Skip to main content
85

Dette jobopslag er udløbet

Isumaginninnermut ikiortit marluk Meeqqat Ilaqitariinnullu immikkoortortami Tasiilami / Atorfiup nr. 154/17

Sulianik ingerlatsinermi unammilligassaqarusupput? Kommunerujussuatsinni Kommuneqarfik Sermersuumi Meeqqanut Ilaqutariinnullu immikkoortortaqarfimmi ineriartortitsinermi peqataarusuppit?                                 

Tasiilaq-mi inunnik isumaginninnermi siunnersortitut immikkoortortaqarfimmi ineriartorfiujuartumi ineriartortuartumilu kommunerujussuatsinni atugassaritinneqartunut naleqqussartuartumi suleqataalissaatit.

Sullinniakkanik meeqqanik ilaqutariinnillu iliuuseqarfigineqarnissamik immikkut pisariaqartitsisut pillugit inatsisit iluanni siammasissumik suliassaqartarpoq. Suliassatit tassaanerussapput meeqqanik ilaqutariinnillu sullissineq.

Suleqatitut nutaatut meeqqanut ilaqutariinnullu immikkoortortaqarfimmi ataatsimoortumi suleqataalissaatit. Ineriartorluarpugut, tassani suliassanik suliarinnittarnermi innuttaasunik sullissinigut, pitsaassuseq aaqqissuussamillu sulineq isiginiartarlugit. Suliassanik suliarinnittarnermi Nuummi suleqatitsinnit immikkoortortaqarfitsinnut akuttunngitsumik tikittartunit tapersersorneqarluta oqaloqatigineqartarpugut ilitsersorneqartarlutalu.

Naatsorsuutigaarput:

  • Inunnik isumaginninnermi siunnersortitut imaluunniit assigisaanik ilinniarsimasutit.
  • Inunnik isumaginninnermik ilisimasaqartutit misilittagaqarlutillu, pingaartumik Meeqqanik, Inuusuttunik Ilaqutariinnillu sullissinermik.
  • Inatsisit ilisimalluaritit.
  • Suleqatigiinni sulisinnaasutit, suleqatiginnilluarsinnaasutit allanillu peqataatitsisinnaasutit.
  • Attaveqarluarsinnaasutit ilitsersuilluarsinnaasutillu.
  • Killiliissutit pinnagit periarfissanik takunnissinnaassuseqartutit.
  • Ingerlatsiviit akornanni suleqateqarsinnaasutit.
  • Inissaqartitsisuusutit, allat misigissusaannik paasinnissinnaassuseqartutittatiginarlutillu.
  • Ammasuusutit inussiarnersuusutit, inunnik pitsaasumik isiginneriaaseqartutit.
  • Inunnik assigiinngitsorpassuarnik oqaloqatiginnissinnaassuseqartutit, inuit ilaasa ilinnit allaanerusumik inuuneqartarnerannik akerinnissinnaassuutit.
  • Namminersorlutit sulisinnaasutit, aaqqissuussamik sulilluarsinnaasutit, ataqatigiissaarilluarsinnaasutit, suliassanik pilersaarusiorsinnaasutit ingerlatitseqqiisinnaasutillu.
  • Tamatigoortuusutit.
  • Nuannaartuusutit akuersaartuusutillu.
  • Ineriartortitsisinnaassuseqartutit, isumassarsiullaqqissuusutit.
  • Pimoorussisuusutit.
  • Akisussaassuseqartuusutit.
  • Qinnuteqartut marlunnik oqaaseqarnissaat piumasaqaataavoq (Kalaallisut/Danskisut)

Neqeroorutigisinnaavarput:

  • Immikkoortortaqarfimmi ineriartortuartumi suleqataalissasutit.
  • Atorfik nammineerfiusoq sulianik ingerlatsinermi inuttullu annertuunik unammilligassaqarfiusoq.
  • Tapersersorneqarluni oqaloqatigineqartarneq aamma inuttut sulianillu ingerlatsinermi ineriartornissamut periarfissaqarneq.
  • Suleqatit suleqatikkuminartut tunniusimasullu.
  • Suliffimmi tatigeqatigiinneq.
  • Sunneeqataasarneq.
  • Tapersersorneqarluni oqaloqatigineqartarneq.

Meeqqanik pinerliisimasinnaanermut uppernarsaat:
Atorfik taanna meeqqanik pinerliisimasinnaanermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Taamaattumik malugeqqussavarput Rigspolitiinit pinerliisimasinnaanermut uppernarsaat pissarsereerpat atorfinitsitineq aatsaat pisinnaavoq meeqqanik pinerliisimasinnaanermut allagartat naammaginartutut isigineqarpat.

Pinerluuteqarsimasinnaanermut uppernarsaat:
Atorfik taanna pinerluuteqarsimasinnaanermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Taamaattumik malugeqqussavarput Politiniit pinerluuteqarsimasinnaanermut uppernarsaat pissarsereerpat atorfinitsitineq aatsaat pisinnaavoq pinerluuteqarsimasinnaanermut allagartat naammaginartutut isigineqarpat.

Akissaatinut atorfinitsitaanermullu tunngatillugit atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussat AK-llu isumaqatigiissutaat Imaluunniit allamik naleqquttoq atuuttuusoq Kalaallit Nunaannilu kattuffiup isumaqatiginninniarsinnaatitaasup isumaqatigiissutaat atuuttut malillugit.

Atorfinitsitsineq qaammatini pingasuni siullerni misiliummik atorfinitsitsisoqassaaq.

Atorfiup ilagaa immikkut pilerinarsakkatut atugassaqartitaalluni atuuttoq, piffissami misiliutitut atuukkallartussaq 1. januar 2017 – 31. december 2019 ilanngullugu. Ukiullu tamaasa nalilersorneqartassalluni.

Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl

Erseqqissaatigineqassaaq atorfinitsinneqarnerup uppernarsarneqarnerata kinguninnguatigut ingerlaannartumik initaarnissaq pisinnaanngimmat, aatsaalli inissaq pissarsiarineqarpat nuuttoqarsinnaalluni/ atorfinittoqarsinnaalluni. Malittarisassat atuuttut malillugit atorfininnermi angalanermut akiliussisoqassaaq aamma pequtit assartorneqarnerat akilerneqassaaq.

Qinnuteqaat:
Qinnuteqaatip ilisarnaataata atorfiup normua 154/17, aamma ilinniagaqarsimaneq siornatigullu sulisimanermik pillugit paasissutissartalik, soraarummersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimmit tiguneqareersimassaaq.

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassitsissuutit nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

 

Qinuteqaat tunniunneqassaaq kingusinnerpaamik: 31. marts 2017
Atorfininneq: Isumaqatigiissuteqarnikkut
Akunnerit suliffiit: Ulloq naallugu
Suliffik: Tasiilaq
Paasissutissat allat uani piniarneqarsinnaapput: Tina Dam Rasmsussen
Telefon: +299 36 73 31
Nittartagaq: http://www.sermersooq.gl
Qinnuteqaat nassiutiguk