Skip to main content
86

Meeraaqqerivik Ungaavaraq Pisortamik pissarsorpoq /Atorfiup ilisarnaataa. 716/18

Meeraaqqerivik Ungaavaraq meeqqanut 0–2-nut ukiulinnut 48-nut inissaqarpoq. Sulisut amerlassusaat 15-upput ima agguataarlutik: Pisortaq, tullersorti, 3 perorsaasut, 4 barne- socialmedhjælper-it, 4 inimi ikiortit, eqqiaasoq aamma køkkenassistent-i.

Meeraaqqerivik ammasarpoq nal. 07:00-miit nal. 17:00-mut illoqarfiup qiterpasissuani Radio-p qaqqaani inissisimalluni.   

Pisortap tullersorti peqatigalugu meeqqanut, angajoqqaanut sulisunullu iluaqutaasumik meeqqeriviup inerisarneqarnera sulissutigissavaa. 

Pisortatut naatsorsuutigineqarputit ataani allassimasut ilinniakkatigut inuttullu piginnaasat pigigitit:

  • Perorsaasutut ilinniagaqarsimasutit
  • Iliuuseqarumatuusutit suleqatikkuminarlutit suliatigullu piginnaasaqarluarlutit.
  • Aqutsinermik misilittagaqartutit
  • Pisariaqartumik nalinnaasinnaassuseqartutit
  • Sungiussiasuusutit aalajaatsuullutillu
  • Meeqqanut, sulisunut angajoqqaanullu tusaajumassuseqartutit
  • Meeqqat sulisullu akornutaannut taarsiullugu periarfissanik takunnittartutit
  • Meeqqanik sullissinermi perorsaanermik sulinermi sulisunik ilitsersuisinnaallutillu siunnersuisinnaasutit
  • Sulisut assigiinngitsutaannik atuinissamik paasisimasaqartutit
  • Qinnuteqartut marluinnik oqaasillit (kalaallisut/qallunaatut) piumaneqarnerupput

 

Perorsaariaatsinik aqutseriaatsinillu ineriartortitsinermi unamminartumik sulineq.

  • Aqutilluarnikkut periarfissaqarputit pilersissallugit sulisoqatigiit akulerulluarsimasut, tunniulluarsimasullu perorsaanermullu tunngasut ineriartortinnissaat anguniaraat, attaveqaqatigiinneq suleqatigiinnerlu piginnaaneqarfiusut pingaartinneqartut.
  • Aqutsilluarnikkut periarfissaqarputit pilersissallugu suliffimmi atugassarititaasut pitsaasut, attaveqatigiinneq pitsaasoq pingaartuutinneqarluni meeqqat inersimasullu naligiittut immersueqataaffiat.

Meeqqerivinnut Immikkoortortaq meeqqerivinnut naleqqussakkanik aqutsisoqatigiinnullu pikkorissarnernik ingerlaavartunik neqerooruteqartarpoq.

Pineqaatissinneqarsimannginnermut uppernarsaat: 
Atorfik taanna pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Inatsit naapertorlugu kommune pineqaatissinneqarsimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik malugeqqussavarput kommune Politiinit pineqaatissinneqarsimannginnermut uppernarsaat aatsaat tiguppagu atorfiniffiusussaq isumaqatigiissutigineqarsinnaammat.

Akissaatinut atorfinitsitaanermullu tunngatillugit atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinititsisoqassaaq.

Atorfinititsineq qaammatini pingasuni misiliutitaqassaaq.

Inissiaq
Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl

Atorfiniffissaq ullulerneqassaaq suliffimmut atasumik inissaqartitsisoqarnera apeqqutaatillugu. Inatsisit atuuttut naapertorlugit atorfininnermut atatillugu angalaneq pisattanillu nassiussineq akilerneqassapput.

Qinnuteqaat:
Qinnuteqaatip ilisarnaataata Job nr. 716/18, aamma ilinniagaqarsimaneq siornatigullu sulisimanermik pillugit paasissutissartalik, soraarummersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimit tiguneqareersimassaaq.

Imatut qinnuteqaateqassaatit:                   
Atorfik qinnuteqarfigerusutat takugukku, uagutsinnut qinnuteqaammik nassitsissuutit nittartagarput aqqutigalugu.
Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

Qinuteqaat tunniunneqassaaq kingusinnerpaamik: 19. Oktober 2018
Atorfininneq: Isumaqatigiissuteqarnikkut
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Jesper Madsen 
Mobil: +299 564582
Nittartagaq: http://www.sermersooq.gl
Qinnuteqaat nassiutiguk