Skip to main content
106

Dette jobopslag er udløbet

Isumaginninnermut, Suliffeqarnermut Inuussutissarsiornermullu Ingerlatsivik Suleqatigiinnut controllerinik ataatsmik pissarsiorpoq / Atorfiup normua 170/17

Isumaginninnermut, Suliffeqarnermut Inuussutissarsiornermullu Ingerlatsiviup innuttaasunik 18-it sinnerlugit ukiulinnik sullissineq isumagisaraa suliassaqarfiillu makkua akisussaaffigalugit: Utoqqarnut suliassaqarfik, innarluutilinnut suliassaqarfik, oqartussaaffeqarfik aamma pisortanit ikiorsiissutit, suliffissaqartitsineq aamma inuussutissarsiorneq. Ingerlatsivik kommunimi tamarmi sulisoqarpoq, immikkoortortaqarluni paaqqinniffinnillu ingerlatsilluni. 

Nakkutilliisutut naatsorsuutigaarput Illit:

  • Annertuumik misilittagaqartutit aamma kommunimi aningaasaqarnermik ilisimasaqarluartutit taakkununnga ilanngullugit Ingerlatsiviup tapiissuteqarfigisartagaanut angisuunut arlalinnullu ilisimasaqarluartutit
  • Aningaasaqarneq pillugu tappiffeqartutit aamma aningaasartuuteqarfigisat immikkut ajornartorsiutitallit suussusersisinnaagitit
  • Nakkutilliinermik misilittagaqartutit
  • Pisortanut ilisimatitsissutinik suliaqarnermik misilittagaqartutit taakkununnga ilanngullugit ingerlatat assigiinngitsut pillugit kisitsisinik aamma aningaasartuutit ineriartornerannik saqqummiussassaliorsinnaasutit
  • Inatsisinik atuarsinnaallutillu paasinnissinnaasutit kiisalu inatsisit nutaat ingerlatsivittut immikkoortortani atorneqarsinnaanngorlugit suleriaasinut aaqqissuussinernullu erseqqissunut iluarsartuussinnaagitit
  • Aningaasaqarneq pillugu paasissutissat suleqatinnut paasinartunngorlugit ingerlateqqissinnaagitit 

Ilinniarsimanermut tunuliaquttamik immikkut ittunik piumasaqaateqanngilagut, naatsorsuutigaluguli allaffissornermi ilinniarsimasutit aamma sulinermik ingerlatsinivit nalaanni pikkorissarnermik siunnerfeqartuarsimasutit. 

Illit inuttut ima pissuseqarnerit naatsorsuutigaarput:

  • avammut ammasuuvutit kiffartuussinermillu siunertaqarlutit
  • aaqqiissutissanik nassaarsinnaassuseqarputit
  • namminersorlutit sulisinnaavutit
  • allanik suleqateqallaqqipputit 

Atorfiup piaarnerpaamik inuttalerneqarnissaa kissaatigaarput. 

Paasissutissat allat pissarsiarineqarsinnaapput Sulisoqarnermut pisortamut: Jesper Labansen jlab@sermersooq.glsaaffiginnissuteqarnikkut. 

Pineqaatissinneqarsimannginnermut uppernarsaat:
Atorfik taanna pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Taamaattumik malugeqqussavarput Politiniit pineqaatissinneqarsimannginnermut uppernarsaat pissarsereerpat atorfinitsitineq aatsaat pisinnaavoq pineqaatissinneqarsimannginnermut allagartat naammaginartutut isigineqarpat.  

Akissaatinut atorfinitsitaanermullu tunngatillugit atugassarititaasut: 
Akissarsiaqarnermut atorfinitsitaanermullu atugassarititaasut Namminersorlutik Oqartussat Kalaallit Nunaannilu kattuffiup isumaqatigiissutaat naleqquttoq isumaqatiginninniarsinnaatitaasup isumaqatigiissutaat atuuttut malillugit.  

Atorfinitsitsineq qaammatini pingasuni siullerni misiliummik atorfinitsitsisoqassaaq.  

Atorfimmut atatillugu inissiamik innersuussisoqarsinnaanngilaq.  

Qinnuteqaat:
Qinnuteqaatip ilisarnaataata atorfiup normua 170/17, aamma ilinniagaqarsimaneq siornatigullu sulisimanermik pillugit paasissutissartalik, soraarummersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimmit tiguneqareersimassaaq.  

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassitsissuutit nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

Qinuteqaat tunniunneqassaaq kingusinnerpaamik: 7. april 2017
Atorfininneq: Isumaqatigiinnikkut
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Stabschef Jesper Labansen
Telefon: +299 367172
Nittartagaq: http://www.sermersooq.gl
Qinnuteqaat nassiutiguk