Skip to main content
86

Dette jobopslag er udløbet

Meeqqat Ilaqutariinnut Ingerlatsivik isumaginninnermik siunnersortinik marlunnik pissarsiorpoq / Atorfiup normua 588/18

Kommuneqarfik Sermersooq isumaginninnermut siunnersortimik ataatsimik pikkorissunik tunniusimasunillu sulisussamik pissarsiorpoq (MI), immikkoortortami piaartumik aallartissinnaasumik. Atorfik pinaveersaartitsinermut aammalu ilaqutariinnut ikiorsiissutinik ingerlasoqareersunik sullissinermik ingerlatsisuupput.

Ilaqutariinnut immikoortortaqarfik pisortaqarfimmi suliassat isumagisuuaat innuttaasunillu suliassat ingerlallugit, suliassanilu periarfissaalluarluni innuttaasunut allanngueqataanissamut. Suleqatigiikkaani immikkoortortaqarfik marlunnut agguataarneqarpoq. Suleqatigiikkaani siullermi angerlarsimaffiup avataanut innissinneqarnikunik sullissisuupput. Suleqatigiikkaanilu aappaani angerlarsimaffiup avataanut inissiisoqarnissaanut pinaveersaatitsinerit suliarisarpaat, taakkunanilu ilaqutariinni ikiorsiissutinik ingerlasoqartarluni. Ilaqutariinnut immikkoortortaqarfik quligiluanik sullissisoqarpoq, ataatsimik suleqatigiikkaani aqutsisoqarluni, aammalu ataatsimik immikkoortortaqarfimmi aqutsisoqarluni.

Atorfiit ulloq naallugu suliffiupput immikkoortortamilu aqutsisumut tulaaveqarluni

Atorfiup imarisai:

Suleqatit pikkorissut avataanit suleqatigisat kiisalu innuttaaqativut suleqatigalugit Meeqqanut immikkoortortami suliassanik ingerlatsinermi peqataasinnaasunik isumaginninnermut siunnersortissarsiorpugut. Pitsaasumik sullissinissamut periarfissaqarluarpoq. Suliassaqarfiillu akimorlugit ingerlaavartumik ineriartorneq qitiutillugu suleqataaffiulluarsinnaalluni.  Pingaarnertut suliassat tassaapput suleqatigiiaani suleqataaffigisassanni sulianik suliarinninnissaq. Tamatuma saniatigut pigaartuni suleqataanissaq periarfissaassaaq.

Pingaarnertut suliassat:

  • Suleqatigiikkaat iluanni malittarisassani aallaavigalugit sulineq
  • Meeqqanik, inuusuttunik ilaqutariillu pillugit suliassanik isumaginninnerit kiisalu ilaqutariit meerartaanillu ikiortariaqartunut Siusissumik iliuuseqarnikkut suleqatigiikkuutaarnerit.
  • Innuttaasunut allanullu suleqatigisanut attaveqarneq
  • Suliassaqarfiit assigiinngitsut akornanni suleqatigiinneq siunersioqatigiinnerlu
  • Suliassat takkussortut

Suleqatit allat Meeqqanut Ilaqutariinnullu Immikkoortortamiittut  Meeqqanut Ilaqutariinnullu Sullissivimmiittut qanimut suleqatigalugit suliassat naammassineqassapput.   Tamatuma saniatigut ataatsimoorussamik suliniuteqarnerup nukittorsarnissaa aammalu innuttaasunut sanngiinnerusumik inissisimasunut sullissinissaq anguniarlugu, ingerlatsivinnut allanut attuumassuteqartunut, aammalu nalinginnaasumik avataani suleqatitsinnut suleqateqarneq nukittorsarusupparput.

Qinnuteqaateqartunut naatsorsuutigisat: 

  • Isumaginninnermut siunnersortitut ilinniagaqarsimaneq
  • Immikkoortumi ataatsini arlalinniluunniit misilittagaqarnissaq
  • Inatsisinik attuumassuteqartunik ilisimasaqartuusoq
  • Sullinniakkanut suleqatinullu angusaqarfiulluartussamik pitsaasumillu oqaloqateqarsinnaasoq
  • Ineriartortitsinermut eqqummaarittuunissaq

Tamatuma saniatigut pingaartipparput, illit:

  • Aalajaatsuusutit pitsaassutsimillu paasisimasaqartuusutit
  • Ataatsimoortumik takunnissinnaanerit attatiinnarlugu arlalinnik suliaqarsinnaanissat
  • Allattariarsornermi oqaluttariarsornermilu ersarissumik paatsuugassaanngitsumillu attaveqartartuusoq
  • Nammineersinnaassuseqartoq, akisussaaffeqarluni sullisserusussuseqarlunilu sulisinnaasoq
  • Suliassanut aamma suliassanik agguataarinernik ingerlaavartumik iluarsiissuteqarnissamut eqaatsumik allanngueriataarsinnaassusilik
  • Ulluinnarni ulapaarfiusuni ukkassillutit aaqqissuisinnaassuseqarlutit sulisinnaasutit
  • Tatitooq, aallarnisaasinnaasoq, nukissaqartoq iliuuseqarnissamullu piumassuseqarluartoq
  • Suliassatta ingerlanneqarnerini ingerlaavartumik ineriartortitsinermut pitsanngorsaanermullu suleqataasussaq
  • Arlalissuarnik suleqateqallaqqissoq
  • Qinnuteqartut marluinnik oqaasillit (kal/dk) atorfinitsinnissaat orniginartinneqarpoq.

Neqeroorutigaavut: 

Suliffik pissanganartoq unammillernartunillu suliassaqartoq, imarisassai nammineq sunniuteqarfigisinnaallugit, suliffeqarfimmilu angisuumi ineriartortinneqartuartumi allanngorartuartumilu annertuumik akisussaassuseqarfiusoq.   Akulikitsumik imaajaanissamik neqerooruteqartoqartarpoq, aammalu sulisutut inuttullu ineriartornissamut periarfissaqarluarluni.  Pitsaasumik suleqatigiittoqarnissaa anguniartuarparput, aqutsisut akornanni qanimut immersoqatigiiffiusoq, kiisalu aallartitsinissamut nutaaliornissamullu aamma assigiinngitsunik suliaqarnissamut inissaqartitsiffiusoq.

Meeqqanik pinerliisimannginnermut aammalu pineqaatissinneqarsimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommune uppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.
Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.

Akissaatinut atorfinitsitaanermullu tunngatillugit atugassarititaasut:
Akissarsiaqarnermut atorfinitsitaanermullu atugassarititaasut, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinititsisoqassaaq.

Atorfinititsineq qaammatini pingasuni misiliutitaqassaaq.

Ineqarneq
Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl

Atorfiniffissaq ullulerneqassaaq suliffimmut atasumik inissaqartitsisoqarnera apeqqutaatillugu. Inatsisit atuuttut naapertorlugit atorfininnermut atatillugu angalaneq pisattanillu nassiussineq akilerneqassapput.

Qinnuteqaat:
Qinnuteqaatip ilisarnaataata Job nr. 588/18, aamma ilinniagaqarsimaneq siornatigullu sulisimanermik pillugit paasissutissartalik, soraarummersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimit tiguneqareersimassaaq.

Imatut qinnuteqaateqassaatit:    
Atorfik qinnuteqarfigerusutat takugukku, uagutsinnut qinnuteqaammik nassitsissuutit nittartagarput aqqutigalugu.

Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

Qinuteqaat tunniunneqassaaq kingusinnerpaamik: 6. september 2018
Atorfininneq: Isumaqatigiinnikkut
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Paninnguaq Kleemann
Telefon: +299 367287
Nittartagaq: http://www.sermersooq.gl
Qinnuteqaat nassiutiguk