Skip to main content
87

Dette jobopslag er udløbet

Innarluutilinnut tarnikkullu nappaatilinnut immikkoortortaqarfik aqutsisussarsiorpoq, atorfiup normua, 581/18

Immikkoortortami aqutsisut/suleqatigiiaanut aqutsisut sisamat Immikkoortortami aqutsisutut toqqaannartumik pisortaaffigissavatit.  Ikorfartoqatigiit, Ornittakkanut/Ulluunerani neqeroorutinut, Piginnaanngorsartunut neqeroorutinut kiisalu Najungaqatigiiffinni Immikkoortortani sulisut katillugit Kommuneqarfik Sermersooq tamakkerlugu agguataarsimasut 60-t missaaniipput.

Immikkoortortami aqutsisutut arlalinnik suliaqartassaatit ataatsikkullu eqqissisimasinnaassuseqarlutit tamanillu isiginnissinnaassasutit.

Innarluutilinnut tarnikkullu nappaatilinnut Immikkoortortaqarfimmi pitsaassutsimik qaffassaaneq qitiutipparput, kissaatigalugulu aqutsisunik sulisunillu peqataatitsinissaq, innuttaasut annertuumik innarluutillit ajunnginnerusumik siunnerfilimmillu sullinnissaat anguniarlugu, tassani innuttaasut annertuumik innarluutillit misigitillugit qitiutinnerannik.

Immikkoortortami aqutsisutut  sulisunik atorluaanissaq akisussaaffigaat tulleriissaarinermilu sakkussat, kiisalu suliassaqarfiup iluani sullissinerit pitsaassusaat ataavartumik qulakkeerneqarluni, inatsisit naleqartitallu Kommuneqarfik Sermersuumi innuttaasunut annertuumik innarluutilinnut sullissineranut naapertuunnersut.  

Kommuneqarfik Sermersuumi Innarluutilinnut tarnikkut nappaatilinnullu Immikkoortortaqarfik assigiinngitsunik neqerooruteqarpoq, Najugaqarfiit, Najugaqatigiiffiit, Ataatsimoorussamik Najugaqatigiiffiit, Ornittakkat/Ulluunerani neqeroorutit Ikorfartoqatigiilllu.

Immikkoortumi 150 missiliorlugit sulisoqarpoq innuttaasullu 300-t Innarluutilinnut tarnikkut nappaatilinnullu Immikkoortortaqarfimmut attuumassuteqarput.

 

Innarluutilinnut tarnikkut nappaatilinnullu Immikkoortortaqarfimmi suliat allattorsimaffii politikkikkut akuerisat najoqqutaralugit sulivugut, imaapporlu suliat allattorsimaffiini suut sullississutigineqassanersut allattorsimasuutigineqarput.  

Sulianut allattorsimaffik linkimi uani nassaarineqarsinnaavoq: https://sermersooq.gl/kl/innuttaasunut/isumaginninnermi-suliat-allaaserineqarnerat/#=272   

Ikorfartoqatigiinnut, Ornittakkanut/Ulluunerani neqeroorutinut, Piginnaanngorsarnermut neqeroorut, Najungaqatigiiffinni Immikkoortortani aqutsisutut ilaatigut makku akisussaaffigissavatit: 

Sulisunik siuarsaaneq aqutsinerlu, taamaalillutik suliassaat anguniagaallu taakkununnga ersarissooqqullugu.

  • Innuttaasut pisinnaasaannut ikorfartuinermut attuumassuteqartunik pingaarnertut suliassanik ineriartortitsineq.
  • Nutaaliorneq, ineriartortitsineq qulakkeerinninnerlu qitiutillugit ulluinnarni ingerlatsineq, suliat pitsaassusaannik sulisunillu aqutsinermik qulakkeerinninneq qitiutillugit.
  • Tapertariilluni suleqatigiinnermik suliffeqarfik akimorlugu pilersitsineq.
  • Tamakkiisumik isiginnissinnaassuseqartitsineq, aaqqissuussaasumik sulineq suliniuteqarusussuseqarnerlu
  • Iliuutsinut nutaanut qulakkeerinninneq inatsimmi attuumassuteqartut immikkoortuni pisortat/teamlederi qanimut suleqatigalugit.
  • Missingersuutinik malinnaatitsinissamut ataavartumillu iluarsiissuteqarnernut aqutsisutut akisussaasuuneq allannguutinut annertuunut iliuuseqarfiginninnerit.
  • Innarluutilinnut tarnikkullu nappaatilinnut tunngasuni najoqqutassani aaqqissuussaasunut, politikkikkut allaffissornikkullu ineriartortitseqataanissamut akisussaaqataaneq
  • Missingersuutit politikkikkut sinaakkutassat akuersissutigineqarsimasut iluiniinnissaannik akisussaaqataaneq.
  • Nassuiaasiornermut, misissuiernut kingunerisinnaasanillu naatsorsuinernut akisussaaqataaneq.
  • Anguniagaqartumik ilitsersuineq siunnersuinerlu pillugit akisussaaqataaneq Piginnaanngorsaanermi neqeroorummi Najugaqatigiiffinni sulisut ineriartortinneqarnissaat pikkorissartinneqarnissaallu Immikkoortortaqarfimmi aqutsisoq suleqatigalugu. 
  • Sulisunut allanut maligassiuinerit sulisullu sinnerinut aallartitsisutut atuunneq
  • Ikorfartoqatigiit, ornittakkat/ulluunerani neqeroorutit, piginnaanngorsaqqiinernut neqeroorutini Najugaqatigiiffinnullu Immikkoortortaqarfinni sulisunut pissutsinik pitsaasunik qulakkeerinissaq akisussaasoq
  • Innarluutilinnut tarnimikkullu Nappaatilinnut Immikkoortortami aqutsisooqataaneq
  • Innarluutilinnut sapaatip akunneqartitsinermut, sap.ak. 41-imut pilersaarusiornermut peqataaneq kiisalu Inunnut innarluutilinnut Tarnimikkullu Nappaatilinnut Immikkoortortami sammisassaqartitsinernut allanut suleqataaneq.

Naatsorsuutigaarput, illit:

  • Perorsaanikkut, peqqissaanermut tassungaluunniit attuumassuteqartumik ilinniagaqarsimasuusoq, politikkikkullu aqunneqartumi suliffeqarfimmi sulinermik misilittagaqarluartutit
  • Sumiiffimmi allaniittunik aqutsinermik misilittagaqarnissaa. 
  • Ingerlatsinermi ineriartortitsinermilu pissanganartumi sulisinnaassuseqartutit.
  • Innarluutilinnut tarnikkullu nappaatilinnut tunngasuni ilisimasaqartutit ajornanngippallu misilittagalik.
  • Aningaasatigut atugassarititaasunik pisariaqartitsinermillu nalilersuisinnaassuseqarlutillu suliniuteqarsinnaassuseqartutit.
  • Aqutsisutut ersarittutit sulianillu aallussillutit, inunnik allanik naapitaqarnermik nuannarisalik suliaqarfinni suleqatinut, innuttaasunut taakkulu qanigisaannut suleqatinullu akuersaartumik ammasumik akuliusimasutit.
  • Paaqqinniffinni allani atorfigisimasannit aqutsisutut misilittagaqaruit iluassaaq.
  • Inunnik sullissinermik misilittagaqaruit iluassaaq, annertuumik innarluutilinniusinnaavoq
  • Inuit annertuumik innarluutillit sullikkusullugit iliuuseqarnikkut allanngueqataaffigerusukkitit.
  • Anguniagaqarnissamut akuersaartumik attaveqaqatigiinnermullu pikkorittutit.
  • Perorsaanikkut iliuusissatut pilersaarusiorneq ilisimasaqarfigigit
  • Kajumissuseqarlutit inuunermillu pitsaasumik isiginnittaaseqarlutit
  • Namminersorlutit suleqatit akimorlugit sulisinnaasutit tamatigoortuusutillu
  • Savituujunissat, aallarnisaasinnaasoq qungujunnartunillu nuannarisalik
  • Malinnaasinnaasoq aamma pisunik paasinnissinnaasoq

 

Tamatuma saniatigut pingaartipparput:

  • Aalajaatsuunissat, pitsaassutsimik ilisimasaqarluartuunissat ataasiakkaanullu maluginiaasinnaanissat
  • Ataatsimoortumik takunnissinnaanerit attatiinnarlugu arlalinnik ataatsikkut suliaqarsinnaanissat
  • Nammineerlutit sulisinnaasoq, akisussaassuseqartoq sullissilluarusuttorlu
  • Suliassanut aamma suliassanik agguataarinernik ingerlaavartumik iluarsiissuteqarnissamut eqaatsumik allanngueriataarsinnaassuseqartutit
  • Ulluinnarni ulapaarfiusuni ukkassillutit aaqqissuisinnaassuseqarlutit sulisinnaasutit
  • Tatituujusutit, aallarnisaasinnaasutit, nukissaqartutit iliuuseqarnissamullu piumassuseqarluartutit
  • Suliassatta ingerlanneqarnerini ingerlaavartumik ineriartortitsinermut pitsanngorsaanermullu suleqataassasutit
  • Siammasissumik assigiinngitsullu akornanni suleqatiginnillaqqittuusutit

Suliffeqarfimmi eqeersimaarfiulluartumi ullormut amerlasuunik assigiinngitsunillu nalaatassaqarfiusumi assigiinngisitaartunillu suliassartalik atorfik namminersorfiulluartoq unammillernartulillu neqeroorutigaarput.  Innarluutilinnut tunngasunut immikkoortortami fagchefi qaninnertut sulisitsisorissavat, aqutsisoqatigiinnilu fagchefimik, Najungaqarfittut neqeroorummi immikkoortumi aqutsisoq, Innarluutilinnut tarnikkut nappaatilinnullu Immikkoortortaqarfimmi aqutsisunik inuttalimmut ilaassallutit. 

Pitsaasunik avatangiiseqarluni, suliatigut siunersiueqatigiilluni, akisussaassuseqarluni, ammasuulluni assigiinngissutsinillu ataqqinnilluni sulineq pingaartipparput. 

Atorfik ulloq naallugu suliffiusarpoq, naatsorsuutigissavallu piareersimasuusassallutit.

Narsaviaq 26, 2 sal, 3905 Nuussuaq Immikkoortortami aqutsisutut allaffeqarfigissavat

Pineqaatissinneqarsimannginnermut uppernarsaat:
Atorfik taanna pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Inatsit naapertorlugu kommune pineqaatissinneqarsimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik malugeqqussavarput kommune Politiinit pineqaatissinneqarsimannginnermut uppernarsaat aatsaat tiguppagu atorfiniffiusussaq isumaqatigiissutigineqarsinnaammat.

Akissaatinut atorfinitsitaanermullu tunngatillugit atugassarititaasut:
Akissarsiaqarnermut atorfinitsitaanermullu atugassarititaasutimaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinititsisoqassaaq.

Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl

Qinnuteqaat:
Qinnuteqaatip ilisarnaataata Job nr. 581/18, aamma ilinniagaqarsimaneq siornatigullu sulisimanermik pillugit paasissutissartalik, soraarummersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimit tiguneqareersimassaaq.

Imatut qinnuteqaateqassaatit:                
Atorfik qinnuteqarfigerusutat takugukku, uagutsinnut qinnuteqaammik nassitsissuutit nittartagarput aqqutigalugu.
Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

 

Qinuteqaat tunniunneqassaaq kingusinnerpaamik: 10. september 2018
Atorfininneq: Isumaqatigiinnikkut
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Susanne K. Christensen
Telefon: +299 36 61 63
Mobil: +299 56 27 61
Nittartagaq: http://www.sermersooq.gl
Qinnuteqaat nassiutiguk