Skip to main content
81

Dette jobopslag er udløbet

Ilinniartitsisumik pikkorissumik pimoorussisumillu Atuarfik Tuiisami / Atorfiup nr-a 189/18

”Kommeqarfik Sermersooq” ilinniartitsisumik pikkorissumik  pimoorussisumillu Atuarfik Tuiisami  isumaqatigiissuteqarnikkut atorfinittussamik pissarsiorpoq.

8. klassemi atuartitsilernissamut  attaveqartinneqassaatit. Ilinniartitsisussaq  atuaqatigiinni marlunnik ilinniartitsisoqartussami  suleqateqartumi atorfinitsinneqassaaq atuartuni  eqimattani  amerlanngitsunik inuttalimmi sulilertussaavoq. Aammattaaq suleqatigiilluni atuartitsinermi klasseni anginerni ilinniartitsisoqatigiit suleqatigisussaavatit. Atuaqatigiit quliupput, tamarmillu fagini tamani atuarnerminni immikkut pilersaarusiorneqassallutik, taamaalinermi pikkorinnerulernissaat qaffassarneqarsinnaammat. Atorfik piffissami tamakkiisumik suliffiussaaq – trin-inullu allanut atuartitsisinnaanermut periarfissaqarluni.

Atorfiup imarisai:

Ujarparput – misilittagaqartoq – ilinniartitsisoq ilinniartitsisoqatigiinnut suleqateqalertussaq ilinniartitsisoqatigiinnullu suliassanik tigusisinnaasoq.

  • Atuartitsinermini faginut tamanut piginnaasaqartoq
  • Atuartut atuarnerminni pilersaarutaannik malinnaatitsisoq
  • Ukiumullu arlaleriarluni ilinniartitsisoqatini ilagalugit atuartunik ataasiakkaanik nalilersueqataasartussaq
  • Perorsaanermi ataatsimiinnerni peqataasarnissaq
  • Sa. Akunnikkaartuni ilinniartitsisoqatigiit ataatsimiinneranni peqataasarnissaq
  • Ataatsimoorluni sammisassaqartitsinerni peqataasarnissaq
  • Atuartitsinerni allani peqataasarnissaq

Suliassat ilinniartitsisoqatigiit peqatigalugit afdelingsleder-illu peqatigalugit aaqqinneqartassapput

Qinnuteqartumut piumasaqaatit:

  • Atuartut angajullerni atuartitsinermi misilittagaqarnissaq
  • Atuartullu akullerni atuartitsinissamut piareersimanissaq.
  • Atuartunillu taakkuninnga atuartitsinissamut misilittagaqarnissaq

Aammattaaq pingaartitaraarput:

  • Pimoorussisuunissaq
  • Imartussuseqarnissaq (initussuseqartuunissaq)
  • Akisussaassuseqarluni suliaqarnissaq
  • Sulianut tunnngatillugu sungiassiassuseqarnissaq sulianullu agguaassinermi iluarsaassiuartuunissaq
  • Maattuujuneq  pilersitsisinnaasorlu, nukissaqarlunilu  piumassuseqqortuunissaq
  • Suleqatikkuminartuunissaq

Neqeroorutigaarput:
Suliaq pissanganartoq immikkoortortaqarfimmi malinnaaniarfiulluartumi ingerlasumi peqataanissaq aammaluineriartorfiusumi malinnaaneq taavalu Atuartitsiusumi pitsanngoriartorfiusumi ilaanissaq.

Pineqaatinneqannginnermut allagartaq:
Atorfik taanna pineqaatinneqannginnermut inatsimmut atammat, taava atorfinitsitsisussat pisussaapput atorfinittussaq pineqaatinneqannginnermut allagartaqarnissaanik piumasaqassallutik. Atorfinitsitsisoqannginnermi inatsit malillugu kommune naammaginartumik aatsaat pineqaatinneqannginnermi allagartamik pippaqt, taava aatsaaat atorfinitsitsineq aallartinneqarsinnaavoq. Erseqqissaatigissavarpullu atorfinitsitsineq aatsaat aallartinneqarsinnaammat kommune Rigspolitiiniit uppernarsaammik aammalu politiiniit uppernarsaammik tigusisimappata. Attorfinittussaq akuersaareerpat kommunip uppernarsaat piniarsinnaavaa taavalu atorfinittussaq nammineerluni uppernarsaat politiinut aassavaa.

Akissarsianut atorfinitsitsinermullu atugassarititat:
Akissarsianut atorfinitsitsinermullu piumasaqaatit Namminersorlutik Oqartussat aamma IMAK-ip isumaqat5igiissutaat najoqqutaralugu atuutinneqasaaq imaluunniit katuffik isumaqatigiinniarnermut sulianut tunngasunik piginnaasalik sinniisorineqarsinnaalluni.

Atorfinitsitsineq qaammatini siullerni pingasuni misiliutaagallassaaq.

Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl

Atorfiniffissaq ullulerneqassaaq suliffimmut atasumik inissaqartitsisoqarnera apeqqutaatillugu. Inatsisit atuuttut naapertorlugit atorfininnermut atatillugu angalaneq pisattanillu nassiussineq akilerneqassapput.

Qinnuteqaat:
Qinnuteqaatip ilisarnaataata Job nr. 189/17, aamma ilinniagaqarsimaneq siornatigullu sulisimanermik pillugit paasissutissartalik, soraarummersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimit tiguneqareersimassaaq.

Imatut qinnuteqaateqassaatit:                                        
Atorfik qinnuteqarfigerusutat takugukku, uagutsinnut qinnuteqaammik nassitsissuutit nittartagarput aqqutigalugu.
Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

Qinuteqaat tunniunneqassaaq kingusinnerpaamik: 26. marts 2018
Atorfininneq: Isumaqatigiissuteqarnikkut
Akunnerit suliffiit: Ulloq naallugu
Suliffik: Paamiut
Paasissutissat allat uani piniarneqarsinnaapput: Johansinnguaq Rosing
Telefon: +299 367681
Nittartagaq: http://www.sermersooq.gl
Qinnuteqaat nassiutiguk