Skip to main content
107

Dette jobopslag er udløbet

Innarluutillit pillugit suliassaqarfimmi fagchefi - Atorfiup nr. 14/18

Isumaginninnermut Suliffeqarnermullu Ingerlatsiviup innuttaasut 18-it sinnerlugit ukiullit sullitarai aamma suliassaqarfinni tullinnguuttuni ukunani akisussaaffeqarpoq:

Utoqqarnut immikkoortortamut, innarluutilinnut immikkoortortamut, oqartussaasunut aamma pisortanit ikiorsiissutinut, suliffeqarnermut inuussutissarsiornermullu aammalu Isumaginninnermut Suliffeqarnermullu Ataatsimiititami ilaasortanut stabi kiffartuussisuuvoq.

Ingerlatsivik kommunimi tamarmi immikkoortortaqarpoq, meeqqeriveqarpoq sulisoqarlunilu

Naatsorsuutigaarput:

  • Siunnerfeqarluartumik aamma aqutsisut allat peqatigalugit aqutsisuusutit aqutsinermik misilittagalik aamma avataanit aqutsinermik misilittagaqarsinnaavutit
  • Suliassaqarfinnut ataasiakkaanut tunngatillugu ilinnigaqaqqissimasutit aamma aqutsinermik ilinniagaqarsimasutit
  • Suliffeqarfimmi politikerinit aqunneqartumi sulinermik misilittagaqartutit
  • Pisortat aqutsinerannik ilisimasaqartutit aammalu inatsisinik attuumassuteqartunik paasinnilluarsinnaasutit
  • Suleqataasutit nukittooq aamma ingerlatsiviit aaqqissuussaanerillu apeqqutaatinnagit ataatsimoortumik eqqarsarsinnaasutit
  • Missingersuuserinermik aningaasanillu aqutsinermik uppernarsarneqarsinnaasumik misilittagaqartutit
  • Illit aqutsisutut siunnerfinnik tikkuussisinnaasutit, angusaqarsinnaasutit politikkikkullu anguniakkanik naammassinnissinnaasutit
  • Oqaloqatigiinnikkut, ammasuunikkut suleqatigisannillu akuliutsitsinikkut aqutsinerit akuerineqarsinnaassasoq
  • Illit aqutsisutut illit nammineq immikkoortortarisannilu sulisut periarfissallillu atorsinnaassagitit, taamaalillusi peqatigiillusi suliassaqarfimmullu iluaqutaasumik immissinnut ikioqatigiillusi
  • Ingerlatsivimmi ataqqinninnermik, akisussaaffimmik ineriartortitsinermillu immitsinnut aamma innuttaasut, suleqatigisat soqutigisaqaqatigiillu allat eqqarsaatigalugit sulinitsinni pingaartitsiffiusumi imminut takusinnaassasutit
  • Attaveqarnissamut piginnaaneqarluartutit, taamaalillusi ataatsimoorlusi aaqqiissutissanik pitsaanerusunik pilersitsinissassinnut ammasuuneq innuttaasunillu akuliutsitsineq suleriaasissatut nalinginnaasutut isigalugu
  • Suliffimmi ulluinnarni allanngorarfiusorujussuarmi, naammaginartumik sukkassusilimmi aamma inuppalaartumik oqaloqatigiiffiusartumi, tamatumani ataatsimoorluta suliassanik kivitseqatigiilluta, ajunngitsumik sulisinnaasutit
  • Illit inuttut tatitussuseqartutit inissaqartitsisuullutillu aamma aqutsisutut sulinissannut inuttut nukittuujusutit aamma aqutsinissannut inuttut piginnaassuseqarluartutit

Atorfiup suliassallu allaaserineri, atorfimmut qinnuteqartumut piumasaqaatit piginnaasallu aamma ilinniakkatigut tunuliaqutaasut kiisalu suliassat suuneri takuneqarsinnaapput.

Fagchefi ingerlatsivimmi aqutsisoqatigiinnut ilaassaaq, tassaasut pisortaq, Suliffeqarnermut fagchefi, utoqqarnut tunngasuni fagchefi, isumassuiffimmi fagchefi, Stabschefi, oqartussaaffeqarfimmi ikiorsiisarfimmilu fagchefi, Paamiuni Tasiilamilu suliassaqarfimmi siunnersortit marluusut.

Fagchefit Isumaginnermut Suliffeqarnermullu Pisortamut toqqaannartumik suleqateqassapput.

Innarluutillit pillugit suliassaqarfimmi fagchefitut immikkoortortami tullinnguuttunik makkuninnga sulisulimmik siuttuussaatit:

immikkoortortami aqutsisut marluk, sumiiffimmi aqutsisut aamma sulisut 110-t missaat.

Suliassaqarfimmi akisussaaffeqarfiit tassaapput: kommunimi ulloq unnuarlu neqerooruteqarfiit, najugaqatigiiffiit, ornittakkat, ikorfartoqatigiippassuit aamma tamatigoortumik oqilisaassinerit.

Suliassaqarfimmi innuttaasunut tunngasut, ilinniartitaanerit nutaat, suliffissaqartitsiniarluni neqeroorutit, najugaqatigiiffiit nutaat, inuusuttunut neqeroorutinik pilersitsinerit, angerlartitsinerit il.il. qitiutillugit ineriartortinneqartorujussuupput.

Tamakku saniatigut immikkoortoq pillugu pilersaarusiortoqarlunilu Innarluutillit pillugit nutaamik politikkiliortoqarpoq, taakkulu fagchefitaatta ingerlannissaannut pingaarutilinnik suliassaqarfigissavai.

Atorfik pillugu saaffiginniffissaq Isumaginninnermut Suliffeqarnermullu Ingerlatsivimmi pisortaagallartoq Kista Lynge Høegh kilh@sermersooq.gl imlauunniit +299 564544.

Atorfiit piaarnerpaamik inuttalerusunneqarput.

Pineqaatissinneqarsimannginnermut uppernarsaat: 
Atorfik taanna pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Inatsit naapertorlugu kommune pineqaatissinneqarsimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik malugeqqussavarput kommune Politiinit pineqaatissinneqarsimannginnermut uppernarsaat aatsaat tiguppagu atorfiniffiusussaq isumaqatigiissutigineqarsinnaammat.

Akissaatinut atorfinitsitaanermullu tunngatillugit atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinititsisoqassaaq.

Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl

Atorfiniffissaq ullulerneqassaaq suliffimmut atasumik inissaqartitsisoqarnera apeqqutaatillugu. Inatsisit atuuttut naapertorlugit atorfininnermut atatillugu angalaneq pisattanillu nassiussineq akilerneqassapput. Nuummi inissaaleqineq pissutaalluni inigigallagassamik atorfimmulluunniit atatillugu inissamik tunineqarnissamut utaqqineq sivisusinnaavoq, pingaartumik init aalajangersimasumik angissusillit eqqarsaatigalugit.

Qinnuteqaat:
Qinnuteqaatip ilisarnaataata Job nr. 14/18, aamma ilinniagaqarsimaneq siornatigullu sulisimanermik pillugit paasissutissartalik, soraarummersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimit tiguneqareersimassaaq.

Imatut qinnuteqaateqassaatit:                                              
Atorfik qinnuteqarfigerusutat takugukku, uagutsinnut qinnuteqaammik nassitsissuutit nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

Qinuteqaat tunniunneqassaaq kingusinnerpaamik: 29. januar 2018
Atorfininneq: Isumaqatigiinnikkut
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Fg. Direktør, Kista Lynge Høegh
Mobil: +299 564544
Nittartagaq: http://www.sermersooq.gl
Qinnuteqaat nassiutiguk