Skip to main content
106

Dette jobopslag er udløbet

Innuttaasunut sullissivimmut ineriartortitsinermi siunnersortimik pissarsiorpoq Atorfiup nr. 152/17

Annertuumik digitalinngorsaanerup tungaanut ingerlavugut, tamannalu kommunimi innuttaasut pingaarnerutillugit pissaaq. Taamaammat innuttaasunut qaninnerusumik digitalinngorsaaneq eqqumaffigaarput, innuttaasunut aammali allaffissornermut pissarsiassat annerit qularnaarniarlugit.

Akisussaaffeqarfiit

Innuttaasunut sullissivimmi ineriartortitsinermut siunnersortip siullermik innuttaasut Kommunerujussuarmi digitalinngorsaanermik qanoq pisariaqartitsiginerat misissussavaa, digitalinngorsaanermut periarfissat ajornarnersut ajornannginnersulluunniit ilanngullugit. Misissuinerlu aallaavigalugu anguniagassanut iliuusissatut pilersaarummik pilersitsissalluni, qanoq iliorluta digitaliseriineq innuttaasunut siunissaq qaninnerusoq Kommuneqarfik Sermersuumi atussanerlugu. Ineriartortitsinermut siunnersortip iliuuseqarsinnaanissaa, iliuusissatullu pilersaarutinik malinnissinnaanera pingaaruteqarpoq.

Digitalinngorsaalluni suliaqarnerup saniatigut, innuttaasunik sullissivimmi ineriartortitsiniarluni aamma suliniutinik peqartassaaq soorlu innuttaasunut tikilluaqqusinermi tunniunneqartartut allallu. Ineriartortitsinermut siunnersortip suliaqarfiit allat suleqatigalugit illoqarfiit sisamat nunaqarfiillu arfineq pingasut suliaqarfigissavai.

Ineriartortitsinermut siunnersorti Innuttaasunut sullissivimmi inissisimassaaq, immikkoortortaq Kommuneqarfik Sermersuumi innuttaasunut suliffiullu iluani qitiusumik atorfeqartumi. Digitalinngorsaaneq aamma innuttaasunut sullissivik politikkikkut eqeersimaarnermik annertuumik piffiuvoq, tassani eqqortumik sukkasuumillu kommunip pingaarnertut sullissinissaatut isigineqarluni.

Ineriartortitsinermi siunnersortitut Innuttaasut sullissivianni chefkonsulentainut atassaatit.

Ilinnut tunngasut

  • Sivisuumik/sivikitsumilluunnit ilinniagaqarsimasutit, assingusumilluunniit
  • Qarasaasianik atuinermut ilisimasaqartutit/misilittagaqartutilluunniit.
  • Suliassanut namminersorsinnaassuseqartutit
  • Ineriartortitsisinnaasutit
  • Siammasissumik ilisimasaqartutit
  • Kalaallit, danskit tuluillu oqaasiinik atuilluarsinnaassaatit

Neqeroorutigaavut:

  • atorfik nutaaq aallartinneraniit ilusilersuieqataaffigisinnaasat
  • namminersorlutit inissisimassasutit
  • suliaqarfimmi ineriartornissamut periarfissat pitsaasut
  • suliaqarfiup ineriartornissaanik eqeersimaarfiginninnissa
  • Suleqatit pitsaasut kajumittullu

Tamanut Kiffartuussivik ingerlatsiviuvoq Nuummi Kommuneqarfiup Allaffeqarfianiittoq, tassanilu immikkoortortat kommunip illoqarfiini allanut siammarsimasuupput, kiisalu ingerlatsivikkut agguagaalluni. Tamanut Kiffartuussivimmiipput Peqqinneq, Pitsaaliuineq Susassaqartitsivillu pillugit immikkoortortaq, Attaveqatigiinneq, Kultureqarneq Nutserisoqarnerlu pillugit immikkoortortaq kiisalu Innuttaasunik Sullissivik aammalu Borgmesterip Allatseqarfia.

Pineqaatinneqarsimannginnermut uppernarsaat:

Atorfik taanna pineqaatinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq.

Taamaattumik malugeqqussavarput Politiniit pineqaatinneqarsimannginnermut uppernarsaat pissarsereerpat atorfinitsitineq aatsaat pisinnaavoq pineqaatinneqarsimannginnermutallagartat naammaginartutut isigineqarpat.

Akissaatinut atorfinitsitaanermullu tunngatillugit atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussat AK-llu isumaqatigiissutaat Imaluunniit allamik naleqquttoq atuuttuusoq Kalaallit Nunaannilu kattuffiup isumaqatiginninniarsinnaatitaasup isumaqatigiissutaat atuuttut malillugit.
Atorfinitsitsineq qaammatini pingasuni siullerni misiliummik atorfinitsitsisoqassaaq.

Atorfimmut atatillugu inissiamik innersuussisoqarsinnaanngilaq.

Qinnuteqaat:
Qinnuteqaatip ilisarnaataata atorfiup normua 152/17, aamma ilinniagaqarsimaneq siornatigullu sulisimanermik pillugit paasissutissartalik, soraarummersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimmit tiguneqareersimassaaq.

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassitsissuutit nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat. 

 

 

Qinuteqaat tunniunneqassaaq kingusinnerpaamik: 30. marts 2017
Atorfininneq: Isumaqatigiinnikkut
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Lone R. Pedersen
Telefon: +299 367185
Nittartagaq: http://www.sermersooq.gl
Qinnuteqaat nassiutiguk