Skip to main content
96

Dette jobopslag er udløbet

Kommuneqarfik Sermersuumut ESDHmut ataqatigiissaarisussaq Nuummi pissarsiorpoq Atorfiup nr.134/17

Elektroniskimik sulianik allakkanillu suliaqarnermi atortup Kommuneqarfik Sermersuumi atuutsinniarneqalerneranut peqataarusuppit taperseeqataarusullutillu?

Aaqqissuussaanermi kiliffinni sunilluunniit sulisinnaavit kiisalu sullissisutsinnik attaveqarluarsinnaavit?

- Taamaappat immaqa illit atorfissaqartippatsigit.

Qarasaasiakkut nalunaarsueriaaseq (ESDH-systemi) Kommuneqarfik Sermersuumi atuutsinnialerparput tamatumunngalu ESDH-mik ataqatigiissaarisartussamik nalunaarsueriaatsimut ineriartortitsisussamik atuutsitsilertussamillu pisariaqartitsivugut. Nalunaarsueriaatsip atuutsinneqalernerani suliniummi aqutsisoq, fagchefit aammalu ingerlatsivinni tamani qitiusumik atuisut (superuserit) suleqatigalugit qitiusumik inissisimassaatit. Nalunaarsueriaat atuutsinneqalerpat, illit kommunimi ESDH-systemip atorneqarneranut ikorfartuillutillu ineriartortitseqqissaatit.

Suleqatissatsinnik ujarlerpugut, ukunannga isumaginnissinnaasumik:  

  • SBSYS-ip (kommunip ESDH-systemiata) atuutsinniarnerani qitiusumik inissisimasussaq
  • SBSYS-ip fagchefit aammalu ingerlatsiviit immikkoortortaani assigiinngitsuni SBSYS-imik qitiusumik atuisut  peqatigalugit ingerlanneqarnerani ineriartortinneqarneranilu ulluinnarni ataqatigiissaarisinnaasoq
  • SBSYS-imik atuisunik qitiusumillu atuisunik ilinniartitsinermik ingerlatsisussaq

Atuisut suliffiullu pisariaqartitaannik nalinginnaasumik paasinnittuussaatit aammalu qarasaasiatigut systemit tunuliaqutarineqartut atuisunut isumaqarnerinut soqutiginnittuussallutit.

Naatsorsuutigaarput, illit elektroniskimik sulianik allagaatinillu passussineq misilittagaqarfigissagit.  Namminersorsinnaassuseqarneq inuttullu piumassuseqarneq pingaaruteqarluinnarput illillu ulluinnarni ulapaarfiusinnaasumiittariaqassaatit.  Allattariarsornikkut oqaluttariarsornikkullu attaveqallaqqissuusariaqarputit, inuttut sunniuteqarsinaassuseqarlutit - illillu aaqqissuussaanermi, nalunaarsuineq aamma takussutissaqartitsineq pingaarnertut suliassaqarfiunngitsumi sulisunik aqutsisunillu kajumissaarinissaq qitiutissavat. 

Suliassap naammassinissaanut piffissaqarluarnissat aammalu systemip ineriartortinnissaanut sunneeqataanissannut periarfissaqarluarnissat neqeroorutigisinnaavavut. ESDH-systemi it-systemiuvoq aaqqissuussaanikkut pingaaruteqartoq.

Aningaasaqarnermut Sulisoqarnermullu Kiffartuussivimmi inissisimavoq, stabschef Troels T Pedersenip ataani.

Suliassat:

  • SBSYS-ip ineriartortinnissaa qitiutillugu ESDH-mik atuisuunernik ataatsimiititsisarneq
  • ESDH-p atorneqarnera aaqqissuussaanermi tamarmi siuaruarterineq
  • Ingerlatsiviit SBSYS-ip atorneranut ineriartortinneranullu kissaataat pillugit isumaginninnissaq.
  • ESDH-mi atuisuunerit allat suleqatigalugit uppernarsaatinik ilinniartinneqarnissamullu atortussanik atuutsitsiinnarnissaq. 
  • SBSYS-imik sullissisut aammalu kommunip it-mik sullissisui suleqatigalugit SBSYS-ip ikkussornera aaqqissuunneralu
  • Systemimut tunngatillugu isumalluutaasoq
  • Slutbrugerinik superuserinillu ikiorsiineq

Kinaavit?
Naatsorsuutigaarput: 

  • siammasissumik suliffeqarfimmik paasinnissinnaasutit sapinngisamik kommunininngaanniit
  • suliniummut samminnittumik suliaqarnermik misilittagaqartuusutit
  • sullissinermik sungiusimasaqartutit aammalu allat aqqutigalugit allanillu suleqateqarnikkut naammassisaqarsinnaasutit
  • attaveqallaqqissorujussuusutit
  • ingerlatsisinnaassuseqartutit suliallu akimorlugit attaveqaateqarsinnaallutit
  • ilisimasat inernerillu attuumassuteqartut tunniussinnaavatit aammalu aaqqissuussaaneq pitsaassutsillu assigiinngitsut akimorlugit
  • Aqqissuussaanerup iluani, pisortaqarfinni allaffissornermi, IT-lerinermi imal. assigisaanut attuumassuteqartumik ilinniagaqartuusutit.
  • teknikeriunngikkaluarlutit teknikkikkut pisinnaasaqartutit

Inuttut suleqatigiiaani allat peqatigalugit suleqateqallaqqittuussaatit, ataqqinnissusermik, paasinnissinnaassusermik naammagittarsinnaassusermillu peqarlutit.  Tamatuma saniatigut aamma alaatsinaattuussaatit, ammasuussaatit, nuannaartuussaatit namminersorsinnaallutillu.

Pineqaatissinneqarsimannginnermut uppernarsaat:

Atorfik taanna pineqaatissinneqarsimannginnermutuppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq.

Taamaattumik malugeqqussavarput Politiniit pineqaatissinneqarsimannginnermutuppernarsaat pissarsereerpat atorfinitsitineq aatsaat pisinnaavoq pineqaatissinneqarsimannginnermutallagartat naammaginartutut isigineqarpat.

Akissaatinut atorfinitsitaanermullu tunngatillugit atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussat Kalaallit Nunaannilu kattuffiup isumaqatigiissutaat naleqquttoq isumaqatiginninniarsinnaatitaasup isumaqatigiissutaat atuuttut malillugit.

Atorfinitsitsineq qaammatini pingasuni siullerni misiliummik atorfinitsitsisoqassaaq.

Inissaq:
Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl

Erseqqissaatigineqassaaq atorfinitsinneqarnerup uppernarsarneqarnerata kinguninnguatigut ingerlaannartumik initaarnissaq pisinnaanngimmat, aatsaalli inissaq pissarsiarineqarpat nuuttoqarsinnaalluni/ atorfinittoqarsinnaalluni. Malittarisassat atuuttut malillugit atorfininnermi angalanermut akiliussisoqassaaq aamma pequtit assartorneqarnerat akilerneqassaaq.

Qinnuteqaat:
Qinnuteqaatip ilisarnaataata atorfiup normua 134/17, aamma ilinniagaqarsimaneq siornatigullu sulisimanermik pillugit paasissutissartalik, soraarummersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimmit tiguneqareersimassaaq.

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassitsissuutit nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

 

Qinuteqaat tunniunneqassaaq kingusinnerpaamik: 31. marts 2017
Atorfininneq: Isumaqatigiinnikkut
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Troels Pedersen
Telefon: +299 36 71 17
Mobil: +299 56 45 99
Nittartagaq: http://www.sermersooq.gl
Qinnuteqaat nassiutiguk