Skip to main content
109

Campus Nuummiittoq marlunnik ilitsersuissussarsiorpoq / Atorfiup normua 513/18

Majoriaq Nuuk Kommuneqarfik Sermersuumiittoq Campus Nuummut aggustip aallaqqaataani 2018-imi kinguninngualuunniit atorfinittussanik ilitsersuisunik marlunnik pikkorissunik tunniusimasunillu pissarsiorput.

Nuummi Majoriaq suliffissarsiuussisarnermut, aqqutissiuussisarnermut pikkorissartitsinermullu tunngasunik sullissiviuvoq, tassa siusinnerusukkut Suliffissarsiuussiviup, Piareersarfiup, Piorsaaviullu ataatsimoortinnerat.

 Campus Nuummi piffissaq tamakkerlugu atorfiit marluk pineqarput, aqutsisoq Suni á Dalbø qaninnertut aqutsisorineqassaaq– Nuummi Majoriami Suliffissarsiuussinermut Aqqutissiuussinermullu sullissivimmi suleqatigiinnut aqutsisoq.

Atorfiup imarisai:
Atorfimmut tulluartut namminersorusussuseqassapput ataatsimullu takunnissinnaassallutik. Atorfimmi qitiusumik ”akisussaasutut”, ataqatigiissaarisutut campusimi ilinniarnernik ingerlatsinissami, innuttaasut suliffissarsiortutut namminersornerusumik suliffissarsiorsinnaalernissaanik sulissuteqarnissamut pilersaarusiortussatut akisussaasuunissaq. Suleqatigiit iluanni kisitsisinik paasissutissanillu atugassanik takutitsisoqartassaaq, kiisalu suleqatigiit illup iluaniittut kommunip avataaniittunullu suleqatigisanut ataavartumik ataqatigiissaarisoqassalluni paasissutissiisoqartassallunilu; tassungalu atatillugu ilitsersuisoqatigiinnik attaveqaqatigiisitsilernissaq. Ilinniartitsinernut ingerlanneqartussanut ataqatigiissaarissaasi; takkuttunik nalunaarsuinissaq, peqataasunik nalilersuinermi malitseqartitsinissaq. Suliassanik takkussortoqarsinnaavoq.

Suliassat Nuummi Majoriami Isumaginninnermut Suliffeqarnermullu Ingerlatsivimmi suleqatit peqatigalugit naammassineqassapput.

 Qinnuteqaateqartunut naatsorsuutigisat

  • Atorfimmut naleqquttumik ilinniarsimassasutit/sulinermik misilittagaqartutit

Tamatuma saniatigut pingaartipparput.

  • Namminersorsinnaaneq.
  • Tamakkiisumik takunnissinnaassuseqassasutit.
  • Aqqutissiuussisutut/Ilitsersuisutut tunuliaqutaqartutit
  • Allattariarsornikkut      oqaluttariarsornikkullu ersarissumik paatsuugassaanngitsumillu attaveqateqarsinnaasoq
  • Tulleriiaarisinnaassuseqarneq, aaqqissuussaasumillu sulisinnaaneq
  • Akisussaasoq
  • Ammasoq.
  • Sulilluarsinnaasutit kajumissuseqarluartutillu.
  • Qinnuteqartut marluinnik oqaasillit (kal/qa) atorfinitsinnissaat orniginartinneqarpoq.

Neqeroorutigaarput
Suliffik unammillernartoq aaqqissuusami ineriartortumi atorfiup ilusilersornissaanut periarfissalik. Suliffimmut suliffeqarfimmullu iserluartinneqarnissaq pingaartipparput aamma qanimut aqutsisut suleqatigalugit pitsaasumik suleqatigiittoqarnissaata qulakkeernissaa anguniartuarparput.

Pineqaatissinneqarsimannginnermut uppernarsaat: 
Atorfik taanna pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Inatsit naapertorlugu kommune pineqaatissinneqarsimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik malugeqqussavarput kommune Politiinit pineqaatissinneqarsimannginnermut uppernarsaat aatsaat tiguppagu atorfiniffiusussaq isumaqatigiissutigineqarsinnaammat.

Akissaatinut atorfinitsitaanermullu tunngatillugit atugassarititaasut:
Akissarsiaqarnermut atorfinitsitaanermullu, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinititsisoqassaaq.

Atorfinititsineq qaammatini pingasuni misiliutitaqassaaq.

Ineqarneq
Atorfimmut atatillugu inissiamik innersuussisoqarsinnaanngilaq.

Qinnuteqaat:
Qinnuteqaatip ilisarnaataata Job nr. 513/18, aamma ilinniagaqarsimaneq siornatigullu sulisimanermik pillugit paasissutissartalik, soraarummersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimit tiguneqareersimassaaq.

Imatut qinnuteqaateqassaatit:                      
Atorfik qinnuteqarfigerusutat takugukku, uagutsinnut qinnuteqaammik nassitsissuutit nittartagarput aqqutigalugu.
Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

Qinuteqaat tunniunneqassaaq kingusinnerpaamik: 23. juli 2018
Atorfininneq: Isumaqatigiinnikkut
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Suni á Dalbø
Telefon: +299 368046
Nittartagaq: http://www.sermersooq.gl
Qinnuteqaat nassiutiguk