aamma attuumassuteqartumik perorsaanermik imaluunniit isumaginninnermik ilinniagaqarpit? Apeqqutit marluk angersinnaagukkit taava immaqa illit ilaqutariinnut siunnersortit marluusussat ilagissavaatsit!

Kommuneqarfik Sermersuumi Meeqqanut, Ilaqutariinnut  Ingerlatsivimmi ilaqutariinnut siunnersortitut atorfinnut marlunnut perorsaasunik, isumaginninnermi ikiortinik assigisaannilluunniit pissarsiortoqarpoq.

Ilaqutariinnut siunnersortit Nuummi Meeqqanut Ilaqutariinnullu Sullissivimmut attuumassuteqalissapput siunnersortillu ilaqutariinnut tarnimikkut ajornartorsiuteqartunut sammitinneqartunik ilaqutariinnik katsorsaanernik aamma isumaginninnermi perorsaanikkut suliniutinik isumaginnittuussapput. Kommuneqarfik Sermersuumi suliassatta pingaarnersaat tassaavoq meeqqanik sumiginnaanernik pitsaaliuissalluta. Aaqqissuussamik tunngaviit aallaavigalugit ilaqutariinnik tamanik akuliutitsilluta aamma tamakku nukissaat ilaqutariinnilu aamma taakku avataanni periarfissat qitiutillugit sulivugut.

Nuummi Meeqqanik Ilaqutariinnillu sullissivimmi ilaqutariinnut siunnersortitut suliffitsinnut patajaatsumut ingerlalluartumullu ilanngutissaatit, tassani sulisut atugaat suliatigullu ineriartortinneqarnerat pingaartinneqartorujussuupput.

Atorfik 1: Ivaamut ilaqutariinnut siunnersorti, siusissukkut suliniutit
Ivaamut ilaqutariinnut siunnersortimik pissarsiorpugut, taanna Siusissukkut Suliniutit ataanni neqeroorutaavoq inuusuttunut, ilaqutariinnut naartusunullu angajoqqaatut piginnaasaqalernissamik piareersarnissamik pisariaqartitsisunut saaffiginnittuusoq. Siusissukkut Suliniutit nuna tamakkerlugu suliniutit ilagaat peqqinnissaqarfiup aamma kommunip suleqatigiinnerannik tunngaveqartoq. Illillu ilaqutariinnut siunnersortitut katsorsaanermik aqutsisoq suleqatillu peqatigalugit Ivaami nutaamik sunneeqataanissannut periarfissaqassaatit.

Atorfik 2: Kusernermut ilaqutariinnut siunnersorti
Kusernermi najugaqarfiutigalugu katsorsaavimmut ilaqutariinnut siunnersortimik pissarsiorpugut. Najugaqarfiutigalugu katsorsaavik ilaqutariinnut meerartalinnut tarnikkut suliassanik paasiuminaatsunik unammillernartunik suliassaqartunut sammitinneqarpoq. Ilaqutariit tassani meeqqat atugaat ineriartornerallu qitiutillugit inuunermik nutaamik aallartitsinissaminnut periarfissarsissapput. Kusernermi ilaqutariinnut siunnersortitut katsorsaanernut aqutsisoq suleqatillu peqatigalugit najugaqarfiutigalugu katsorsaavimi nutaamik sunniuteqarnissamut periarfissaqassaasi.

Suliassaqarfiit:

Ilaqutariinnut siunnersortitut sulinermi suliassat tassaapput

  • Ilaqutariinnik siunnersuinerit katsorsaanerillu
  • Isumassuinerit, attaveqaqatigiinnerit, inissisimaffiit pissutsillu allat tamakkununnga assingusut meeqqap ilaqutariillu atugaannut sunniuteqartut.
  • Ilaqutariinnik suliaqarnerni isumaginninnermi perorsaanikkut suliniutinik suliaqarnerit
  • Ilaqutariinnut pulaartarnerit
  • Ilaqutariinnik oqaloqateqartarnerit
  • Nakkutiginninnerit misissueqqissarinerillu tunngavigalugit assigiinngitsunik suliallit katsorsaanissanik pilersaarusiornerannut peqataanerit
  • Illup iluani avataanilu suleqatigisat assigiinngitsunik suliallit suleqatigiinnerannut peqataanerit
  • Katsorsaasoqatigiinnut tunniussisarnerit suleqataanerillu aamma katsorsaanissamik neqeroorummik ineriartortitsinermut timitaliilluni suleqataaneq

Kikkut uku ujartorivut:

  • Perorsaasutut, allatulluunniit isumaginninnermi suliaqarnissamut ilinniagaqartuuvusi
  • Perorsaasutut aamma / imaluunniit isumaginninnermi suliaqartarnermit attuumassuteqartunik misilittagaqarpusi
  • Namminersorlusi sulisinnaassuseqarpusi
  • Ilusilersuillaqqippusi, ataqatigiissaarillaqqippusi, pilersaarusiullaqqippusi suliassanillu malinnaatitsillaqqillusi
  • Inunnik misiginneqatiginnissinnaassuseqarpusi paasinnissinnaassuseqarlusilu
  • Suleqatiginnissinnaassuseqarpusi naammagittassuseqarlusilu
  • Inunnik pitsaasumik isiginnittariaaseqarpusi aamma nukissanik qitiutitsinissamut piumasassuseqarpusi qitiutitsisinnaassuseqarlusilu
  • Inuit imminnut paasinissaannut kaammattuisinnaavusi ikiuussinnaallusilu
  • Ammasuuvusi inuillu assigiinngissutaannik akuersisinnaallusi
  • Ilumoortuusinnaavusi namminerlu sapiisersinnaassuseqarlusi
  • Aaqqissuussaanermi ineriartortuartumi sulerusussuseqarpusi
  • Sulinissinni ineriartortuarnissassinnut piareersimavusi

Neqeroorutigisinnaavavut:

  • Suliffik soqutiginartoq unammillernartunik suliassartarpassualik
  • Suleqatit pitsaasut suliffimmilu suliffiup avatangiisai qitiutitsiffiusut
  • Suliatigut inuttullu ineriartornissamut periarfissat pitsaasut.
  • Suleqatinit ilinniartinneqarnissat atuartinneqarnissallu
  • Namminersorluni sulineq

Meeqqanik pinerliisimannginnermut aammalu pineqaatissinneqarsimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommune uppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.
Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.

Akissaatit atorfinitsitaanermilu atugassarititaasut:
Namminersorlutik Oqartussat aamma kattuffiup isumaqatiginninniarsinnaatitaasup isumaqatigissutaat sukkulluunniit atuuttut naapertorlugit akissaasersuisoqassaaq atorfinitsitaanermilu atugassaqartitsisoqarluni.

Unnukkut sapaatillu akunnerisa naaneranni sulisarnissat naatsorsuutigineqassapput.

Atorfinititsineq qaammatini pingasuni misiliutitaqassaaq.

(BOLIG)
Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl

Atorfiniffissaq ullulerneqassaaq suliffimmut atasumik inissaqartitsisoqarnera apeqqutaatillugu. Inatsisit atuuttut naapertorlugit atorfininnermut atatillugu angalaneq pisattanillu nassiussineq akilerneqassapput.

Piaartumik isumaqatigiissuteqarnikkulluunniit atorfiit inuttalerneqassapput.

Paasissutissat sukumiinerusut pillugit attaveqarfissat:

Immikkoortortami aqutsisoq Kirsten Brandt Davidsen, oqa. 36 61 05 / 56 49 48, kibd@sermersooq.gl

Katsorsaasunik aqutsisoq Annette Broberg, oqa. 36 61 23/ 55 35 82, anro@sermersooq.gl

Qinnuteqaat:
Qinnuteqaat Atorfiup normuanik ilisarnaaserlugu 296/18, ilinniagarisimasat aamma siornatigut suliffigisimasat pillugit paasissutissartalik aamma soraarummeernermi pappilissat assilineqarnerannik il.il. ilalik qinnuteqaateqarnissamut killissarititaasup 25. maj 2018 qaangiutinnginnerani Sulisoqarnermut Immikkoortortamit tiguneqareersimassaaq.

Ivaaq Kusernerluunniit arlaat immikkut orniginerunerunerlugu imaluunniit atorfiit marluk tamarmik ilinnut assigiimmik soqutiginaateqarnersut oqaatigigiuk.

Imaaliussaatit:
Qinnuteqaatip elektroniskimik nassiunneqarnissaa orniginartinneqarneruvoq, quppernermi matumani allerpaami innersuussaq toorukku qinnuteqaatit CV-llu kakkiullugit nassiussinnaavatit.

 

Qinuteqaat tunniunneqassaaq kingusinnerpaamik: 25. maj 2018
Atorfininneq: Isumaqatigiinnikkut
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Kirsten Brandt Davidsen
Telefon: +299 366105
Mobil: +299 564948
Nittartagaq: http://www.sermersooq.gl
Qinnuteqaat nassiutiguk